Alfs (Landkreis Rodenborg)
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 16,2 km² | |
| Inwahners: | 853 (31. Dezember 2023) | |
| Hööchd: | 4 m över de See | |
| Postleettall: | 27432 | |
| Vörwahl: | 04765 | |
| Geograafsche Laag: | Koordinaten:53° 33′ N, 9° 4′ O53° 33′ N, 9° 4′ O | |
| Grenzen bi OSM: | 1079020 
| |
| Gemeenslötel: | 03 3 57 002 | |
| Öörd in de Gemeen: | 1 | |
| Börgermeester: | Heinz Buck (CDU) | |
| Websteed: | www.geestequelle.de | |
|
Koort Kreis 
 | ||
Alfs (hoochdüütsch Alfstedt) is en Oort un Gemeen in de Samtgemeen Geestborn in’n Landkreis Rodenborg (Wümm). In de Gemeen leeft 853 Inwahners (Stand 31. Dezember 2023).
Geografie
[ännern | Bornkood ännern]Dat Rebeet vun de Gemeen Alfs liggt in’n Noorden vun’n Landkreis un grenzt dor ok direkt an’n Landkreis Cuxhoben an. Na Süüdwesten hen liggt de Gemeen Eversdörp, de ok to de Samtgemeen Geestborn höört. Na Süüdoosten slutt sik de Eenheitsgemeen Bremervöör an.
De Landschop is landweertschopplich nütt un prägt. De Oort besteiht ut twee Delen, wat to’n een de egentliche Oortskarn is un to’n annern de Möhlen- un Vörwarkswahnsteed, de Breedmeh nöömt warrt. Dor flütt de Meh dör un hett fröher de Watermöhl andreven. De schüll man sik mol ankieken. Dat Dörpsbild warrt hüüt mehr ok vun Handwarksbedrieven bestimmt.
Geologie
[ännern | Bornkood ännern]En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.
Historie
[ännern | Bornkood ännern]Alfs weer 1272 dat eerste mol nöömt ünner den Naam Alvetes Hô, wat so veel heet as „de Anhööch vun’n Alvet“.
In’n Süden von Alfs hett dat en Dörp Harstorb geven, dat aver al in dat late Middelöller wööst fullen is.[1]
1569 is dat Dörp afbrennt.[1]
In’n Eersten Weltkrieg sünd 20 Soldaten ut Alfs fullen oder vermisst un in’n Tweten Weltkrieg 48.[2]
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Eversdörp in’n Kanton Bremervöör höört un denn von 1811 bet 1814 to dat Franzöösche Kaiserriek ünner Napoleon un dor to’n Kanton Bremervöör.
Vör 1885 leeg de Oort in de Vaagdie Bremervöör von dat Amt Bremervöör un is denn Deel von’n Kreis Bremervöör ween, de 1932 mit’n Kreis Zeven to’n ne’en Kreis Bremervöör tohoopleggt worrn is. 1977 is de Oort denn an’n Landkreis Rodenborg kamen.
De Samtgemeen weer an’n 1. März 1974 in’n Rahmen vun de Gemeenreform in Neddersassen grünnt.
Inwahnertall
[ännern | Bornkood ännern]| Johr | Inwahners |
|---|---|
| 1791[3] | 32 Füürsteden |
| 1824[4] | 29 Füürsteden |
| 1848[5] | 333 Lüüd, 56 Hüüs |
| 1. Dezember 1871[6] | 293 Lüüd, 56 Hüüs |
| 1. Dezember 1885[7] | 318 Lüüd, 60 Hüüs |
| 1. Dezember 1905[8] | 360 Lüüd, 65 Hüüs |
| 1. Dezember 1910[9] | 418 |
| 1925[10] | 468 |
| 1933[10] | 470 |
| 1939[10] | 481 |
Religion
[ännern | Bornkood ännern]Alfs is evangeelsch-luthersch präägt un höört to dat Kaspel Örel.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Politik
[ännern | Bornkood ännern]Gemeenraat
[ännern | Bornkood ännern]De Gemeenraat vun Alfs besteiht ut negen Raatslüüd. Siet de letzten Kommunalwahl in’n September 2016 sett de sik as folgt tohopen:
| Partei | 2016 | 2011 | 2006 |
| WG Alfs | 9 | 8 | 9 |
| ahn Partei | – | 1 | — |
Wapen
[ännern | Bornkood ännern]Dat Wapen wiest en golden Raseermesser, dat en Greep mit de Gestalt vun en Deerkopp hett, op blauen Grund. Es Messer vun disse Oort is 1954 bi Alfs funnen worrn. Dat stammt ut de Bronzetiet.
