Königriek Hannover

Vun Wikipedia
Koort von dat Königriek
Flagg von dat Königriek Hannover
Wapen von dat Königriek Hannover
Laaneslott in Hannover, Slott von de Könige von Hannover

Dat Königriek Hannover weer en düütschen Staat, de von 1814 bet 1866 bestahn hett. De Hööftstadt weer Hannober.

Historie[ännern | Bornkood ännern]

Dat Kurförstendom Bruunswiek-Lümborg (oder ok Kurförstendom Hannover) is 1810 Deel von dat Königriek Westfalen worrn. An’t Enn von dat Johr 1810 is en groten Deel denn von dat Königriek Westfalen an dat Kaiserriek Frankriek wesselt. As 1813/1814 de Franzosen wedder verdreven worrn sünd, hebbt sik de olen Staten wedder nee billt. Op’n Wiener Kungress is beslaten worrn, dat ut dat Kurförstendom Hannover en Königriek warrn schull.

Op’n Wiener Kungress is bito beslaten worrn, dat dat Königriek de Rebeden von de Graafschop Lingen, dat Hertogdom Arenberg-Meppen, de Graafschop Bentem, dat Hoogstift Hilmssen, de Stadt Gosler, Delen von dat Ünnereeksfeld un dat Förstendom Oostfreesland tokriggt.

Bet to’n Dood von Willem IV. weer Hannover mit Grootbritannien in Personalunion verbunnen.

In’n Krieg von 1866 stünn Hannover an de Sied von Öösterriek. Nadem Prüßen den Krieg wunnen harr, hebbt se dat Königriek Hannover annekteert. Hannover hett ophöört, as sülvsstännig Staat to existeren, un is ümwannelt worrn in de prüüßsche Provinz Hannover.

Könige[ännern | Bornkood ännern]

Verwaltung[ännern | Bornkood ännern]

Dat Königriek Hannover weer siet 1823 in Landdrostien indeelt un de füdder in Ämter un Städer. bito geev dat de Barghauptmannschop Clausthal.

Literatur[ännern | Bornkood ännern]

  • Mijndert Bertram: Das Königreich Hannover – Kleine Geschichte eines vergangenen deutschen Staates. Hahn, Hannover 2003, ISBN 3-7752-6121-4

Weblenken[ännern | Bornkood ännern]

Königriek Hannover. Mehr Biller, Videos oder Audiodateien to’t Thema gifft dat bi Wikimedia Commons.