Iesenbahnbrügg Heckthusen

Vun Wikipedia
Zur Navigation springen Zur Suche springen
Luftbild von de Iesenbahnbrügg (2012)
Luftbild von de Oost mit de Iesenbahnbrügg in de Midd un de Oostbrügg Heckthusen baven links (2012)

De Iesenbahnbrügg Heckthusen Denkmaal mit de Nr. 35.202.000.021 in de Gemeen Heckthusen is en Brügg in Heckthusen över de Oost (bi Stroomkilometer 29,8).

Över de Brügg löppt de Nedderelvbahn, de von Cuxhoben na Hamborg geiht un hier twüschen de Bahnhööv Heckthusen in’n Landkreis Cuxhoben un Himmelpoorten in’n Landkreis Stood liggt. Dichtbi liggt ok de Oostbrügg Heckthusen, över de de Bundsstraat 73 över de Oost geiht.

De Dörföhrhöögd bi MThw is 5,0 m, bi MTnw 6,85 m un de Dörföhrbreed twüschen de Pielers is 50 m.[1] Alltohoop is de Brüüg so bi 150 m lang.

De Brügg is 1881 boot worrn un harr twee Gleise. Dat weer en Dreihbrügg, dat ok Evers mit Seil noch de Oost hoogföhren köönt. De Stratenbrügg von de B 73, de 1935 boot worrn is, weer en faste Brügg un dor kunnen keen Scheep mit faste Masten mehr ünnerdör föhren. As 1940 de Iesenbahnbrügg nee boot worrn is, is dat dorüm ok en faste un keen Dreihbrügg mehr worrn.[2]

An dat Enn von’n Tweten Weltkrieg, an’n 3. Mai 1945, sünd Truppen von dat brietsche Guards Armoured Division von Burweg ut op Heckthusen vörrückt. De düütschen Truppen hebbt denn versöcht, de beiden Brüggen över de Oost to sprengen. Dat hett bi de Iesenbahnbrügg klappt, aver de Stratenbrügg is stahn bleven.[3] De hüdige Brügg is de von brietsche Pioneers opboot worrn. Düsse Brügg, de man blots Behülp wesen schull, harr blots een Gleis un steiht bet vondaag.

Footnoten[ännern | Bornkood ännern]

  1. Die Oste - Informationen für Wassersportler
  2. Niederdeutsches Heimatblatt Nr. 739 von de Männer vom Morgenstern von Juli 2011
  3. gemeinde-hechthausen.de: Kriegsende 1945

Weblenken[ännern | Bornkood ännern]

Commons-logo.svg Iesenbahnbrügg Heckthusen. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:53° 38′ N, 9° 15′ O