Doomöhlen

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Doomöhlen
Laag vun Doomöhlen in Düütschland
Basisdaten
Bundsland: Neddersassen
Landkreis: Veern
Gemeen: Veern
Inwahners:
Postleettall: 27283
Vörwahl: 04231
Geograafsche Laag:
Koordinaten:52° 57′ N, 9° 16′ O
52° 57′ N, 9° 16′ O

Doomöhlen (hoochdüütsch Dovemühlen) is en lütten Oort in de Gemeen Veern in’n Landkreis Veern, Neddersassen. Binnen de Gemeen Veern höört dat to de polietsche Oortschop Scharnhors.

Geografie[ännern | Bornkood ännern]

De Oort liggt op de Achem-Veerner Geest direkt an’n Halsbeek.

De Naveröörd sünd Wall in’n Noorden, Scharnhors in’n Noordoosten, Hoost, Lindhoop un Schnuckenstall in’n Süüdoosten, Oosterkroog in’n Süden, Ulemöhlen, Neemöhlen un Halsmöhlen in’n Süden, Daulsen in’n Westen un Nindörp in’n Noordwesten.

Historie[ännern | Bornkood ännern]

De Oort geiht trügg op en Watermöhl an’n Halsbeek, de bet 1935 lopen is. Vondaag warrt de Hoff von de Watermöhl as Peerhoff bedreven.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Wall in’n Kanton Veern höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Huusvaagdie Veern in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.

De Oort höört al von öllers bi de Gemeen Scharnhors mit bi, de an’n 1. Juli 1972 mit de Gemeenreform in Neddersassen Deel von de Gemeen Veern worrn is.

Inwahnertall[ännern | Bornkood ännern]

Johr Inwahners
1791-00-001791[1] 1 Füürsteed
1812-00-001812[2] 24
1824-00-001824[3] 1 Füürsteed
1848-00-001848[4] 18 Lüüd. 3 Hüüs
1871-12-011. Dezember 1871[5] 13 Lüüd. 2 Hüüs
1885-12-011. Dezember 1885[6] 14 Lüüd. 2 Hüüs
1905-12-011. Dezember 1905[7] 18 Lüüd. 2 Hüüs

Religion[ännern | Bornkood ännern]

Doomöhlen is evangeelsch-luthersch präägt un höört to dat Kaspel von’n Doom to Veern.

För de Kathoolschen is de St.-Josef-Kark in Veern tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Doomöhlen löppt de Kreisstraat 28, de in’n Süüdwesten över Neemöhlen na Halsmöhlen an de Bundsstraat 215 ran geiht un in’n Noordoosten över Scharnhors an de K 21 un wieder na Holbm. Von de K 28 geiht na Süüdwesten en Straat af över Ulemöhlen na Veern an de Landsstraat 171.

De nächste Autobahn is de Autobahn 27 (Afsnidd BremenWasra). De Opfohrt 25 Veern-Noord liggt so veer Kilometer in’n Noordwesten von Doomöhlen an de B 215 un de Opfohrt 26 Veern-Oost veer Kilometer in’n Süüdoosten an de L 171.

De nächste Bahnhoff is so bi veer Kilometer wied weg in’n Süüdwesten de Bahnhoff Veern an de Bahnlien Wunsdörp–Bremen. Disse Bahnhoff is ok inbunnen in dat Nett von de Regio-S-Bahn Bremen/Neddersassen.

Scholen[ännern | Bornkood ännern]

De Kinner ut Doomöhlen sünd fröher in Scharnhors na de Volksschool gahn. Vondaag gaht se op de Grundschool an’n Sassenhain in Daulsen/Halsmöhlen.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 58
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 101
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 144
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 155
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 164
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 175
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 181