Kuhla
Dit Woort hett noch annere Bedüden: kiek dorför ünner Kuhla (Mehrdüdig Begreep).
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21709 | |
| Vörwahl: | 04144 | |
| Geograafsche Laag: | Koordinaten:53° 36′ N, 9° 18′ O53° 36′ N, 9° 18′ O | |
|
| ||
Kuhla is en Dörp in de Gemeen Himmelpoorten (Samtgemeen Olendörp-Himmelpoorten) in’n Landkreis Stood, Neddersassen.
Geografie
[ännern | Bornkood ännern]An Kuhla flütt de Hosterbeek langs.
De Naveröörd von Kuhla sünd Himmelpoorten in’n Noordoosten, Düünbeudel in’n Oosten, Heinbockel in’n Süüdoosten, Sunn un Timmerlaad in’n Süden, Olendörp in’n Westen un Bossel in’n Noordwesten. In’n Noorden liggt de Himmelpoortener Oortsdeel Neekuhla.
Geschicht
[ännern | Bornkood ännern]Kuhla keem 1059 toeerst in de Oorkunnen vör. Sied 1280 liggt in dat Dörp dat Riddergood Kuhla, dat in’n Besitt von de Ridders von de Kuhla weer. 1709 is dat Good verköfft worrn un harr denn verscheden Besitters. 1828 hett Otto Christian von Gruben dat Good köfft. De Familie von Gruben höört dat Good ok nu noch to. Von Grubens bedrievt vondaag Bueree. Blangen Koorn warrt vör allen ok Spoors un Wiehnachtsbööm anboot.
In’t Johr 2000 hebbt se in Kuhla ok en Windpark in Bedriev nahmen, mit veer Windmöhlen, de tohoop 6,60 MW leisten doot. De Windpark warrt von de WKN Windkraft Nord AG bedreven.
Verwaltungsgeschicht
[ännern | Bornkood ännern]Vör 1885 weer dat Dörp Deel von de Böörd Olendörp binnen dat Amt Himmelpoorten. 1885 is de Oort denn Deel von’n Kreis Stood worrn un 1932 von’n Landkreis Stood.
Toletzt in de Tied vör 1972 harr Kuhla mit de Gemenen Bredenwisch un Himmelpoorten de Samtgemeen Himmelpoorten billt. De is 1972 oplööst worrn.
De ole Gemeen Kuhla is to’n 1. Juli 1972 Deel von de Gemeen Himmelpoorten un von de ne’e un gröttere Samtgemeen Himmelpoorten worrn. To’n 1. Januar 2014 is de Samtgemeen Himmelpoorten mit de Samtgemeen Olendörp to de Samtgemeen Olendörp-Himmelpoorten tohoopgahn.
Inwahnertall
[ännern | Bornkood ännern]| Johr | Inwahners |
|---|---|
| 1824[1] | 16 Füürsteden |
| 1848[2] | 143 Lüüd, 24 Hüüs |
| 1. Dezember 1871[3] | 135 Lüüd, 19 Hüüs |
| 1. Dezember 1910[4] | 155 |
| 1925[5] | 136 |
| 1933[5] | 127 |
| 1939[5] | 108 |
Vondaag hett de Oort blot noch so bi 60 Inwahners.
Religion
[ännern | Bornkood ännern]Kuhla is evangeelsch-luthersch präägt un höört to dat Kaspel Olendörp.
Verkehr
[ännern | Bornkood ännern]Kuhla liggt so bi 500 Meter af von de Landsstraat 114, de von Himmelpoorten na Olendörp geiht. En lüttjere Straat geiht noch na Sunn un wieder na Heinbockel.
De nächste Bahnhoff is in Himmelpoorten an de Nedderelvbahn von Cuxhoben na Hamborg, wat so bi veer Kilometer weg is.
Footnoten
[ännern | Bornkood ännern]- ↑ C. H. Jansen: Statistisches Handbuch des Königreichs Hannover. 1824, Sied 346: http://books.google.de/books?id=tG0AAAAAcAAJ&pg=PA346
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 135: http://books.google.de/books?id=eOI-AAAAcAAJ&pg=PA135
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 142: https://books.google.de/books?id=qTZDAQAAMAAJ&pg=RA2-PA142
- ↑ http://www.gemeindeverzeichnis.de/gem1900/gem1900.htm?hannover/stade.htm
- ↑ a b c http://www.verwaltungsgeschichte.de/stade.html