Bössel (Veern)

Vun Wikipedia
Wapen/Flagg Koort
Wapen unbekannt
Bössel
Laag vun Bössel in Düütschland
Basisdaten
Bundsland: Neddersassen
Landkreis: Veern
Gemeen: Veern
Inwahners: 1.855 (2015-01-011. Januar 2015)
Hööchd: 26 m över NN
Postleettall: 27283
Vörwahl: 04231
Geograafsche Laag:
Koordinaten:52° 55′ N, 9° 16′ O
52° 55′ N, 9° 16′ O

Karte

Bössel (hoochdüütsch Borstel) is en Dörp in de Gemeen Veern in’n Landkreis Veern, Neddersassen. De Oort billt binnen de Gemeen Veern en egen polietsche Oortschop.

Geografie[ännern | Bornkood ännern]

De Oort liggt op de Achem-Veerner Geest. Dat Water ut dat Rebeed flütt över Gohbeek un Aller af.

De Naveröörd sünd Ulemöhlen, Neemöhlen un Doomöhlen in’n Noorden, Scharnhors, Hoost, Schnuckenstall un Oosterkroog in’n Noordoosten, Wetenmöhlen in’n Oosten, Eitze in’n Süüdoosten, Wahnbargen in’n Süüdwesten, Veern in’n Westen un Halsmöhlen in’n Noordwesten.

Historie[ännern | Bornkood ännern]

Bössel kummt 1254 toeerst in de Oorkunnen vör.

In’n Eersten Weltkrieg sünd 15 Soldaten ut Bössel fullen oder vermisst un in’n Tweten Weltkrieg 36.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Kerklinneln in’n Kanton Veern höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Huusvaagdie Veern in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.

De Oort is an’n 1. Juli 1972 mit de Gemeenreform in Neddersassen Deel von de Gemeen Veern worrn. Sietdem billt Bössel en Oortschop mit egen Oortsraad un Oortsbörgermeester.

Inwahnertall[ännern | Bornkood ännern]

Johr Inwahners
1791-00-001791[2] 10 Füürsteden
1812-00-001812[3] 81
1824-00-001824[4] 14 Füürsteden
1848-00-001848[5] 183 Lüüd, 35 Hüüs
1871-12-011. Dezember 1871[6] 249 Lüüd, 45 Hüüs
1885-12-011. Dezember 1885[7] 291 Lüüd, 52 Hüüs
1905-12-011. Dezember 1905[8] 314 Lüüd, 54 Hüüs
1910-12-011. Dezember 1910[9] 324
1925-00-001925[10] 182
1933-00-001933[10] 358
1939-00-001939[10] 392

Religion[ännern | Bornkood ännern]

Bössel is evangeelsch-luthersch präägt un höört to dat Kaspel von’n Doom in Veern. Binnen dat Kaspel höört Bössel to’n Parrbezirk IV, de mit dat Stephanushuus en egen Gebüüd in Bössel hett.

För de Kathoolschen is de St.-Josef-Kark in Veern tostännig.

Oortsraad[ännern | Bornkood ännern]

Oortsraad
Johr \ Partei Tall CDU SPD Gröne FDP
2006 11 4 5 1 1
2011 11 4 5 1 1
2016 10 4 4 1 1
Liddmaten
  • 2016:
    CDU: Regina Klauner, Jürgen Moje, Renate Rathmann, Sven Sottorff
    SPD: Ulf Bergmann, Timo Dienstmann, Lore Fluß, Heinz Kuno Wöbse
    Gröne: Reinhard Witt
    FDP: Jürgen Weidemann

Oortsbörgermeesters[ännern | Bornkood ännern]

Tied Naam Partei
2006–2016 Thomas Gern SPD
2016– Jürgen Weidemann FDP

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Bössel an’e Eck Bösseler Dörpstraat/An’t Hackfeld. Bet 1967 stünn dat Denkmaal noch an’ Eck Bösseler Dörpstraat/Börgermeester-Meyer-Bössel-Weg.

Verenen[ännern | Bornkood ännern]

De Schüttenvereen Bössel is 1901 grünnt worrn un de Sportvereen TSV Bössel 1962. De Bösseler Heimatvereen in Veern hett sik 2004 grünnt.

Weertschop un Infrastruktur[ännern | Bornkood ännern]

För Bössel is de freewillige Füürwehr Veern mit tostännig.

Verkehr[ännern | Bornkood ännern]

Bössel liggt twüschen de Landsstraat 171 in’n Noorden un de Landsstraat 160 in’n Süden, de in Veern tohooploopt un an de Bundsstraat 215 rangaht. De L 171 löppt in’n Noordoosten över Kerklinneln un Jeddingen na Visselhöövd un de L 160 in’n Süüdoosten över Eitze, Lutten un Hogenabargen na Süüdkampen un Kerkboitzen. De B 215 föhrt von Veern in’n Noordoosten över Daulsen un Wall na Rodenborg un in’n Süden na Dörbern un Neenborg.

De nächste Autobahn is de Autobahn 27 (Afsnidd BremenWasra). De Opfohrt 26 Veern-Oost liggt so dree Kilometer in’n Noordoosten von Bössel an de L 171.

De nächste Bahnhoff is so bi een Kilometer wied weg in’n Westen de Bahnhoff Veern an de Bahnlien Wunsdörp–Bremen. Disse Bahnhoff is ok inbunnen in dat Nett von de Regio-S-Bahn Bremen/Neddersassen.

Scholen[ännern | Bornkood ännern]

De Kinner ut Bössel gaht na de Jahnschool in Veern. De ole Bösseler Volksschool leeg siet 1820 an de Bösseler Dörpstraat. Ne’e Schoolhüüs sünd 1892 un 1955 boot worrn. Later is de School in Bössel Deel von de Jahnschool worrn. In’n Standoort Bössel weren noch bet 2009 twee Klassen von de Jahnschool ünnerbrocht. 2009 is de Standoort opgeven worrn. In dat Gebüüd is nu de Kinnergoorn Bössel.

Lüüd[ännern | Bornkood ännern]

De Turnerin Hanna Zuschneid keem ut Bössel un de Riederin Helga Köhler hett dor lange Johren bet to ehren Dood 2014 leevt.

Literatur[ännern | Bornkood ännern]

  • Heimatverein Borstel in Verden e.V. (Rutgever): 750 Jahre Borstel (Verden). 2004

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 31
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 101
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 78
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 162
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 173
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 180
  9. Inwahnertallen op gemeindeverzeichnis.de
  10. a b c Inwahnertallen op verwaltungsgeschichte.de