Nedderelvbahn

Hamborg-Horborg–Cuxhoben
Strecke der Nedderelvbahn
Kursbookstreck (DB):	101.3 (S3), 121
Streckennummer (DB):	1720
Spoorwiedt:	1435 mm (Normalspoor)
Stromsystem:	bet Stood: 15 kV 16,7 Hz ~
Hööchstgeswinnigkeit:	140/120 km/h
Legenn Bahnlien von Hannover Bahnlien von Bremen 169,376 Hamborg-Horborg Horbörger S-Bahn 169,400 Bahnlien na’n Hauptbahnhoff Seevkanaal un Göhlbeek 170,782 Hamborg-Ünnerelv 170,800 na de Horbörger Havens 174,??? Hamborg Tempo-Wark 172,700 S-Bahn von Hamborg-Horborg A 7 Havenbahn von Hoge Schaar 175,020 Hamborg-Huusbrook Gbf Havenbahn na Waltershoff 176,570 Hamborg-Huusbrook Hamborg-Neewiedendaal 179,331 Hamburg-Neegraven Systemwesselsteed Gliekstroom/Wesselstroom 180,545 Enn Horbörger S-Bahn 181,487 Hamborg-Fischbeek Röttiger-Kasern (Anst) 182,767 Landsgrenz Hamborg/Neddersassen 182,904 Boskoopstieg 183,492 Vosshusen fröher Doasdörp 184,086 Liliencronstraat B 3n 184,770 Kieskuhl Ketzendörp (Anst) 185,590 Öbergünner Hauweg Eest 190,248 Buxthu 190,468 Bahnlien na Bremerhoben (EVB) 193,807 Neeklooster Lüh 198,961 Hornborg 203,285 Dollern 206,056 Gothenborg 208,600 A 26 Bahnlien von Bremervöör 209,700 Göderbahnlien na Stodersand fröhere Kedener Kreisbahn von Itzwöörden Hansebrügg 211,174 Stood (Enn S-Bahn/Elektrifizerung) 212,000 Swing 218,679 Hammoh 222,629 Himmelpoorten 223,130 Hosterbeek 226,100 B 73 226,290 Oost (Behülpsbrügg mit een Gleis) 228,403 Heckthusen 234,967 Hemmoor 235,500 B 495 235,700 B 73 238,180 Warstood-Hemmoor (bet 1991) 243,176 Wingst (fröher Hööftgroov) 246,300 B 73 247,050 Kumbarg Neehuus-Bülkauer Kanaal 250,900 Neehuus (bet 1991) Au 254,600 Haadler Kanaal 257,000 Oortsümgehung Oterndörp B 73 258,600 Medem 258,887 Oterndörp Cuxhobener Landstraat 267,080 Olenbrook (bet 1991) Olenbroker Kanaal von/na Cuxhoben Amerika-Bahnhoff Bahnlien von Bremerhoben 271,700 Cuxhoben CF (Abzw) 273,009 Cuxhoben

De Nedderelvbahn is en 103,6 Kilometer lange Iesenbahnlien twüschen Hamborg-Horborg un Cuxhoben. Se löppt von Horborg na Noordwesten parallel to de Ünnerelv dör Hamborg un Neddersassen.

Von Horborg dör Oolland bet Stood is de Bahnlien över Fohrwieren elektrifizeert (Bahnstroom 15 kV/16,7 Hz) un dor föhrt ok de Lien S3 von de S-Bahn Hamborg. De Drievwagens von de Horbörger S-Bahn, de bet bis Neegraven föhrt, warrt mit Gliekstroom (1.200 V) ut en Stroomschien versorgt, de blangen dat Gleis anbrocht is. De Afsnidd Stood–Cuxhoben feddert wiederhen Dieseltrakschoon.

Streck

Bahnlien bi Kedenbrook

Bahnlien bi Olenbrook

Inordnen

De Nedderelvbahn warrt as Kursbookstreck 121 in de Fohrplaantabellen föhrt un is siet 1964 as Hauptbahn klassifizeert. Se is verwaltungstechnisch Deel von de Lien Lehrte–Cuxhoben (DB-Streckennummer 1720); de Streckenkilometrierung fangt dorüm in’n Bahnhoff Lehrte bi Hannover an.

