Ahusen

Vun Wikipedia
Wesseln na: Navigatschoon, Söök
Wapen/Flagg Koort

Wapen vun Ahusen

Ahusen
Laag vun Ahusen in Düütschland
Basisdaten
Bundsland: Neddersassen
Landkreis: Rodenborg (Wümm)
Samtgemeen: Söttmer
Flach: 34,4 km²
Inwahners: 1.847 (2007-12-3131. Dezember 2007)
Inwahnerdicht: 53,7 Inwahners pro km²
Hööchd: 25 m över de See
Postleettall: 27367
Vörwahl: 04269
Geograafsche Laag:
Koordinaten:53° 4′ N, 9° 19′ O
53° 4′ N, 9° 19′ O
Grenzen bi OSM: 965596 965596
Gemeenslötel: 03 3 57 001
Öörd in de Gemeen: 2
Börgermeester: Bernhard Hasselhoff
(CDU)
Websteed: www.sottrum.de/
Bremen Hamburg Sleswig-Holsteen Landkreis Cuxhoben Landkreis Deefholt Landkreis Horborg Landkreis Oosterholt Landkreis Stood Landkreis Heidkreis Landkreis Veern Ahusen Alfst Annerlingen Basdaal Rodenborg (Wümm) Gemeen Boitzen Bothel Breddörp Gemeen Bremervöör Brookel Büls Deins Eversdörp Elsdörp (Landkreis Rodenborg) Farm (Landkreis Rodenborg) Fintel Gemeen Gnarrenborg Groot Meckels Jeem Homersen Homersen Hassendörp Heeßel (Zeven) Hellweeg Helsch Heemsbünnen Hemslingen Hepst Hipst Horß Horß Kalf (Neddersassen) Karktimk Karkwals Lütt Meckels Lauenbrüch Zittens Lengenbossel Örel Oostereis Reeßen Rhaar Rodenborg (Wümm) Sandbossel Scheeßel Seedörp (Neddersassen) Sürsen Zittens Zittens Söttmer Stemmen (Neddersassen) Tarms Tiss Tiss Vahl Vahl Vierden Gemeen Visselhöövd Gemeen Vörwark Westertimk Westerwals Wilst Woonst Zeven
Laag von de Gemeen Ahusen in’n Landkreis Rodenborg (Koort lett sik anklicken)

Ahusen is en Gemeen in’n Landkreis Rodenborg (Wümm) in Neddersassen, de to de Samtgemeen Söttmer höört. 2007 harr de Gemeen ruchweg 1800 Inwahners, de sik op de beiden twee Oortsdelen Ahusen un Ebersen verdeelt.

Bi Ahusen höört ok de lütte Oort Bokel mit bi.

Geografie[ännern | Bornkood ännern]

De Gemeen Ahusen liggt an Süüdrand vun de Samtgemeen un is ruchweg 10 km vun Söttmer weg. Jüst so wiet weg liggt ok de Kreisstadt Rodenborg (Wümm). De Eenheitsgemeen Rodenborg (Wümm) grenzt an de Noordoost-Siet an, in’n Süüdoosten liggt de Gemeen Westerwals, de to de Samtgemeen Bootel höört. In’n Noorden grenzt op’n korte Streck de Gemeen Hassendörp un in’n Westen de Gemeen Hellweeg. Na Süüdwesten slutt sik de Landkreis Veern mit sien Eenheitsgemeen Kerklinneln an.

Dör dat Gemeenrebeet verlöpt de Wümm un de Beek Au. Landschopplich tütt sik dör Ahusen dat Wümmsietland. Mit den Wulfsgrund in’n Oortsdeel Ebersen gifft dat hier dat gröttste tosamen hangen Heidrebeet buten de Lüünborger Heid. Allgemeen bargt dat Rebeet vele Wooldflachen, de mööglicherwies de gröttsten in’n helen Landkreis sünd.

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie[ännern | Bornkood ännern]

De eerste schriftliche Nawies vun den Oort Ahusen is ut dat Johr 1226. Dor duukt de Naam vun en Godefridus sacerdos de Ouhusen op. To de Tiet leven dor ruchweg 26 Familien, gröttstendeels Buern. Dat geev ok al en Kapell oder Kark, de to de Doomgemeen in Veern höört hett. De Naam hett sik mit de Johren vun Ouhusen över Auhusen na Ahusen (üm 1700) wannelt un is in’t Hoochdüütsche wieter na Ahausen ännert worrn. De eerste Nawies vun Ebersen in en Oorkunn dateert op dat Johr 1570.

In’n Dörtigjohrigen Krieg is de Oort vun de Truppen vun’n Grafen Tilly vullstännig to Schannen maakt worrn. De Kark is aver noch wiel den Krieg wedder opboet worrn un kreeg 1637 en ne’e Klock, vun wegen dat de olle nich weddertofinnen weer.

