Spang (Landkreis Veern)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Spang
Laag vun Spang in Düütschland
Basisdaten
Bundsland: Neddersassen
Landkreis: Veern
Gemeen: Langwedel
Inwahners:
Postleettall: 27299
Vörwahl: 04230
Geograafsche Laag:
Koordinaten:53° 1′ N, 9° 16′ O
53° 1′ N, 9° 16′ O

Spang (hoochdüütsch Spange) is en lütten Oort in de Gemeen Langwedel in’n Landkreis Veern, Neddersassen. Binnen de Gemeen Langwedel höört Spang to de polietsche Oortschop Völkersen.

Geografie[ännern | Bornkood ännern]

De Oort liggt in’t Spanger Holt op de Achem-Veerner Geest. Dat hoog legene Spanger Holt billt de Waterscheed twüschen Langwedeler Möhlenbeek (flütt na de Ole Aller un de Werser) in’n Westen, Eberser Beek (flütt in’n Ahuser Beek) in’n Oosten un Rehnengraven (flütt na de Wümm) in’n Noorden.

De Naveröörd sünd Bokel, Ahusen un Ebersen in’n Noordoosten, Heidkroog un Holbm in’n Süüdoosten, Völkersen in’n Süüdwesten un Hoberloo un Bredenfellermoor in’n Noordwesten.

Historie[ännern | Bornkood ännern]

Spang is as Forsthuus in’t Spanger Holt anleggt worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Wall in’n Kanton Veern höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Huusvaagdie Veern in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.

De Oort höört al von öllers bi de Gemeen Völkersen mit bi, de an’n 1. Juli 1972 mit de Gemeenreform in Neddersassen Deel von de Gemeen Langwedel worrn is.

Inwahnertall[ännern | Bornkood ännern]

Johr Inwahners
1791-00-001791[1] 1 Füürsteed
1812-00-001812[2] 23
1824-00-001824[3] 1 Füürsteed
1848-00-001848[4] 23 Lüüd. 3 Hüüs
1871-12-011. Dezember 1871[5] 19 Lüüd. 3 Hüüs
1885-12-011. Dezember 1885[6] 4 Lüüd. 1 Huus
1905-12-011. Dezember 1905[7] 5 Lüüd. 1 Huus

Religion[ännern | Bornkood ännern]

Spang is evangeelsch-luthersch präägt un höört to dat Kaspel von’n Doom to Veern.

För de Kathoolschen is de St.-Josef-Kark in Veern tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Spang is över lüttjere Straten anbunnen an de Bundsstraat 215, de in’n Noordoosten över Ebersen un Ünnerst na Rodenborg geiht un in’n Süüdwesten över Wall un Dauelsen na Veern un Dörbern. In’n Westen geiht von de B 215 de Kreisstraat 31 na Völkersen af, de dor an de Landsstraat 155 ran geiht. De L 155 föhrt in’n Noordwesten na Postdörp un Otterbarg un in’n Süden na Doolbröch, Hobüttel un Nindörp.

De nächste Autobahn is de Autobahn 27 (Afsnidd BremenWasra). De Opfohrt 25 Veern-Noord liggt so söven Kilometer in’n Süden von Spang an de B 215.

De nächste Bahnhoff is so bi acht Kilometer wied weg in’n Süüdwesten de Bahnhoff Langwedel an de Bahnlienen Wunsdörp–Bremen un Ülzen–Langwedel. Disse Bahnhoff is ok inbunnen in dat Nett von de Regio-S-Bahn Bremen/Neddersassen.

Scholen[ännern | Bornkood ännern]

De Kinner ut Spang gaht al von öllers her na de School in Völkersen, vondaag de Grundschool Völkersen.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 214
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 101
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 568
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 155
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 164
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 175
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 181