Landkreis Cuxhoben

Vun Wikipedia
Wesseln na: Navigatschoon, Söök
Wapen/Flagg Koort

Wapen
Flagg

Kreis Landkreis Cuxhoben
Laag vun Landkreis Cuxhoben in Düütschland
Basisdaten
Sitt: Cuxhoben
Bundsland: Neddersassen
Flach: 2.072,57 km²
Inwahners: 200.464 (31. Dezember 2010)
Inwahnerdicht: 96,7 Inwahners pro km²
Geograafsche Laag: 53° 37′ N, 8° 49′ O
Grenzen bi OSM: 3500495 3500495
Kennteken: CUX
Kreisslötel: 03352
Gemenen in’n Kreis: 29
Landraad: Kai-Uwe Bielefeld (ahn Partei)
Websteed: www.landkreis-cuxhaven.de/
Landkreis Göttingen Landkreis Holzminnen Landkreis Schaumborg Landkreis Gosler Region Hannover Landkreis Hilmssen Soltgitter Landkreis Wulfenbüttel Bruunswiek Landkreis Wulfenbüttel Landkreis Paane Landkreis Hameln-Purmunt Landkreis Helmstidde Wulfsborg Landkreis Gifhorn Landkreis Nienborg/Werser Landkreis Northeim Landkreis Ostroe Landkreis Deefholt Fre’e Hansestadt Bremen Fre’e Hansestadt Bremen Hamborg Hamborg Nedderlannen Noordrhien-Westfalen Hessen Döringen Sleswig-Holsteen Mekelborg-Vörpommern Brannenborg Sassen-Anholt Ossenbrügge Landkreis Ossenbrügge Demost Ollnborg Landkreis Wersermasch Landkreis Vechte Landkreis Emsland Landkreis Groafschup Bäinthem Landkreis Leer Emden Landkreis Leer Landkreis Cloppenborg Landkreis Ammerland Willemshaven Landkreis Wersermasch Landkreis Auerk Landkreis Auerk Landkreis Wittmund Landkreis Auerk Landkreis Freesland Landkreis Ollnborg Landkreis Cuxhoben Landkreis Oosterholt Landkreis Veern Landkreis Stood Landkreis Horborg Landkreis Lümborg Landkreis Lüchow-Dannbarg Landkreis Heidkreis Landkreis Ülzen Landkreis Celle Landkreis RodenborgLaag von Landkreis Cuxhoben in Neddersassen (Koort lett sik anklicken)
Över dit Bild

De Landkreis Cuxhoben is en Landkreis in Neddersassen.

Geografie[ännern | Bornkood ännern]

De Landkreis Cuxhoben liggt twüschen de Münnen von Elv un Werser in’n Noordwesten von dat Elv-Werser-Dreeeck.

Na Oosten to grenzt de Kreis an’n Landkreis Stood, in’n Süüdoosten an’n Landkreis Rodenborg un in’n Süden an’n Landkreis Oosterholt. In’n Westen liggt de Stadt Bremerhoben, de to dat Bundsland Bremen tohöört, un de Landkreis Wersermasch güntsied de Werser. In’n Noordoosten op dat annere Över von de Elv liggt de Kreis Dithmarschen in Sleswig-Holsteen.

Historie[ännern | Bornkood ännern]

De Landkreis is an’n 1. August 1977 grünnt worrn, as de Kreise Wersermünn un Hadeln mit de Stadt Cuxhoben to en ne’en Kreis tohoopslaten worrn sünd.

Dat Kreishuus in de Vincent-Lübeck-Straat is 1984 trech worrn.

Wapen un Flagg[ännern | Bornkood ännern]

Dat Wapen wiest op gollen Grund den Hilligen Bischop Nikolaus, in gröön Ornat mit sülvern Rannen, sülvern Schoh un sülvern Krummstaff, den sien Krümm in en gröön Roos mit veer Bläder ennt. De Hillige hett de rechte Hand to’n Segen böhrt, hett sülvern Hoor un Gesicht un Hannen in de Klöör von Fleesch. De Schildfoot ünnen is wellenförmig deelt baven rood un ünnen sülver.

De Schildfoot stammt ut dat Wapen von’n olen Kreis Wersermünn, de Hillige Nikolaus ut dat Wapen von Hadeln.

De Flagg wiest dat Wapen in de Midd op en baven grönen un ünnen witten Grund.

Politik[ännern | Bornkood ännern]

Kreisdag[ännern | Bornkood ännern]

Kreisdag
Johr \ Partei Tall CDU SPD FDP Gröne Linke FW Börgerfrakschoon
2001 63 32 25 2 3 1
2006 62 29 24 3 3 1 2
2011 58 23 22 1 7 1 3 1
2016 58 23 20 2 5 2 1
Liddmaten
  • 2016:
    As Landraad: Kai-Uwe Bielefeld
    CDU: Jörg-Andreas Sagemühl, Bernd Beckmann, Lars Behrje, Frank Berghorn, Christiane Buck, Hinrich Bühring, Thomas Bullwinkel, Felix Diekmann-Lange, Hans-Volker Feldmann, Enak Ferlemann, Claus Götjen, Manfred Knust, Rainer Müller, Patrick Pawlowski, Axel Quast, Thiemo Röhler, Manfred Schmitz, Richard Schütt, Claus Seebeck, Astrid Vockert, Christoph Werde, Lasse Weritz, Jochen Wrede
    SPD: Martin Bensen, Ulla Bergen, Gunnar Böltes, Uwe Dubbert, Oliver Ebken, Annette Faße, Christian Grüter, Elke Jährling, Claus Johannßen, Ullrich Köster, Henry Kowalewski, Gerold Piastowski, Susanne Puvogel, Hendrik Rehm, Uwe Santjer, Margret Schwittek-Ostermann, Jan Tiedemann, Gerhard Tienken, Gunnar Wegener, Andreas Wichmann
    FDP: Carsten Nickel, Marco Rützel
    Gröne: Sabine van Gemmeren, Marianne Peus, Heino Runge, Eva Viehoff, Christian Wolf
    Linke: Dietmar Buttler, Jens Krautscheidt
    FW: Rüdiger Kurmann
    AfD: Armin Brausendorf, Oliver Dietrich, Anton Grunert, Jens Posny, Peter Würdig

