Lindholt (Landkreis Veern)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Lindholt

Lindholt
Laag vun Lindholt in Düütschland
Basisdaten
Bundsland: Neddersassen
Landkreis: Veern
Gemeen: Langwedel
Inwahners:
Postleettall: 27299
Vörwahl: 04235
Geograafsche Laag:
Koordinaten:53° 0′ N, 9° 9′ O
53° 0′ N, 9° 9′ O

Lindholt (hoochdüütsch Lindholz) is en lütten Oort in de Gemeen Langwedel in’n Landkreis Veern, Neddersassen. Binnen de Gemeen höört Lindholt to Cluvenhagen un de polietsche Oortschop Ädelsen.

Geografie[ännern | Bornkood ännern]

De Oort liggt op de Achem-Veerner Geest. Dat Water ut dat Rebeed flütt över Gravens na de Ole Aller hen af.

De Naveröörd sünd Steenbarg un Grasdörp in’n Noorden, Langwedelermoor in’n Oosten, Dauben in’n Süüdoosten, Cluvenhagen in’n Süden, Ädelsen un Hustäe in’n Westen un Giersbarg in’n Noordwesten.

Historie[ännern | Bornkood ännern]

In Lindholt hett dat en Eddelgood geven.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Dauben in’n Kanton Achem höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Bauen in’n Kanton Achem.

De Oort hett vör 1852 to de Oostvaagdie von dat Gogericht Achem tohöört, dat 1852 denn to dat Amt Achem worrn is. Na 1885 weer dat in’n Kreis Achem. 1932 is de Kreis Achem mit’n Kreis Veern tohoopgahn un hett den ne’en un grötteren Kreis Veern billt.

De Oort weer von öllers Deel von de Buurschop un later de Gemeen Cluvenhagen, de an’n 1. Juli 1968 Deel von de Gemeen Ädelsen worrn is. De Gemeen Ädelsen is al veer Johr later an’n 1. Juli 1972 mit de Gemeenreform in Neddersassen sülvs Deel von de Gemeen Langwedel worrn. Sietdem höört de Oort binnen de Gemeen to de Oortschop Ädelsen, de en egen Oortsraad un Oortsbörgermeester hett.

Inwahnertall[ännern | Bornkood ännern]

Johr Inwahners
1791-00-001791[1] 1 Füürsteed
1812-00-001812[2] 14
1824-00-001824[3] 1 Füürsteed
1848-00-001848[4] 29 Lüüd. 5 Hüüs
1871-12-011. Dezember 1871[5] 66 Lüüd. 11 Hüüs
1885-12-011. Dezember 1885[6] 61 Lüüd. 11 Hüüs
1905-12-011. Dezember 1905[7] 61 Lüüd. 10 Hüüs

Religion[ännern | Bornkood ännern]

Lindholt is evangeelsch-luthersch präägt un höört to dat Kaspel von de Sigismund-Kark in Dauben.

För de Kathoolschen is de St.-Matthias-Kark in Achem tostännig.

De Doden warrt op’n Karkhoff Ädelsen begraven.

Weertschop un Infrastruktur[ännern | Bornkood ännern]

För Lindholt is de freewillige Füürwehr Cluvenhagen mit tostännig.

Verkehr[ännern | Bornkood ännern]

Lindholt is över lüttjere Straten anbunnen an de Landsstraat 158 in Ädelsen un an de Kreisstraat 9. De L 158 geiht von Ädelsen in’n Noordwesten över Bauen un Achem na Bremen rin un in’n Süüdoosten över Cluvenhagen un Langwedel na Daulsen an de Bundsstraat 215. De K 9 föhrt in’n Süden ok na de L 158 un wieder na Intschen un Blenner un in’n Noorden över Langwedelermoor na Grasdörp un Giersdörp/Schanzendörp.

De nächste Autobahn is de Autobahn 27 (Afsnidd BremenWasra), de direkt an’n Oort langsgeiht. De Opfohrt 24b Langwedel liggt so twee Kilometer in’n Oosten von Lindholt an de K 9.

De nächste Bahnhoff is so bi twee Kilometer wied weg in’n Westen de Bahnhoff Ädelsen an de Bahnlien Wunsdörp–Bremen.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 143
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 95
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 376
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 142
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 165
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 177
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 3