Hustäe (Landkreis Veern)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27299 | |
| Vörwahl: | 04235 | |
| Geograafsche Laag: | Koordinaten:53° 0′ N, 9° 8′ O53° 0′ N, 9° 8′ O | |
|
| ||
Hustäe (hoochdüütsch Hustedt) is en Oort in de Gemeen Langwedel in’n Landkreis Veern, Neddersassen. Binnen de Gemeen höört Hustäe to de polietsche Oortschop Ädelsen.
Geografie[ännern | Bornkood ännern]
De Oort liggt op de Achem-Veerner Geest. Dat Water ut dat Rebeed flütt över Gravens in’n Goldbeek un in de Ole Aller.
De Naveröörd sünd Giersbarg un Steenbarg in’n Noorden, Lindholt un Langwedelermoor in’n Oosten, Cluvenhagen in’n Süüdoosten, Ädelsen in’n Süden, Bauen in’n Westen un Bauermoor in’n Noordwesten.
Historie[ännern | Bornkood ännern]
Hustäe bestünn bet in dat 19. Johrhunnert blots ut en enkelt Scheperhuus. In dat 19. Johrhunnert is dat denn to en lütten Oort ranwussen, de vondaag mit Ädelsen un Cluvenhagen tohoopwussen is.
Verwaltungsgeschicht[ännern | Bornkood ännern]
De Oort hett vör 1852 to de Oostvaagdie von dat Gogericht Achem tohöört, dat 1852 denn to dat Amt Achem worrn is. Na 1885 weer dat in’n Kreis Achem. 1932 is de Kreis Achem mit’n Kreis Veern tohoopgahn un hett den ne’en un grötteren Kreis Veern billt.
De Oort weer fröher Deel von de Buurschop un later de Gemeen Ädelsen, de an’n 1. Juli 1972 mit de Gemeenreform in Neddersassen Deel von de Gemeen Langwedel worrn is. Sietdem höört de Oort binnen de Gemeen to de Oortschop Ädelsen, de en egen Oortsraad un Oortsbörgermeester hett.
Inwahnertall[ännern | Bornkood ännern]
| Johr | Inwahners |
|---|---|
| 1791[1] | 1 Füürsteed |
| 1824[2] | 1 Füürsteed |
| 1. Dezember 1871[3] | 44 Lüüd, 7 Hüüs |
| 1. Dezember 1885[4] | 54 Lüüd, 9 Hüüs |
| 1. Dezember 1905[5] | 89 Lüüd, 15 Hüüs |
Religion[ännern | Bornkood ännern]
Hustäe is evangeelsch-luthersch präägt un höört to dat Kaspel von de Sigismund-Kark in Dauben.
För de Kathoolschen is de St.-Matthias-Kark in Achem tostännig.
Weertschop un Infrastruktur[ännern | Bornkood ännern]
För Hustäe is de freewillige Füürwehr Ädelsen mit tostännig.
Verkehr[ännern | Bornkood ännern]
Dör Hustäe löppt de Kreisstraat 7, de in’n Noordoosten över Giersbarg, Steenbarg un Grasdörp na Hintzendörp/Stellsfellen an de Landsstraat 155 ran geiht un in’n Süden na Ädelsen an de L 158.
De nächste Autobahn is de Autobahn 27 (Afsnidd Bremen–Wasra), de een Kilometer in’n Noorden von’n Oort langslöppt. De Opfohrten 24 Achem-Oost un 24b Langwedel doot all beid so fiev Kilometer wied weg in’n Westen un Oosten von Hustäe liggen.
De nächste Bahnhoff is direkt in’n Süden von Hustäe de Bahnhoff Ädelsen an de Bahnlien Wunsdörp–Bremen.
Footnoten[ännern | Bornkood ännern]
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 119
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 310
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 165
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 177
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2