Bundsstraat 495
 | |
| Basisdaten | |
|---|---|
| Längd alltohoop: | 43 km |
| Bundslänner: | Neddersassen Sleswig-Holsteen |
| Grundricht: | Süüdwest-Noordoost |
| Koort | |
 Verloop von de Bundsstraat 495
| |
|
Verloop/Anslüss
| |
De Bundsstraat 495 is ene Bundsstraat in Düütschland, de vun Bremervöör bet na Glückstadt geiht un bi 43 Kilometer lang is.
Verloop
[ännern | Bornkood ännern]
De B 495 fangt in Glinn bi Bremervöör an de Bundsstraten 71 un 74 an un geiht denn groff na Noorden na Eversdörp, wo de Landsstraat 119 afgeiht. Von dor geiht dat wieder dör de Dörper Alfs, Langeln un Armsdörp, över de Meh röver un dör dat Holt Toslagg na Loomst, wo de B 495 op de Landsstraat 11 drippt. Dor böögt de Bundsstraat na Noordoosten un löppt över Hockmöhlen, Wohlenbeek un Heeßel na Hemmoor/Basbeek/Warstood. Dor löppt de B 495 mit en Brügg över de B 73 un is över Affohrten mit ehr verbunnen. De B 495 geiht denn mit de Oostbrügg över de Oost na Oosten. Kort later krüüzt de B 495 bi Olendörp de L 113. De Bundsstraat geiht denn dör Schüttdamm un Neelannermoor na Neeland. Dor driptt de B 495 op de L 111 un böögt op den Verloop von de L 111 af, de hier na Noorden löppt. För veer Kilometer von Neeland bet kort achter Wischhoben verloopt de beiden Straten nu tohoop. Kort vör Hamelwöörden böögt de B 495 denn na de Elv (Wischhobener Süderelv) hen af un na’n Anlegger von de Elvfähr Wischhoben-Glückstadt hen. Op dat annere Elvöver in Sleswig-Holsteen, dat en Fährfohrt von fiev Kilometer weg is, geiht de B 495 denn wieder un löppt nu noch so bi 2,5 Kilometer dör den Noorden von Glückstadt un münnt in de B 431.
Historie
[ännern | Bornkood ännern]De Afsnidd von Loomst na Süden hett as olen Heerweg al in dat 18. Johrhunnert bestahn. De Straat twüschen Neeland, Oosten un Loomst is 1862 boot worrn. Över de Oost güng to de Tied noch en Prahmfähr. 1908/1909 is denn de Sweevfähr Oosten boot worrn un hett to’n 1. Oktober 1909 anfungen to fohren. Mit de Tied, as de Verkehr in dat 20. Johrhunnert duller warrn dee, kunn de Sweevfähr dor kuum noch gegenan. Von 1969 bet 1974 hebbt se denn de Oostbrügg in Oosten boot. Nadem de Brügg an’n 30. Mai 1974 an’n Verkehr övergeven worrn is, hett de Sweevfähr ophöört to fohren un ut de Straat is offiziell en Bundsstraat maakt worrn, de nu Bundsstraat 495 heten dee.
De Brügg von de B 495 över de Nedderelvbahn is 1982/1983 boot worrn. De ole Brügg, de do al över 100 Johr oold weer, hebbt se an’n 7. November 1982 sprengt.
