Heidkroog (Landkreis Veern)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Heidkroog

Heidkroog
Laag vun Heidkroog in Düütschland
Basisdaten
Bundsland: Neddersassen
Landkreis: Veern
Gemeen: Kerklinneln
Inwahners:
Postleettall: 27308
Vörwahl: 04230
Geograafsche Laag:
Koordinaten:53° 1′ N, 9° 16′ O
53° 1′ N, 9° 16′ O

Gasthuus De Heidkroog

Heidkroog (hoochdüütsch Heidkrug) is en lütten Oort in de Gemeen Kerklinneln in’n Landkreis Veern, Neddersassen. Binnen de Gemeen Kerklinneln höört Heidkroog to de polietsche Oortschop Holbm.

Geografie[ännern | Bornkood ännern]

De Oort liggt op de Achem-Veerner Geest. Dat Land is deelwies Holt, Acker un Moor (Holbmer Moor in’n Oosten). Dat Water ut dat Rebeed flütt över’n Eberser Beek na’n Ahuser Beek hen af.

De Naveröörd sünd Bokel in’n Noorden, Ahusen un Ebersen in’n Noordoosten, Weehoff un Holbm in’n Süüdoosten, Wall, Schüülg’n un Oobering in’n Süüdwesten, Völkersen in’n Westen un Hoberloo, Spang un Bredenfellermoor in’n Noordwesten.

Historie[ännern | Bornkood ännern]

De Oort geiht trügg op’n Heidkroog, de 1767 as Gasthuus an’e Schossee von Veern na Rodenborg boot worrn is.

Verwaltungsgeschicht[ännern | Bornkood ännern]

De Oort hett vör 1885 to de Huusvaagdie Veern in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.

De Oort hett von öllers bi de Gemeen Holbm mit bihöört, de an’n 1. Juli 1972 mit de Gemeenreform in Neddersassen Deel von de Gemeen Kerklinneln worrn is.

Inwahnertall[ännern | Bornkood ännern]

Johr Inwahners
1824-00-001824[1] 2 Füürsteden
1848-00-001848[2] 11 Lüüd. 2 Hüüs
1871-12-011. Dezember 1871[3] 31 Lüüd. 3 Hüüs
1885-12-011. Dezember 1885[4] 17 Lüüd. 3 Hüüs
1905-12-011. Dezember 1905[5] 23 Lüüd. 3 Hüüs

Religion[ännern | Bornkood ännern]

Heidkroog is evangeelsch-luthersch präägt un höört to dat Kaspel von’n Doom to Veern.

För de Kathoolschen is de St.-Josef-Kark in Veern tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Heidkroog löppt de Bundsstraat 215, de in’n Noordoosten över Ebersen un Ünnerst na Rodenborg geiht un in’n Süüdwesten över Wall un Dauelsen na Veern un Dörbern. In’n Westen geiht von de B 215 de Kreisstraat 31 na Völkersen af un in’n Oosten en lüttjere Straat na Holbm.

De nächste Autobahn is de Autobahn 27 (Afsnidd BremenWasra). De Opfohrt 25 Veern-Noord liggt so söss Kilometer in’n Süüdwesten von Heidkroog an de B 215.

De nächste Bahnhoff is so bi acht Kilometer wied weg in’n Süüdwesten de Bahnhoff Langwedel an de Bahnlienen Wunsdörp–Bremen un Ülzen–Langwedel. Disse Bahnhoff is ok inbunnen in dat Nett von de Regio-S-Bahn Bremen/Neddersassen.

Footnoten[ännern | Bornkood ännern]

  1. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 260
  2. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 154
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 163
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 174
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 180