Kultur
[ännern | Bornkood ännern]En Denkmaal för de Fullenen ut’n Eersten Weltkrieg steiht in Alfs op’n olen Karkhoff un för de Fullenen ut’n Tweten Weltkrieg op’n ne’en Karkhoff.
Weertschop un Infrastruktur
[ännern | Bornkood ännern]Alfs hett en egene freewillige Füürwehr.
In Alfs is 1994 en Windpark mit söven Anlagen boot worrn, de tohoop en Leistung von 3900 kW hebbt.[1] 2012 is een von de Anlagen afboot un en ne’e Anlaag boot worrn, de alleen 3000 kW Leistung hett.[1]
Dat Ünnernehmen R & U Schuh GMBH hett sien Seet in Alfs. Dat Ünnernehmen verköfft Schoh un hett 40 Filialen in Noorddüütschland.
Verkehr
[ännern | Bornkood ännern]
Dör Alfs verlöppt de B 495, de vun Noorden ut’n Landkreis Cuxhoben kummt un na Süüd föhrt. Dor löppt de eerst dör Eversdörp un münnt denn bi Glinn in de Gemeen Oerel in de B 71.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 5 Debst liggt so 36 Kilometer in’n Noordwesten von Alfs an de L 120.
De nächste Bahnhoff is so bi ölven Kilometer wied weg in’n Süüdoosten de Bahnhoff Bremervöör an de Bahnlien Bremerhoben–Buxthu.
Alfs höört to de Öörd, de tweesprakige Oortsschiller hebbt, op de blangen den hoochdüütschen ok de plattdüütsche Naam mit opsteiht.
Scholen
[ännern | Bornkood ännern]De Schölers ut dat Dörp gaht na de Grundschool Eversdörp/Alfs in Eversdörp. Later wesselt se na Oberschool op de Geestborn-School in Örel oder na dat Gymnasium Bremervöör.
De Grundschool in Alfs sülvs, de fröher een von de twee Standöörd von de Grundschool Eversdörp/Alfs weer, is 2011 dichtmaakt worrn.[1]
Literatur
[ännern | Bornkood ännern]- Hans-Hinrich Kahrs, Michael Ehrhardt: Alfstedt und Bredemehe. Historie und Heimatkunde. Schriftenreihe des Landschaftsverbandes Band 40, 2012, ISBN 978-3-931879-54-9
Footnoten
[ännern | Bornkood ännern]- ↑ a b c d e Dorfentwicklung Alfstedt, Dornsode und Langenmoor.
- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 6
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 10
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 32
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 143
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 185
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 20
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Weblenken
[ännern | Bornkood ännern]
Alfs (Landkreis Rodenborg). Mehr Biller, Videos oder Audiodateien to’t Thema gifft dat bi Wikimedia Commons.
Ahusen | Alfs | Annerlingen | Basdaal | Boitzen | Bootel | Breddörp | Bremervöör | Brookel | Büls | Deins | Eversdörp | Elsdörp | Farm | Fintel | Gnarrenborg | Groot Meckels | Hassendörp | Heemsbünnen | Heeßel | Hellweeg | Helsch | Hemslingen | Hepst | Hipst | Homersen | Horß | Jeem | Kalf | Karktimk | Karkwals | Lauenbrüch | Lengenbossel | Lütt Meckels | Oerel | Oostereis | Reeßen | Rhaar | Rodenborg (Wümm) | Sandbossel | Scheeßl | Seedörp | Söttmer | Stemmen | Sürsen | Tarms | Tiss | Vahl | Vierden | Visselhöövd | Vörwark | Westertimk | Westerwals | Wilst | Woonst | Zeven | Zittens