Ulemöhlen

Wapen/Flagg	Koort
Basisdaten
Bundsland: Neddersassen Landkreis: Veern Gemeen: Veern
Inwahners:
Postleettall:	27283
Vörwahl:	04231
Geograafsche Laag:	52° 57′ N, 9° 15′ O

Ulemöhlen (hoochdüütsch Uhlemühlen) is en lütten Oort in de Gemeen Veern in’n Landkreis Veern, Neddersassen. Binnen de Gemeen Veern höört dat to de polietsche Oortschop Scharnhors.

Geografie

De Oort liggt op de Achem-Veerner Geest an’n Halsbeek, de later in de Aller münnt. De Dünen bi Neemöhlen in’n Süüdwesten sünd as Naturschuulrebeed schuult.

De Naveröörd sünd Wall in’n Noorden, Doomöhlen un Scharnhors in’n Noordoosten, Hoost, Lindhoop, Oosterkroog un Schnuckenstall in’n Süüdoosten, Bössel in’n Süden, Veern in’n Süüdwesten, Neemöhlen un Halsmöhlen in’n Westen un Daulsen in’n Noordwesten.

Historie

De Oort geiht trügg op en Watermöhl an’n Halsbeek. Bi de Möhl hett dat fröher ok en Gesundborn geven.

Verwaltungsgeschicht

In de Franzosentied von 1810 bet 1814 hett de Oort to de Mairie Wall in’n Kanton Veern höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Huusvaagdie Veern in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.

De Oort hett fröher tohoop mit Neemöhlen een Gemeen billt, de ok woll Möhlenstreek nöömt worrn is. Disse Gemeen is to’n 1. Januar 1929 an de Gemeen Scharnhors kamen, de an’n 1. Juli 1972 mit de Gemeenreform in Neddersassen denn Deel von de Gemeen Veern worrn is.

Inwahnertall

Johr	Inwahners
1791-00-001791	1 Füürsteed
1812-00-001812	24
1824-00-001824	1 Füürsteed
1848-00-001848	13 Lüüd, 3 Hüüs
1871-12-011. Dezember 1871	15 Lüüd, 2 Hüüs
1885-12-011. Dezember 1885	8 Lüüd, 2 Hüüs
1905-12-011. Dezember 1905	10 Lüüd, 2 Hüüs

Religion

Ulemöhlen is evangeelsch-luthersch präägt un höört to dat Kaspel von’n Doom to Veern.

För de Kathoolschen is de St.-Josef-Kark in Veern tostännig.

Weertschop un Infrastruktur

Verkehr

An Ulemöhlen langs löppt de Kreisstraat 28, de in’n Westen an de Bundsstraat 215 ran geiht un in’n Noordoosten na Scharnhors un an de K 21, de wieder na Holbm geiht. De B 215 löppt in’n Noordoosten över Daulsen un Wall na Rodenborg un in’n Süden na Veern un Dörbern.

De nächste Autobahn is de Autobahn 27 (Afsnidd Bremen–Wasra). De Opfohrt 26 Veern-Oost liggt so dree Kilometer in’n Süüdoosten von Ulemöhlen an de L 171 un de Opfohrt 25 Veern-Noord veer Kilometer in’n Noorden an de B 215.

De nächste Bahnhoff is so bi dree Kilometer wied weg in’n Süüdwesten de Bahnhoff Veern an de Bahnlien Wunsdörp–Bremen. Disse Bahnhoff is ok inbunnen in dat Nett von de Regio-S-Bahn Bremen/Neddersassen.

Scholen

De Kinner ut Ulemöhlen sünd fröher in Daulsen na de Volksschool gahn. Vondaag gaht se op de Grundschool an’n Sassenhain in Daulsen/Halsmöhlen.