Mairie Wall

De Mairie Wall weer in de Franzosentied (1810 bet 1813) een von de dree Mairien, in de de Kanton Veern indeelt weer. De Seet weer in Wall. Se harr 1564 Inwahners.

Historie

De Ümgegend von Wall hett vör de Franzosentied to dat Amt Veern in dat Hartogdom Veern höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Mairie Wall een von de ölven Mairien in’n Kanton Veern von’n Distrikt Veern, Departement von de Elv- un Wersermünnen. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Wall weer nu een von de dree Mairien in’n Kanton Veern, Distrikt Bremen, Departement von de Wersermünnen. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to de twee Mairien Wall un Daulsen ut’n Kanton Veern höört harrn.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd

Dor hebbt düsse Öörd tohöört:

• Königriek Westfalen:

  Wall, Nindörp, Hobüttel, Schüülg’n, Holbm, Spang, Völkersen

• Kaiserriek Frankriek:

  Wall (253 Inwahners), Nindörp (37), Hobüttel (50), Schüülg’n (33), Holbm (242), Weehoff (8), Spang (23), Völkersen (204), Doolbröch (23), Neemöhlen (24), Ulemöhlen (24), Daulsen (296), Eeßel (203), Halsmöhlen (14), Scharnhors (106), Doomöhlen (24)

Vondaag sünd düsse Öörd Deel von de Gemenen Langwedel un de Veern.