Goldbeek (Ole Aller)

Vun Wikipedia
Goldbeek
Laag Landkreis Veern
Stroomsystem Werser
Läng ~9 km
Born bi Hoberloo un Völkersen
Münn bi Dauben un Langwedel in de Ole Aller
rechte Blangenströöm Langwedeler Moorgraven

De Goldbeek is en üm un bi negen Kilometer langen Beek in de Gemeen Langwedel in’n Landkreis Veern, Neddersassen. De Beek münnt in de Ole Aller.

De Born liggt in dat Naturschuulrebeed Waller Moor bi Hoberloo un Völkersen. Von dor flütt de Beek na Süüdoosten. De Kreisstraat 24 un de Landsstraat 155 gaht dor denn mit Brüggen röver. In düssen Afsnidd warrt dor ok Langwedeler Möhlenbeek to seggt. Bi Langwedelermoor münnt von rechts de Langwedeler Moorgraven in’e Goldbeek, de Water ut’n Süüddeel von dat Hellweger Moor afföhrt.

De Goldbeek flütt nu wieder na Süden un ünner de Autobahn 27 ünnerdör. An de A 27 driggt ok en Rastplatz den Naam Goldbeek. Toletzt flütt de Beek twüschen de beiden Öörd Dauben un Langwedel langs un billt dor de fröhere Grenz twüschen de beiden Öörd. En lütt Stück in’n Süden von Dauben un Langwedel münnt de Goldbeek in de Ole Aller, wat fröher en Stück von de Aller weer. De Ole Aller wedder münnt en poor Kilometer wieder in de Werser.


Koordinaten:52° 58′ N, 9° 11′ O