von de Kuhla

Vun Wikipedia
Zur Navigation springen Zur Suche springen
Wapen von de Familie

De Familie von de Kuhla weer en Adelsslecht, dat ut Kuhla stammt.

De Familie is ut de Familie von Sürsen vörgahn, de siet 1142 natowiesen is. De Naam von Kuhla kummt 1272 tooerst mit Lüder von Kuhla vör, de aver in annere Oorkunnen ok wedder Lüder von Sürsen nöömt warrt. Von disse Tied an mutt woll ok de Borg in Kuhla bestahn hebben. Nadem de Borg in Sürsen von’n Landsherrn dalbraken worrn is, hett Detlev von Sürsen in Kuhla wahnt un de Familie hett sik von 1388 af an von de Kuhla nöömt. De Familie hett denn bet 1709 op dat Good Kuhla wahnt. De letzte weer Berthold Clemens von de Kuhla. Mit em is de direkte Lien utstorven. Sied 1828 höört dat Good Kuhla de Familie von Gruben to.

De Familie hett na 1709 in Siedenlienen jümmer noch bestahn un en Twieg is na Däänmark gahn. Tied later sünd de von de Kuhla denn aver utstorven.

Dat Wapen wiest op en sülvern Schild en rode Pyramied.