Bauerholt
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 28832 | |
| Vörwahl: | 04202 | |
| Geograafsche Laag: | Koordinaten:53° 1′ N, 9° 6′ O53° 1′ N, 9° 6′ O | |
|
| ||
Bauerholt (hoochdüütsch Badenerholz) is en lütten Oort in de Gemeen Achem in’n Landkreis Veern, Neddersassen.
Geografie
[ännern | Bornkood ännern]De Oort liggt op de Achem-Veerner Geest. Dat Water ut dat Rebeed flütt över Gravens na’n Bassener Möhlengraven un in de Wümm.
De Naveröörd sünd de Hurnsbarg in’n Noorden, Bauermoor un Steenbarg in’n Noordoosten, Giersbarg in’n Oosten, Hustäe un Ädelsen in’n Süüdoosten, Bauen in’n Süden, Üsen un Üserfinien in’n Süüdwesten un Bössel in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]De Oort hett vör 1852 to de Oostvaagdie von dat Gogericht Achem tohöört, dat 1852 denn to dat Amt Achem worrn is. Na 1885 weer dat in’n Kreis Achem. 1932 is de Kreis Achem mit’n Kreis Veern tohoopgahn un hett den ne’en un grötteren Kreis Veern billt.
De Oort weer von öllers Deel von de Buurschop un later de Gemeen Bauen, de an’n 1. Juli 1972 mit de Gemeenreform in Neddersassen Deel von de Gemeen Achem worrn is.
Inwahnertall
[ännern | Bornkood ännern]| Johr | Inwahners |
|---|---|
| 1848[1] | 17 Lüüd, 3 Hüüs |
| 1. Dezember 1871[2] | 16 Lüüd, 3 Hüüs |
| 1. Dezember 1885[3] | 27 Lüüd, 5 Hüüs |
| 1. Dezember 1905[4] | 26 Lüüd, 5 Hüüs |
Religion
[ännern | Bornkood ännern]Bauerholt is evangeelsch-luthersch präägt un höört to dat Kaspel von de Kark in Bauen.
För de Kathoolschen is de St.-Matthias-Kark in Achem tostännig.
Weertschop un Infrastruktur
[ännern | Bornkood ännern]För Bauerholt is de freewillige Füürwehr Bauen mit tostännig.
In’n Noorden von Bauerholt liggt de Golfclub Achem.
Verkehr
[ännern | Bornkood ännern]Dör Bauerholt löppt de Kreisstraat 6, de in’n Noordoosten över Bauermoor na Giersdörp/Schanzendörp un wieder na de Landsstraat 155 geiht un in’n Süüdwesten na Bauen un an de L 158. In’n Westen geiht von de K 6 de K 23 af, de na de L 156 ran föhrt.
De nächste Autobahn is de Autobahn 27 (Afsnidd Bremen–Wasra), de direkt an’n Oort langs föhrt. De Opfohrt 24 Achem-Oost liggt so twee Kilometer in’n Westen von Bauerholt an de L 156.
De nächste Bahnhoff is so annerthalv Kilometer wied weg in’n Süden de Bahnhoff Bauen an de Bahnlien Wunsdörp–Bremen.
Footnoten
[ännern | Bornkood ännern]- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 142
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 165
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2