Streckenverloop

De Trass löppt an’n Övergang von de Geest na de Masch langs dör en tomehrst ganz platt Land, dat aver fakener en weken Moor-Ünnergrund hett. Gröttere Städer sünd Buxthu, Stood un Oterndörp. De Bundsstraat 73 hett en Verloop, de groff de sülve Trass nimmt.

Överquert Waterlööp

De Nedderelvbahn överquert all linke Blangenströöm an’n Ünnerloop von de Elv:

• den Seevkanaal (Toloop von de Seev) kort achter’n Bahnhoff Hamborg-Horborg
• den Göhlbeek, de denn tohoop mit’n Seevkanaal in en Havenbecken münnt
• de Eest in Buxthu
• de Au, later Lüh, in Hornborg
• de Swing in Stood
• de Oost twüschen Himmelpoorten un Heckthusen: Iesenbahnbrügg Heckthusen
• den Neehuus-Bülkauer Kanaal bi Kumbarg
• de Au twüschen Kedenbrook un Neehuus
• den Haadler Kanaal twüschen Kedenbrook, Oosterbrook un Oterndörp
• de Mehm in Oterndörp
• den Olenbroker Kanaal in Olenbrook

Bahnhööv

De Bahnhööv Warstood, Neehuus un Olenbrook sünd 1991 dichtmaakt worrn.

De Bahnhoff Basbeek-Oosten hett to’n 1. Juni 1992 den ne’en Naam Bahnhoff Hemmoor kregen.

Streckenutbo

De Streck is – bet op den Afsnidd twüschen de Bahnhööv Himmelpoorten un Heckthusen – kumplett tweegleisig utboot. Dat korte eengleisige Stück is aver tweegleisig trasseert. Blots de Heckthusener Behülpsbrügg över de Oost (de 1945 von engelsche Pioneers boot worrn is) is eengleisig, jüstso as de Brügg över de Bundsstraat 73.

Twüschen Stood un Cuxhoben gifft dat blots noch dree Bahnhööv in’n bahntechnischen Sinn (Himmelpoorten, Heckthusen un Kumbarg). Bi Oterndörp gifft dat feernstüürte Blocksignaals. Dorüm kummt dat bi Boarbeiden to Fohrplaanännerungen un Togutfäll. Bi Arbeiden an’n eengleisigen Afsnidd Himmelpoorten–Heckthusen warrt de Bedriev kumplett instellt. Gödertöög warrt denn över Bremerhoben–Cuxhoben ümleidt.

Siet 24. November 2014 is dat ne’e ESTW R Stellwark Heckthusen in Bedriev. Dat stüürt den Afsnidd von Stood (Utfohrt) bet Kumbarg (Infohrt) un dat gifft wedder en Blocksignaal in Hemmoor, wat de Dörlässigkeit von de Streck vergröttert. Dat is utleggt, üm in Tokumst ok den Afsnidd Kumbarg–Cuxhoben to övernehmen.

Siet 1968 is de Ünnerelvbahn twüschen Horborg un Stood mit Fohrwieren elektrifizeert. De Streck lett hier en 20-Minuten-Takt bi de S-Bahn bito to’n Metronom to, bet Buxthu en 10-Minuten-Takt.

Twüschen Heimfeld un Neegraven verlöppt de Horbörger S-Bahn, de mit Liekstroom ut en Stroomschien an de Sied versorgt warrt, över en poor Kilometer parallel to de Ünnerelvbahn.

Literatur

• Hans-Otto Schlichtmann: Die Unterelbe’sche Eisenbahn Harburg-Stade-Cuxhaven. rutgeven von de Kreisspoorkass Stood, Stood 2007

Weblenken

Nedderelvbahn. Mehr Biller, Videos oder Audiodateien to’t Thema gifft dat bi Wikimedia Commons.

• www.niederelbebahn.de (hoochdüütsch)
• www.niederelbe-s-bahn.de (hoochdüütsch)