Burweg
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21709 | |
| Vörwahl: | 04144 | |
| Geograafsche Laag: | Koordinaten:53° 37′ N, 9° 16′ O53° 37′ N, 9° 16′ O | |
|
| ||
Burweg (hoochdüütsch Burweg) is en Dörp in de Gemeen Burweg (Samtgemeen Olendörp-Himmelpoorten) in’n Landkreis Stood, Neddersassen. Ok de Oort Host mit de Kark höört bi Burweg bi un de lüttje Oortsdeel Hogenlucht an de Oost.
Geografie
[ännern | Bornkood ännern]Burweg liggt an’n Rand von’e Geest na de Masch von de Oost. De Oost billt de Grens na Heckthusen un de Hosterbeek in’n Noordoosten de Grenz na Himmelpoorten.
De Naveröörd sünd Wisch in’n Noorden, Host un Bredenwisch in’n Noordoosten, Löh un Himmelpoorten in’n Oosten, Kuhla in’n Süüdoosten, Olendörp, Bossel un Blomendol in’n Süüdwesten, Klint in’n Westen un Heckthusen in’n Noordwesten.
Historie
[ännern | Bornkood ännern]Burweg kummt 1255 toeerst in de Oorkunnen vör.
In’n Eersten Weltkrieg sünd 18 Soldaten ut Burweg fullen oder vermisst un in’n Tweten Weltkrieg 17.[1]
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Burweg in’n Kanton Himmelpoorten höört un denn von 1811 bet 1814 to dat Franzöösche Kaiserriek ünner Napoleon un dor ok wedder to de Mairie Olendörp in’n Kanton Himmelpoorten.
De Oort hett vör 1885 to’n Kloosterbezirk Himmelpoorten in dat Amt Himmelpoorten tohöört. Na 1885 weer dat in’n Kreis Stood. 1932 is dat Deel von’n ne’en, grötteren Kreis Stood worrn.
De Oort hett sik mit de Gemeenreform in Neddersassen an’n 1. Juli 1972 mit Bossel un Blomendol to de ne’e Gemeen Burweg tohoopslaten.
Inwahnertall
[ännern | Bornkood ännern]| Johr | Inwahners |
|---|---|
| 1791[2] | 60 Füürsteden |
| 1824[3] | 71 Füürsteden* |
| 1848[4] | 338 Lüüd, 72 Hüüs |
| 1. Dezember 1871[5] | 358 Lüüd, 68 Hüüs |
| 1. Dezember 1885[6] | 347 Lüüd, 66 Hüüs |
| 1. Dezember 1905[7] | 341 Lüüd, 66 Hüüs |
| 1. Dezember 1910[8] | 373* |
| 1925[9] | 356* |
| 1933[9] | 345* |
| 1939[9] | 343* |
- * tohoop mit Host
Religion
[ännern | Bornkood ännern]_28.jpg)
Burweg is evangeelsch-luthersch präägt un hett mit de Petrus-Kark in Host en egen Kaspel.
För de Kathoolschen is de Hillig-Geist-Kark in Stood tostännig.
De Doden warrt op’n Karkhoff in Host begraven.
Kultur
[ännern | Bornkood ännern]In Burweg steiht en Denkmaal för de Fullenen ut de twee Weltkrieg’.
Bowarken
[ännern | Bornkood ännern]De St.-Petrus-Kark op’n Host hebbt de inwannerten Hollänners bi de Hollerkolonisatschoon boot, de hier her kemen, de Maschen oorbor to maken. Dat weer so üm un bi dat Johr 1200. De ole Klock ut disse Tiet keem 1912 an dat Museum in Lümborg. Op’n Karkhoff staht en poor schöne ole Graffsteen.
Verenen
[ännern | Bornkood ännern]Burweg hett en Schüttenvereen, de 1926 grünnt worrn is.
De Heimaat- un Kulturvereen Burweg is in’n September 2018 grünnt worrn.
Weertschop un Infrastruktur
[ännern | Bornkood ännern]Burweg hett en egene freewillige Füürwehr.
Infrastruktur
[ännern | Bornkood ännern]Dat Afwater ut Burweg warrt över Himmelpoorten na dat Klärwark Stood afföhrt.[10]
Verkehr
[ännern | Bornkood ännern]Dör Burweg löppt de Bundsstraat 73, de in’n Noordwesten mit de Oostbrügg Heckthusen över de Oost na Heckthusen, Hemmoor un wieder na Cuxhoben to geiht un in’n Süüdoosten över Himmelpoorten na Stood. In’n Süden geiht de Kreisstraat 66 över Bossel na Olendörp un in’n Noordwesten de K 81 na Bredenwisch an de Landsstraat 113 ran.
De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 18 Kilometer in’n Süüdoosten von Burweg.
De nächsten Bahnhööv sünd an de Nedderelvbahn so bi veer Kilometer wied weg in’n Westen de Bahnhoff Heckthusen un in’n Oosten de Bahnhoff Himmelpoorten. Düsse Bahnlien geiht mit de Iesenbahnbrügg Heckthusen över de Oost weg.
Scholen
[ännern | Bornkood ännern]De Kinner gaht vondaag op dat Schoolzentrum Olendörp, in dat Grund- un Oberschool in sünd. Op Gymnasium gaht de Kinner na dat Vincent-Lübeck-Gymnasium in Stood.
Fröher harr dat Dörp en egen Volksschool in de Schoolstraat. Dor is vondaag de Burweger Kinnergoorn in ünnerbrocht, de 1975 as Speelkreis grünnt worrn is. Dat ole Schoolgebüüd hett aver noch twee Anboten kregen, de letzte Anbo weer 2018 un hett 460.000 Euro köst.[11]
Literatur
[ännern | Bornkood ännern]- Ann-Katrin Clauder: Und damals war es Borchweghe – Chronik über die Entwicklung des Gebietes zwischen Oste, Horsterbeck und Bahnschienen. 2009
Footnoten
[ännern | Bornkood ännern]- ↑ http://www.denkmalprojekt.org/2009/burweg_wk1u2_ns.htm
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 43
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 302
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 134
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 142
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 150
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 158
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
- ↑ http://www.twv-staderland.de/de/aeo/gebiet.html
- ↑ Jutta Eidtmann: Burweg: Kindergarten prägt Ort und Finanzen, Stader Tageblatt an’n 11. April 2018
