Mairie Bauen

Vun Wikipedia
Zur Navigation springen Zur Suche springen

De Mairie Bauen weer in de Franzosentied (1810 bet 1813) een von de dree Mairien, in de de Kanton Achem indeelt weer. De Seet weer in Bauen un de Maire de fröhere Hauptmann von Quiter. Se harr 2659 Inwahners.[1]

Historie[ännern | Bornkood ännern]

De Ümgegend von Bauen hett vör de Franzosentied to dat Gogericht Achem in dat Hartogdom Bremen höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Mairie Bauen een von de ölven Mairien in’n Kanton Achem von’n Distrikt Veern, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Bauen weer nu een von de dree Mairien in’n Kanton Achem, Distrikt Bremen, Departement von de Wersermünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to de veer Mairien Bauen, Grasdörp, Dauben un Hagen-Grinnen (all veer in’n Kanton Achem) höört harrn. De Mairie Bauen hett aver Üsen mit Üserdicken an de Mairie Achem afgeven.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd[ännern | Bornkood ännern]

Dor hebbt düsse Öörd tohöört:

Vondaag sünd düsse Öörd Deel von de Gemenen Achem, Langwedel un Otterbarg.

Footnoten[ännern | Bornkood ännern]

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 95
  2. a b Bulletin des lois du Royaume de Westphalie. Königliche Bookdruckeree, Kassel 1810, Sied 21