Wisch (Gemeen Heckthusen)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Wisch

Wisch
Laag vun Wisch in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Hemmoor
Gemeen: Heckthusen
Inwahners:
Postleettall: 21755
Vörwahl: 04774
Geograafsche Laag:
Koordinaten:53° 39′ N, 9° 15′ O
53° 39′ N, 9° 15′ O
LüttwöhrnWisch (Gemeen Heckthusen)HeckthusenBornbargLohmöhlenKlint (Gemeen Heckthusen)
Laag von Wisch (Gemeen Heckthusen) in de Gemeen Heckthusen (Koort lett sik anklicken)

Wisch is en Dörp in de Gemeen Heckthusen, Samtgemeen Hemmoor, in’n Landkreis Cuxhoben, Neddersassen.

Geografie[ännern | Bornkood ännern]

Dat Dörp liggt in de Masch an de Oost. De Naveröörd sünd Lüttwöhrn in’n Noorden, Bredenwisch in’n Oosten un Host in’n Süüdoosten (op de anner Sied Oost), Heckthusen in’n Süden un Löhbarg in’n Noordwesten.

Historie[ännern | Bornkood ännern]

Wisch kummt 1420 toeerst in de Oorkunnen vör.

Verwaltungsgeschicht[ännern | Bornkood ännern]

De Oort hett vör 1850 to dat Gericht Heckthusen höört. 1850 is dat denn Deel von dat Amt Himmelpoorten worrn, dor aver man twee Johr bleven un is 1852 an dat Amt Oosten kamen. 1885 is dat Amt Oosten in’n Kreis Neehuus opgahn. 1932 is de Oort an’n Landkreis Land Hadeln kamen un 1977 Deel von’n Landkreis Cuxhoben worrn.

1962 is de Oord mit de Dörper Bornbarg, Heckthusen, Klint, Lohmöhlen un Lüttwöhrn to de Samtgemeen an de Oost tohoopleggt worrn, de denn an’n 1. Juli 1972 sülvs to en Gemeen un Deel von de Samtgemeen Hemmoor worrn is.

Inwahnertall[ännern | Bornkood ännern]

Johr Inwahners
1824-00-001824[1] 36 Füürsteden
1848-00-001848[2] 172 Lüüd. 34 Hüüs
1910-12-011. Dezember 1910[3] 137
1925-00-001925[4] 120
1933-00-001933[4] 117
1939-00-001939[4] 96

Religion[ännern | Bornkood ännern]

Wisch is evangeelsch-luthersch präägt un höört to dat Kaspel Heckthusen.

För de Kathoolschen is de St.-Nikolaus-Kapell in Heckthusen tostännig, de siet 1. September 2010 to de Karkengemeen Hillig Geist in Stood tohöört.

Wapen[ännern | Bornkood ännern]

Dat Wapen von de Gemeen wiest op sülvern Grund baven twee Steerns, in de Midd en gröön Band un ünnen dree blaue Spitzen, de na baven wiest.

De Steerns sünd ut dat Wapen von de Familie von Uffeln, de in Wisch veel Besitt hatt hett. De dree Spitzen sünd ut dat Wapen von de Familie Marschalck von Bachtenbrock. Un dat gröne Band steiht för Wischen un dormit för den Naam von’n Oort.

Kultur[ännern | Bornkood ännern]

De Oort hett mit’n Sportschüttenvereen Wisch en egen Schüttenvereen.

Weertschop un Infrastruktur[ännern | Bornkood ännern]

As freewillige Füürwehr is de Füürwehr Heckthusen för Wisch mit tostännig.

Verkehr[ännern | Bornkood ännern]

Na Oosten is de Oord dör de Oost von’n Verkehr sperrt. Wisch liggt an de Kreisstraat 30, de in’n Süden in Heckthusen an de Bundsstraat 73 ranlöppt un in’n Noorden na Lüttwöhrn geiht.

De nächste Autobahn is de Autobahn 26 (Afsnidd StoodHamborg). De Opfohrt 2 Stood-Süüd liggt so 23 Kilometer in’n Süüdoosten von Wisch.

De nächste Bahnhoff is so bi dree Kilometer wied weg in’n Süüdoosten de Bahnhoff Heckthusen an de Nedderelvbahn.

Scholen[ännern | Bornkood ännern]

De Schölers ut Wisch gaht na de Grundschool Heckthusen. Later köönt se op de Oberschool Loomst wesseln oder alternativ op de Haupt- un Realschool Hemmoor. As Gymnasium is dat Gymnasium Warstood för den Oort tostännig.

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 672: http://books.google.de/books?id=tG0AAAAAcAAJ&pg=PA672
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 150: http://books.google.de/books?id=eOI-AAAAcAAJ&pg=PA150
  3. http://www.gemeindeverzeichnis.de/gem1900/gem1900.htm?hannover/neuhaus.htm
  4. a b c http://www.verwaltungsgeschichte.de/hadeln.html

Weblenken[ännern | Bornkood ännern]

Commons-logo.svg Wisch (Gemeen Heckthusen). Mehr Biller, Videos oder Audiodateien to’t Thema gifft dat bi Wikimedia Commons.