Dauben

Vun Wikipedia
Zur Navigation springen Zur Suche springen
Wapen/Flagg Koort

Wapen vun Dauben

Dauben
Laag vun Dauben in Düütschland
Basisdaten
Bundsland: Neddersassen
Landkreis: Veern
Gemeen: Langwedel
Flach: 13,01 km²
Inwahners:
Postleettall: 27299
Vörwahl: 04232
Geograafsche Laag:
Koordinaten:52° 59′ N, 9° 10′ O
52° 59′ N, 9° 10′ O

Dauben (hoochdüütsch Daverden) is en Dörp in de Gemeen Langwedel in’n Landkreis Veern, Neddersassen mit üm un bi 2600 Inwahners. Binnen de Gemeen billt de Oort en egen polietsche Oortschop.

Vondaag is de Oort mit Langwedel tohoopwussen.

Geografie[ännern | Bornkood ännern]

De Oort liggt op de Achem-Veerner Geest an de Ole Aller. In’n Süüdoosten von Dauben münnt de Goldbeek in de Ole Aller. De Werser flütt een Kilometer in’n Süüdwesten langs un dor löppt ok de Slüsenkanaal Langwedel langs. De Oort sülvs liggt op de Geest, na Süden to slütt sik aver de Masch von de Werser an un na Noorden to Moor.

De Naveröörd sünd Langwedelermoor in’n Noorden, Völkersen un Doolbröch in’n Noordoosten, Langwedel in’n Oosten, Eeßel in’n Süüdoosten, Winkel, Intschen un Hagen-Grinnen mit Fössen in’n Süüdwesten, Cluvenhagen in’n Westen un Lindholt in’n Noordwesten.

Historie[ännern | Bornkood ännern]

Dauben kummt 1258 as curia Doverden toeerst in de Oorkunnen vör.

In’n Eersten Weltkrieg sünd 34 Soldaten ut Dauben fullen oder vermisst un in’n Tweten Weltkrieg 149.[1][2]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Dauben in’n Kanton Achem höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Bauen in’n Kanton Achem.

De Oort hett vör 1852 to de Oostvaagdie von dat Gogericht Achem tohöört, dat 1852 denn to dat Amt Achem worrn is. Na 1885 weer dat in’n Kreis Achem. 1932 is de Kreis Achem mit’n Kreis Veern tohoopgahn un hett den ne’en un grötteren Kreis Veern billt.

De Oort weer fröher en egenstännige Buurschop un later en Gemeen. To de Gemeen hebbt blangen dat Dörp Dauben ok noch de Oortsdelen Brand, Brook, Goldbargsrevier, Köbens un de Tegelee tohöört. De Gemeen is an’n 1. Juli 1972 mit de Gemeenreform in Neddersassen Deel von de Gemeen Langwedel worrn. Sietdem billt Dauben binnen de Gemeen en Oortschop mit Oortsraad un Oortsbörgermeester.

Inwahnertall[ännern | Bornkood ännern]

Johr Inwahners
1791-00-001791[3] 33 Füürsteden
1812-00-001812[4] 370
1824-00-001824[5] 47 Füürsteden
1848-00-001848[6] 414 Lüüd. 66 Hüüs
1871-12-011. Dezember 1871[7] 324 Lüüd. 56 Hüüs
1885-12-011. Dezember 1885[8] 322 Lüüd. 58 Hüüs
1905-12-011. Dezember 1905[9] 378 Lüüd. 68 Hüüs
1910-12-011. Dezember 1910[10] 767*
1925-00-001925[11] 901*
1933-00-001933[11] 919*
1939-00-001939[11] 1.013*
* tohoop mit de Oortsdelen Brand, Brook, Goldbargsrevier, Köbens un Tegelee

Religion[ännern | Bornkood ännern]

De Sigismund-Kark

Dauben is evangeelsch-luthersch präägt un billt mit de Sigismund-Kark en egen Kaspel.

För de Kathoolschen is de St.-Josef-Kark in Veern tostännig.

De Doden warrt op’n Karkhoff Dauben begraven, de dicht bi de Sigismund-Kark liggt, aver ok en egen Kapell hett.

Wapen[ännern | Bornkood ännern]

Dat Wapen von Dauben wiest op grönen Grund en sülvern Wellenlien. Dor över is en sülvern de Sigismund-Kark mit rood Dack to sehn un dor ünner twee gollen krüüzte Peerköpp, de na buten kiekt.

Oortsraad[ännern | Bornkood ännern]

Oortsraad
Johr \ Partei Tall CDU SPD WG
2016 5 2 2 1
Liddmaten
  • 2016:
    CDU: Torsten Eggers, Lars Lorenzen
    SPD: Alfons Adam, Silke Brünn
    WGL: Heike Schmitz

Oortsbörgermeesters[ännern | Bornkood ännern]

Tied Naam Partei
Silke Brünn SPD

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Dauben op’n Karkhoff.

Verenen[ännern | Bornkood ännern]

De Schüttenvereen Dauben is 1880 grünnt worrn, de Sportvereen TSV Dauben 1920 un de Vereen för Kultur un Geschicht an’n 5. Mai 1999.

Weertschop un Infrastruktur[ännern | Bornkood ännern]

Dauben hett en egene freewillige Füürwehr, de 1928 grünnt worrn is.

Verkehr[ännern | Bornkood ännern]

Dör Dauben löppt de Landsstraat 158, de in’n Noordwesten över Ädelsen, Bauen un Achem na Bremen to geiht un in’n Süüdoosten över Langwedel na Daulsen an de Bundsstraat 215. De L 158 warrt von de Kreisstraat 9 krüüzt, de in’n Noorden na Langwedelermoor un Grasdörp föhrt un in’n Süüdwesten na Intschen un Blenner.

De nächste Autobahn is de Autobahn 27 (Afsnidd BremenWasra). De Opfohrt 24b Langwedel liggt so dree Kilometer in’n Noorden von Dauben an de K 9.

De nächste Bahnhoff is so bi een Kilometer wied weg in’n Oosten de Bahnhoff Langwedel an de Bahnlien Wunsdörp–Bremen.

Scholen[ännern | Bornkood ännern]

De Kinner ut Dauben gaht toeerst na de Grundschool Langwedel un later to’n Bispeel op de Oberschool an’n Goldbeek direkt in Dauben. Dat gifft ok en Kinnergoorn.

Lüüd[ännern | Bornkood ännern]

De Politiker Karl-Eddi Armgort is 1925 in Dauben boren un de Politikerin Karin Garling 1959.

Literatur[ännern | Bornkood ännern]

  • Daverden - Geschichte und Geschichten. Vereen för Kultur un Geschicht Dauben, 2017

Footnoten[ännern | Bornkood ännern]

  1. Onlineprojekt Gefallenendenkmäler
  2. Onlineprojekt Gefallenendenkmäler
  3. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 53
  4. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 95
  5. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 126
  6. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 142
  7. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 165
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
  9. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2
  10. Inwahnertallen op gemeindeverzeichnis.de
  11. a b c Inwahnertallen op verwaltungsgeschichte.de

Weblenken[ännern | Bornkood ännern]

Commons-logo.svg Dauben. Mehr Biller, Videos oder Audiodateien to’t Thema gifft dat bi Wikimedia Commons.