1910-1912 sünd de Siedeln Op den Adel un Op de Bünte opboet worrn. To de Tiet harr Ahusen ruchweg 432 Inwahners. Siet 1921 gifft dat in de Gemeen elektrischen Stroom, veer Johr later is de eerste Stratenbelüchten anbröcht worrn.

To Pingsten 1933 geev dat en groot Füer, bi dat vle Hüüs in Ahusen afbrennt sünd. De Katastrooph is vun en Fro mit dat „Tweete Gesicht“ vörutseggt worrn. Leggt weer dat Füer vun twee Jungs in’t Öller vun dree’nhalf Johren.

De Oortsdeel Ebersen höört siet 1974 to de Gemeen.

Politik[ännern | Bornkood ännern]

Gemeenraat[ännern | Bornkood ännern]

De Gemeenraat vun Ahusen sett sik mit den Börgermeester ut ölven Lüüd tohopen. De letzte Kommunalwahl weer an’n 11. September 2016

Partei 2016 2011 2006
CDU 6 5 7
SPD 2 3 4
Bündnis 90/De Grönen 1 2
POP 2 1

Börgermeester[ännern | Bornkood ännern]

De Börgermeester vun Ahusen is Bernhard Hasselhoff vun de CDU. Sien Viez is Hans Jürgen Grünig vun de SPD und de tweete Viez is Gerda Hollmann vun de CDU.

Wapen[ännern | Bornkood ännern]

Dat rode Wapenschild warrt vun en sülvern schraaglinks Balken, de mit en blauen Bülgenbalken beleggt is, ünnerdeelt. Baven dorvun is de sülverne Gevelfront vun de Ahuser Kark wiest un ünnen en sülvernen Wulfskopp över twee krüüzte Heidkruuttwiegen.

Dat Wapen is nich-heraldisch. De Balken stieht für den Stroom Wümm, de dör de Gemeen verlöpt. De Klören root un sülvern sünd op Neddersassen betogen, wobi root ok de Grundklöör vun dat Wapen vun de Samtgemeen Söttmer is un butendem ok för de Heidflachen in Ahusen steiht. De Kark is dat Wohrteken vun Ahusen, Wiel de Wulfskopp un de Heid den Wulfsgrund in Ebersen betekent.

Kultur[ännern | Bornkood ännern]

För Touristen un Besökers egent sik sünners de wieten Wooldrebeden to’n Wannern un Spazeeren Gahn. Annere Telen för Utfohrten un to’n Wannern sünd Heid- un Moorrebeden. Sünnere Bowarken in de Gemeen sünd de Dörpskark ut’n Klassizismus, as ok de Ahuser Möhl mit ehrn groden Möhlendiek. Dorto höört Ställ, en neddersass’sch Hallenhuus, dat Duvenhuus, Spieker un de Backsteenmöhl.

Veranstalten[ännern | Bornkood ännern]

Regelmatigen Veranstalten sünd de beiden Schüütenfesten, de in Ahusen un in Ebersen afhollen warrt. Dorto kummt dat Oornfest un dat Heimatfest in Ebersen. In Ebersen gifft dat butendem ok en Theatergrupp, de regelmatig jemehr Laientheater vörstellt.

Verenen[ännern | Bornkood ännern]

De Gemeen hett en Reeg vun Verenen, in de een sien Freetiet nütten kann. Dat sünd to eerst de beiden Schüttenverenen in Ahusen (indragen Vereen siet 1904) un in Ebersen, de 1897 grünnt worrn is, un de Heimeatvereen. In beide Oortsdelen gifft dat ok Freewillige Füerwehrn. Tennis kann een in’n TC Aue Ahusen-Ebersen spelen. In Ahusen gifft dat wieter noch en Angelsportvereen un den TuS Ahusen. un in Ebersen opletzt noch den Knüt- un Piepenkring.

Verkehr[ännern | Bornkood ännern]

Dör de Gemeen verlöppt de B 215, de Rodenborg (Wümm) mit Veern verbinnt. De Oortsdeel Ahusen liggt in’n Noorden vun de Bundsstraat, Ebersen na Süüden hen. Krüüzt warrt de B 215 vun de K 220, de vun Westerwals na Ahusen föhrt un dorbi de beiden Oortsdelen mitenanner verbinnt. Vun Ahusen ut föhrt butendem de K 217 na Ünnerst un in de annere Richt de K 205 na Hellweeg.

Beropen Lüüd[ännern | Bornkood ännern]

Literatur[ännern | Bornkood ännern]

  • Hans Hermann Gätjen: Beiderseits der Wümme. Verlag Karl Sasse OHG, Rodenborg (Wümm)
  • Gerhard Stalling AG: Der Landkreis Rotenburg (Wümme). rutkamen 1970 (Samtredakschoon: Helmut Janßen, dormols Böverkreisdirekter)

Weblenken[ännern | Bornkood ännern]

Commons-logo.svg Ahusen. Mehr Biller, Videos oder Audiodateien to’t Thema gifft dat bi Wikimedia Commons.