Neelannermoor

Vun Wikipedia
Zur Navigation springen Zur Suche springen

Disambig.svg Dit Woort hett noch annere Bedüden: kiek dorför ünner Neelannermoor (Engelschopp).

Wapen/Flagg Koort
Wapen unbekannt
Neelannermoor
Laag vun Neelannermoor in Düütschland
Basisdaten
Bundsland: Neddersassen
Landkreis: Stood
Samtgemeen: Noordkeden
Gemeen: Wischhoben
Inwahners:
Postleettall: 21737
Vörwahl: 04770
Geograafsche Laag:
Koordinaten:53° 45′ N, 9° 18′ O
53° 45′ N, 9° 18′ O

Buurhuus an’n drüdden Kanaal, ümto warrt Törf afboot
De twete Kanaal

Neelannermoor (hoochdüütsch Neulandermoor) is en Oort in de Gemeen Wischhoben (Samtgemeen Noordkeden) in’n Landkreis Stood, Neddersassen.

Geografie[ännern | Bornkood ännern]

Neelannermoor liggt in dat Kedener Moor, so bi twee Kilometer weg von de ole Wischhobener Süderelv un dör de Elvinsel Kruutsand trennt fiev Kilometer weg von de hüdige Elv.

De Naveröörd sünd Hamelwöördenermoor in’n Noorden, Wischhoben in’n Noordoosten, Neeland un Kruutsand in’n Oosten, Doornbusch in’n Süüdosten, Wulfsbrokermoor un Doornbuschermoor in’n Süden, Olendörp un Schüttdamm in’n Süden un Isensee in’n Westen.

Historie[ännern | Bornkood ännern]

De Oort hett von öllers al to de Gemeen Neeland mit tohöört un weer vör 1885 Deel von dat Amt Freeborg un denn in’n Kreis Keden. 1932 is dat an’n Landkreis Stood kamen.

Inwahnertall[ännern | Bornkood ännern]

Johr Inwahners
1848-00-001848[1] 523 Lüüd. 81 Hüüs

Religion[ännern | Bornkood ännern]

Neelannermoor is evangeelsch-luthersch präägt un höört to dat Kaspel von de Dionysius-Kark in Hamelwöörden.

För de Kathoolschen is de Hillig-Geist-Kark in Stood tostännig.

Kultur[ännern | Bornkood ännern]

Verenen[ännern | Bornkood ännern]

De Schützenvereen Neelannermoor is 1906 grünnt worrn.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Neelannermoor liggt an de Kreisstraat 12, de in’n Noorden na Hamelwöördenermoor un Öderquart un över de K 13 na Wischhoben geiht un in’n Süden na Wulfsbrokermoor un Doornbuschermoor löppt. De K 12 warrt von de Bundsstraat 495 krüüzt, de in’n Westen över Schüttdamm na Oosten un Hemmoor/Basbeek/Warstood löppt un in’n Oosten na Neeland an de Landsstraat 111 ran.

Von 1899 bet 1933 hett dat dichtbi in Neeland en Bahnhoff an de Kedener Kreisbahn geven. Vondaag is de nächste Bahnhoff de Bahnhoff Hemmoor in Basbeek an de Nedderelvbahn, de so bi twölv Kilometer weg is.

Footnoten[ännern | Bornkood ännern]

  1. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 140: http://books.google.de/books?id=eOI-AAAAcAAJ&pg=PA140

Weblenken[ännern | Bornkood ännern]

Commons-logo.svg Neelannermoor. Mehr Biller, Videos oder Audiodateien to’t Thema gifft dat bi Wikimedia Commons.