Langwedel (Landkreis Veern)

Vun Wikipedia
Wapen/Flagg Koort

Wapen vun Langwedel

Langwedel
Laag vun Langwedel in Düütschland
Basisdaten
Bundsland: Neddersassen
Landkreis: Veern
Gemeen: Langwedel
Flach: 7,619 km²
Inwahners:
Postleettall: 27299
Vörwahl: 04232
Geograafsche Laag:
Koordinaten:52° 58′ N, 9° 12′ O
52° 58′ N, 9° 12′ O

Karte

Langwedel (hoochdüütsch Langwedel) is en Flecken in de Gemeen Langwedel in’n Landkreis Veern, Neddersassen. Binnen de Gemeen Langwedel billt de Oort de polietsche Oortschop Langwedel.

Vondaag is Langwedel mit Dauben tohoopwussen.

Geografie[ännern | Bornkood ännern]

De Oort liggt op de Achem-Veerner Geest. Dat Water ut dat Rebeed flütt över’n Goldbeek na de Ole Aller hen af.

De Naveröörd sünd Allerdörp in’n Noorden, Völkersen un Doolbröch in’n Noordoosten, Hobüttel, Förth un Nindörp in’n Oosten, Daulsen in’n Süüdoosten, Groten Eeßel un Lüttjen Eeßel in’n Süden, Winkel un Intschen in’n Süüdoosten, Dauben in’n Westen un Langwedelermoor in’n Noordwesten.

Historie[ännern | Bornkood ännern]

Langwedel kummt 1226 toeerst in de Oorkunnen vör. In dat 13. Johrhunnert is dor dat Slott Langwedel boot worrn, an de Hannelstraat, de hier över de Grenz von dat Stift Veern na dat Arzstift Bremen güng. Boot hett disse Waterborg de Bremer Arzbischop Gerhard II.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Bauen in’n Kanton Achem höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to’n Distrikt Langwedel in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.

Ut Land von dat Vörwark Langwedel is kort na 1760 de egenstännige Gemeen Herrenkamp billt worrn. Herrenkamp weer egenstännig, bet dat in dat Johr 1900 Deel von de Gemeen Langwedel worrn is.

De Oort is an’n 1. Juli 1972 mit de Gemeenreform in Neddersassen Deel von de nu düüdlich gröttere Gemeen Langwedel worrn. Dorbi is Langwedel en Oortschop mit egen Oortsraad un Oortsbörgermeester worrn.

Inwahnertall[ännern | Bornkood ännern]

Johr Inwahners
1791-00-001791[1] 71 Füürsteden
1812-00-001812[2] 521
1824-00-001824[3] 97 Füürsteden
1848-00-001848[4] 716 Lüüd, 121 Hüüs
1871-12-011. Dezember 1871[5] 756 Lüüd, 132 Hüüs
1885-12-011. Dezember 1885[6] 703 Lüüd, 141 Hüüs
1905-12-011. Dezember 1905[7] 907 Lüüd, 166 Hüüs
1910-12-011. Dezember 1910[8] 1.110*
1925-00-001925[9] 1.243*
1933-00-001933[9] 1.260*
1939-00-001939[9] 1.288*
* mit Langwedelermoor

Religion[ännern | Bornkood ännern]

Langwedel is evangeelsch-luthersch präägt un höört to dat Kaspel von de Sigismund-Kark in Dauben.

För de Kathoolschen is de St.-Josef-Kark in Veern tostännig.

Wapen[ännern | Bornkood ännern]

Dat Wapen von de ole Gemeen Langwedel wiest baven vörn op sülvern Grund en swarten Haal, baven achtern op sülvern Grund en swart Hoorn von en Buck un ünnen op swarten Grund en sülvern Door.

Oortsraad[ännern | Bornkood ännern]

Oortsraad
Johr \ Partei Tall CDU SPD WGL
2016 5 1 3 1
Liddmaten
  • 2016:
    CDU: Frank Bohlmann
    SPD: Marco Behrmann, Sigrid Ernst, Udo Felke
    WGL: Holger Thöle

Oortsbörgermeesters[ännern | Bornkood ännern]

Tied Naam Partei
2011–2016 Sigrid Ernst SPD
2016– Marco Behrmann SPD

Kultur[ännern | Bornkood ännern]

Verenen[ännern | Bornkood ännern]

De Schüttenvereen Langwedel is 1878 grünnt worrn un de Sportvereen MTV Langwedel 1893.

Weertschop un Infrastruktur[ännern | Bornkood ännern]

Langwedel hett en egene freewillige Füürwehr.

Langwedel gellt na dat Regionale Ruumordnungsprogramm as Grundzentrum för de Öörd in de Ümgegend.

De Oort hett en Filiaal von de Volksbank Aller-Werser un von de Kreisspoorkass Veern.

Verkehr[ännern | Bornkood ännern]

Bahnhoff Langwedel

Dör Langwedel löppt de Landsstraat 158, de in’n Noordwesten na Ädelsen un Achem geiht un in’n Süüdoosten in Daulsen an de Bundsstraat 215. De B 215 föhrt in’n Noordoosten över Wall na Rodenborg un in’n Süden na Veern un Dörbern. Von de L 158 gaht in Langwedel in’n Noordoosten de Kreisstraat 10 af na Doolbröch an de L 155 un in’n Süden de K 27 na Eeßel.

De nächste Autobahn is de Autobahn 27 (Afsnidd BremenWasra). De Opfohrt 24b Langwedel liggt veer Kilometer in’n Noorden von Langwedel an de K 9. Bevör düsse Opfohrt 2011 boot worrn is, weer de nächste Opfohrt de Opfohrt 25 Veern-Noord, de söss Kilometer in’n Oosten an de B 215 liggt.

De Bahnhoff Langwedel liggt an de Bahnlienen Wunsdörp–Bremen un Ülzen–Langwedel. Disse Bahnhoff is ok inbunnen in dat Nett von de Regio-S-Bahn Bremen/Neddersassen.

Scholen[ännern | Bornkood ännern]

In’n Oort gifft dat de Grundschool Langwedel.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 137
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 95
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 358
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 155
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 164
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 174
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 180
  8. Inwahnertallen op gemeindeverzeichnis.de
  9. a b c Inwahnertallen op verwaltungsgeschichte.de