Fössen

Vun Wikipedia

Dit Woort hett noch annere Bedüden: kiek dorför ünner Fast (Gebüüd).

Wapen/Flagg Koort
hett keen Wapen
Fössen
Laag vun Fössen in Düütschland
Basisdaten
Bundsland: Neddersassen
Landkreis: Veern
Gemeen: Langwedel
Inwahners:
Postleettall: 27299
Vörwahl: 04235
Geograafsche Laag:
Koordinaten:52° 58′ N, 9° 8′ O
52° 58′ N, 9° 8′ O

Karte

Fössen (hoochdüütsch Försten) is en lütten Oort in de Gemeen Langwedel in’n Landkreis Veern, Neddersassen. Binnen de Gemeen höört de Oort to Hagen-Grinnen un to de polietsche Oortschop Ädelsen.

Geografie[ännern | Bornkood ännern]

De Oort liggt in de Masch twüschen de Werser un de Ole Aller. De Oort warrt vondaag von’n Slüsenkanaal Langwedel dörsneden.

De Naveröörd sünd Cluvenhagen in’n Noorden, Dauben in’n Noordoosten, Winkel in’n Süüdoosten, Intschen in’n Süden, Meierwiede un Heemhude in’n Westen un Olenhude, Hagen, Wiepelnbusch un Launborg in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Hagen-Grinnen in’n Kanton Achem höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Bauen in’n Kanton Achem.

De Oort hett vör 1852 to de Oostvaagdie von dat Gogericht Achem tohöört, dat 1852 denn to dat Amt Achem worrn is. Na 1885 weer dat in’n Kreis Achem. 1932 is de Kreis Achem mit’n Kreis Veern tohoopgahn un hett den ne’en un grötteren Kreis Veern billt.

De Oort höört von öllers to de Buurschop un later de Gemeen Hagen-Grinnen mit bi. De Gemeen Hagen-Grinnen is an’n 1. Juli 1968 Deel von de Gemeen Ädelsen worrn, de an’n 1. Juli 1972 mit de Gemeenreform in Neddersassen Deel von de Gemeen Langwedel worrn is. Sietdem höört Fössen binnen de Gemeen to de Oortschop Ädelsen, de en egen Oortsraad un Oortsbörgermeester hett.

Inwahnertall[ännern | Bornkood ännern]

Johr Inwahners
1812-00-001812[1] 36
1848-00-001848[2] 31 Lüüd, 5 Hüüs
1871-12-011. Dezember 1871[3] 25 Lüüd, 5 Hüüs
1885-12-011. Dezember 1885[4] 23 Lüüd, 4 Hüüs
1905-12-011. Dezember 1905[5] 24 Lüüd, 4 Hüüs

Religion[ännern | Bornkood ännern]

Fössen is evangeelsch-luthersch präägt un höört to dat Kaspel von de Kark to’n goden Heer in Ädelsen. Düsse Kark is 1965 trech worrn. Vörher hett de Oort to dat Kaspel von de Sigismund-Kark in Dauben tohöört.

För de Kathoolschen is de St.-Josef-Kark in Veern tostännig.

Weertschop un Infrastruktur[ännern | Bornkood ännern]

För Fössen is de freewillige Füürwehr Cluvenhagen mit tostännig.

Verkehr[ännern | Bornkood ännern]

An’n Oostrand von Fössen löppt de Kreisstraat 9 langs, de in’n Noorden na Dauben an de Landsstraat 158 un wieder na Grasdörp un Giersdörp/Schanzendörp geiht un in’n Süden na Intschen un bi Blenner an de L 203. De L 158 föhrt in’n Noordwesten över Ädelsen un Bauen na Achem un in’n Süüdoosten na Langwedel un in Daulsen na de Bundsstraat 215.

De nächste Autobahn is de Autobahn 27 (Afsnidd BremenWasra). De Opfohrt 24b Langwedel liggt so söss Kilometer in’n Noordoosten von Fössen an de K 9.

De nächsten Bahnhööv sünd so bi fiev Kilometer wied weg in’n Noordwesten de Bahnhoff Ädelsen un in’n Oosten de Bahnhoff Langwedel, de all beid an de Bahnlien Wunsdörp–Bremen liggen doot.

Footnoten[ännern | Bornkood ännern]

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 95
  2. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 142
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 166
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 177
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 3