Halsmöhlen

Vun Wikipedia
Wapen/Flagg Koort
hett keen Wapen
Halsmöhlen
Laag vun Halsmöhlen in Düütschland
Basisdaten
Bundsland: Neddersassen
Landkreis: Veern
Gemeen: Veern
Inwahners:
Postleettall: 27283
Vörwahl: 04231
Geograafsche Laag:
Koordinaten:52° 57′ N, 9° 14′ O
52° 57′ N, 9° 14′ O

Karte

Halsmöhlen (hoochdüütsch Halsmühlen) is en Dörp in de Gemeen Veern in’n Landkreis Veern, Neddersassen. Binnen de Gemeen Veern höört de Oort to de polietsche Oortschop Daulsen.

Vondaag is de Oort mit Daulsen tohoopwussen.

Geografie[ännern | Bornkood ännern]

De Oort liggt op de Achem-Veerner Geest direkt an’n Halsbeek.

De Naveröörd sünd Daulsen in’n Noorden un Oosten, Neemöhlen in’n Oosten, Veern in’n Süden, Höltenwarder in’n Süüdwesten, de Holbmer Winkel in’n Westen un Eeßel in’n Noordwesten.

Historie[ännern | Bornkood ännern]

Sassenhain

Halsmöhlen bestünn fröher blots ut en enkelte Watermöhl an’n Halsbeek. Eerst in dat 19. Johrhunnert sünd dor en Reeg Hüüs boot worrn, dör de de Oort to en lütt Dörp wussen is, dat ok en egen Gemeen weer.

In öllere Schriften warrt dor von snackt, dat Klaas Störtebeker in Halsmöhlen boren is. Dor gifft dat aver keen Nawies för.

1934 bet 1936 is ünner de Natschonalsozialisten bi Halsmöhlen de Sassenhain anleggt worrn, de an dat Bloodgericht von Veern denken laten schull.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Wall in’n Kanton Veern höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Huusvaagdie Veern in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.

De Gemeen Halsmöhlen is 1928/1929 Deel von de Gemeen Daulsen worrn, de an’n 1. Juli 1972 mit de Gemeenreform in Neddersassen an de Gemeen Veern kamen is.

Inwahnertall[ännern | Bornkood ännern]

Johr Inwahners
1791-00-001791[1] 1 Füürsteed
1812-00-001812[2] 14
1824-00-001824[3] 1 Füürsteed
1848-00-001848[4] 36 Lüüd, 7 Hüüs
1871-12-011. Dezember 1871[5] 65 Lüüd, 12 Hüüs
1885-12-011. Dezember 1885[6] 49 Lüüd, 8 Hüüs
1905-12-011. Dezember 1905[7] 55 Lüüd, 14 Hüüs
1910-12-011. Dezember 1910[8] 69

Religion[ännern | Bornkood ännern]

Halsmöhlen is evangeelsch-luthersch präägt un höört to dat Kaspel von’n Doom to Veern.

För de Kathoolschen is de St.-Josef-Kark in Veern tostännig.

Weertschop un Infrastruktur[ännern | Bornkood ännern]

In Halsmöhlen an de Hamborger Straat 32 liggt en Filiaal von de Kreisspoorkass Veern.

Verkehr[ännern | Bornkood ännern]

Halsmöhlen is an de Bundsstraat 215 anbunnen, de in’n Noordoosten över Daulsen un Wall na Rodenborg geiht un in’n Süden över Veern un Dörbern na Neenborg. In’n Noordwesten geiht de Kreisstraat 27 na Eeßel un in’n Noordoosten de Kreisstraat 28 na Neemöhlen un Scharnhors. Von de B 215 geiht in Daulsen na Noordwesten de Landsstraat 158 af, de na Langwedel un Achem föhrt.

De nächste Autobahn is de Autobahn 27 (Afsnidd BremenWasra). De Opfohrt 25 Veern-Noord liggt so dree Kilometer in’n Noordoosten von Halsmöhlen an de B 215.

De nächste Bahnhoff is so bi dree Kilometer wied weg in’n Süden de Bahnhoff Veern an de Bahnlien Wunsdörp–Bremen. Disse Bahnhoff is ok inbunnen in dat Nett von de Regio-S-Bahn Bremen/Neddersassen.

Scholen[ännern | Bornkood ännern]

De Kinner ut Halsmöhlen sünd fröher in Daulsen na de Volksschool gahn. Vondaag gaht se op de Grundschool an’n Sassenhain in Daulsen/Halsmöhlen.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 93
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 101
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 236
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 162
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 175
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 180
  8. Inwahnertallen op gemeindeverzeichnis.de