Born (Water)
En Born (oder ok Spring, Quell) is en Steed, an de tiedwies oder duurhaftig Water ut de Eer kummt.
En Steed, an de de Minsch Water ut de Eer haalt, kann ok Born nöömt warrn (kiek dor för ünner Sood).
En Born spiest normalerwies Beken un Strööm, kann aver ok wedder versickern (endorheisch).
En Born kann normalen Druck hebben (de Normalfall) oder ünner hogen Druck stahn. Bi hogen Druck kann de Born as Artesisch Born, as Springborn oder as Geysir utbillt ween.
De Born as Levensruum warrt Krenal nöömt.
