Förth

Vun Wikipedia
Zur Navigation springen Zur Suche springen
Wapen/Flagg Koort

Wapen vun Förth

Förth
Laag vun Förth in Düütschland
Basisdaten
Bundsland: Neddersassen
Landkreis: Veern
Gemeen: Langwedel
Inwahners:
Postleettall: 27299
Vörwahl: 04232
Geograafsche Laag:
Koordinaten:52° 58′ N, 9° 13′ O
52° 58′ N, 9° 13′ O

Förth (hoochdüütsch Förth) is en Oortsdeel in de Gemeen Langwedel in’n Landkreis Veern, Neddersassen. Binnen de Gemeen Langwedel höört Förth to de polietsche Oortschop Hobüttel.

Geografie[ännern | Bornkood ännern]

De Oort liggt op de Achem-Veerner Geest. Dat Water ut dat Rebeed flütt över Gravens na de Ole Aller un de Werser hen af.

De Naveröörd sünd Doolbröch un Hobüttel in’n Noordoosten, Nindörp un Wall in’n Oosten, Dauelsen in’n Süüdoosten, Eißel in’n Süüdwesten un Langwedel in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort hett vör 1885 to de Huusvaagdie Veern in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.

De Oort höört von öllers bi de Gemeen Hobüttel mit to, de an’n 1. Juli 1972 mit de Gemeenreform in Neddersassen Deel von de Gemeen Langwedel worrn is.

Inwahnertall[ännern | Bornkood ännern]

Johr Inwahners
1905-12-011. Dezember 1905[1] 68 Lüüd. 15 Hüüs

Religion[ännern | Bornkood ännern]

Förth is evangeelsch-luthersch präägt un höört to dat Kaspel von’n Doom to Veern.

För de Kathoolschen is de St.-Josef-Kark in Veern tostännig.

Kultur[ännern | Bornkood ännern]

1965 hett dat Gasthuus Kroonsbarg in Förth apenmaakt, dat von 1969 bet 1999 as Disco bedreven worrn is. Mit dat Enn von dat Johr 1999 hett de Disco dichtmaakt.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Förth löppt de Landsstraat 158, de in’n Noordwesten na Langwedel un Achem geiht un in’n Süüdoosten na Dauelsen an de Bundsstraat 215. De B 215 geiht von dor in’n Süden wieder na Veern un Dörbern un in’n Noordoosten över Wall na Rodenborg. Von de L 158 geiht na Noorden de L 155 af, de över Hobüttel, Völkersen un Postdörp na Otterbarg löppt.

De nächste Autobahn is de Autobahn 27 (Afsnidd BremenWasra). De Opfohrt 25 Veern-Noord liggt so veer Kilometer in’n Süüdoosten von Förth an de B 215.

De nächste Bahnhoff is so bi twee Kilometer wied weg in’n Noordwesten de Bahnhoff Langwedel an de Bahnlienen Wunsdörp–Bremen un Ülzen–Langwedel.

Förth liggt twüschen düsse beiden Bahnlienen. Bet 2010 hett dat an de L 158 en Bahnövergang över de Bahnlien Wunsdörp–Bremen geven. Op de Landsstraat un op de Bahnlien weer veel Verkehr, dorüm hett dat dor veel Stau geven. In’n August 2010 is en 675 Meter lange, ne’e Brügg över de Bahnlien inwieht worrn, de 4,4 Milljonen Euro köst hett.[2]

Footnoten[ännern | Bornkood ännern]

  1. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 181
  2. Bahnüberführung Langwedel-Förth gestern offiziell für den Verkehr freigegeben. „Eine Gefahrenstelle weniger“. „Von großer Bedeutung für die Region“. Kreiszeitung an’n 24. August 2010