Steenbarg (Landkreis Veern)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Steenbarg

Steenbarg
Laag vun Steenbarg in Düütschland
Basisdaten
Bundsland: Neddersassen
Landkreis: Veern
Gemeen: Langwedel
Inwahners:
Hööchd: 28 m över NN
Postleettall: 27299
Vörwahl: 04235
Geograafsche Laag:
Koordinaten:53° 1′ N, 9° 8′ O
53° 1′ N, 9° 8′ O

Steenbarg (hoochdüütsch Steinberg) is en Oort in de Gemeen Langwedel in’n Landkreis Veern, Neddersassen. Binnen de Gemeen höört Steenbarg to de polietsche Oortschop Ädelsen.

Geografie[ännern | Bornkood ännern]

De Oort liggt op’n 28 Meter hogen Giersbarg op’n Rand von de Achem-Veerner Geest hen na dat Moor. Dat Water ut dat Rebeed flütt över Gravens na’n Moorkanaal, de denn in de Wümm münnt.

De Naveröörd sünd Schanzendörp un Giersdörp in’n Noorden, Grasdörp in’n Noordoosten, Langwedelermoor in’n Süüdoosten, Lindholt, Giersbarg, Hustäe un Ädelsen in’n Süden, Bauen un Bauerholt in’n Süüdwesten un Bauermoor in’n Noordwesten.

Historie[ännern | Bornkood ännern]

En Hoff an’n Steenbarg dükert toeerst in dat 19. Johrhunnert in ole Böker op. Dat eerste Huus von’n hüdigen Oort op’n Steenbarg is 1911 boot worrn un eerst in’n Loop von dat 20. Johrhunnert is de Oort to de Grött wussen, de he nu hett.

De Oort weer von öllers Deel von de Buurschop un later de Gemeen Ädelsen, de an’n 1. Juli 1972 mit de Gemeenreform in Neddersassen Deel von de Gemeen Langwedel worrn is. Sietdem höört de Oort binnen de Gemeen to de Oortschop Ädelsen, de en egen Oortsraad un Oortsbörgermeester hett.

Inwahnertall[ännern | Bornkood ännern]

Johr Inwahners
1871-12-011. Dezember 1871[1] 4 Lüüd. 1 Huus

Religion[ännern | Bornkood ännern]

Steenbarg is evangeelsch-luthersch präägt un höört to dat Kaspel von de Lukas-Kark in Posthusen.

För de Kathoolschen is de St.-Matthias-Kark in Achem tostännig.

De Oort hett en egen Karkhoff, de von Privaatlüüd anleggt worrn is un vondaag von de Karkengemeen Posthusen bedreven warrt.

Kultur[ännern | Bornkood ännern]

Verenen[ännern | Bornkood ännern]

De Schüttenvereen Steenbarg is an’n 19. Mai 1955 grünnt worrn.

Weertschop un Infrastruktur[ännern | Bornkood ännern]

För Steenbarg is de freewillige Füürwehr Ädelsen mit tostännig.

Verkehr[ännern | Bornkood ännern]

Dör Steenbarg löppt de Kreisstraat 7, de in’n Noordoosten över Grasdörp na Hintzendörp/Stellsfellen an de Landsstraat 155 ran geiht un in’n Süden na Ädelsen an de L 158.

De nächste Autobahn is de Autobahn 27 (Afsnidd BremenWasra), de blots een Kilometer in’n Süden von’n Oort langsföhrt. De Opfohrt 24b Langwedel liggt aver eerst so söss Kilometer in’n Süüdoosten von Steenbarg an de K 9.

De nächste Bahnhoff is so bi dree Kilometer wied weg in’n Süden de Bahnhoff Ädelsen an de Bahnlien Wunsdörp–Bremen.

Scholen[ännern | Bornkood ännern]

Von 1948 bet in de Johren 1960 harr de Oort en lüttje eenklassige Volksschool.

Footnoten[ännern | Bornkood ännern]

  1. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 165