Landrääd[ännern | Bornkood ännern]

Landraad Partei Tied
Martin Steffens CDU 1977–1991
Martin Döscher CDU 1991–2004
Kai-Uwe Bielefeld ahn Partei 2004–

Böverkreisdirekters[ännern | Bornkood ännern]

Kultur[ännern | Bornkood ännern]

1977 hett de Landkreis Cuxhoben de Patenschop von’n Landkreis Land Hadeln för den Kreis Labiau in Oostprüßen övernahmen. Dat heet, dat de Landkreis sik insett för dat Wohren von de Kultur un Geschicht von de Lüüd, de na’n Tweten Weltkrieg ut’n Kreis Labiau flücht un verdreven worrn sünd un sik in de Kreisgemeenschop Labiau tohoopslaten hebbt. De Landkreis Land Hadeln harr disse Patenschop 1952 övernahmen.

Städer un Gemenen[ännern | Bornkood ännern]

Noordsee Sleswig-Holsteen Bremerhoben Landkreis Oosterholt Landkreis Rodenborg Landkreis Stood Landkreis Wersermarsch Gemeen Armsdörp Gemeen Belen Gemeen Beverst Gemeen Bülkau Gemeen Kumbarg Gemeen Cuxhoben Gemeen Kumbarg Gemeen Heckthusen Gemeen Hemmoor Gemeen Hollnseth Gemeen Helmworth Gemeen Loomst Gemeen Loomst Gemeen Lox Gemeen Mittelsnohn Gemeen Neenkarken Gemeen Neehuus Gemeen Lee Gemeen Öberndörp Gemeen Godshem Gemeen Oosten Gemeen Oosterbrook Gemeen Oterndörp Gemeen Schippdörp Gemeen Steenau Gemeen Stinst Gemeen Stinst Gemeen Wannen Gemeen Wingst Gemeen Hagen (Landkreis Cuxhoben) Gemeen Wuster Noordseeküst Gemeen GeestlandLaag von Landkreis Cuxhoben in’n Landkreis Cuxhoben (Koort lett sik anklicken)
Över dit Bild

Inwahners an’n 31. Dezember 2015.

Eenheitsgemenen[ännern | Bornkood ännern]

Samtgemenen mit jemehr Gemenen[ännern | Bornkood ännern]

* Sitt von de Verwaltung



Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör den Landkreis Cuxhoben geiht de Autobahn 27, de in’n Süden na’n Landkreis Oosterholt un na Bremen geiht un in’n Noorden bi Cuxhoben ennt. Annere wichtige Straten sünd de Bundsstraat 437, de in’n Westen von de A27 dör den Wersertunnel na’n Landkreis Wersermasch geiht, de Bundsstraat 73, de bi Cuxhoben anfangt un dör den Noordoosten von’n Landkreis na’n Landkreis Stood un na Hamborg hen löppt, de Bundsstraat 495, de den Noordoosten von’n Landkreis Cuxhoben mit Bremervöör un de Elvfähr Wischhoben-Glückstadt verbinnt, un de Bundsstraat 71, de den Süden von’n Landkreis Cuxhoben üm Beverst rüm mit Bremerhoben, Bremervöör un Oosterholt-Scharmbeek verbinnt.

De Landkreis Cuxhoben is as Dreger tostännig för üm un bi 456 Kilometer Kreisstraten un 133 Kilometer Radweeg (Kreisstraten in’n Landkreis Cuxhoben).

Polizei[ännern | Bornkood ännern]

De Landkreis Cuxhoben billt binnen de Polizeidirekschoon Ollnborg von de Polizei Neddersassen de Polizeiinspekschoon Cuxhoben. De Polizeiinspekschoon in Cuxhoben, dat Polizeikommissariat Hemmoor, dat Polizeikommissariat Langen in Debst un dat Polizeikommissariat Schippdörp sünd 24 Stünnen an’n Dag besett. De annern Polizeistatschonen hebbt blots in de Week to normale Warktieden apen. Polizeistatschonen gifft dat in: Olenwoold, Helmworth, Noordholt, Oterndörp, Kumbarg, Loomst, Dorum, Langen, Beers, Lox, Beverst un Hagen.

De Noodrööp ünner de Telefonnummer 110 kaamt in de Insatzleidstell in Cuxhoben an un warrt von dor an de tostännigen Deenststellen wiedergeven.

Dat Polizeikommissariat Langen is för de Autobahn 27 in’n Landkreis Cuxhoben tostännig.

Bi de Polizeireform 2004 hett de Polizeiinspekschoon Cuxhoben ok noch dat Polizeikommissariat Braak (Landkreis Wersermasch) biornt kregen. De Polizeiinspekschoon hett denn Cuxhoben/Wersermasch heten. Dat is to’n 1. Januar 2014 aver wedder trüggännert worrn. De Wersermasch höört nu bi de Polizeiinspekschoon Demost/Ollnborg-Land/Wersermasch.

Weblenken[ännern | Bornkood ännern]

Commons-logo.svg Landkreis Cuxhoben. Mehr Biller, Videos oder Audiodateien to’t Thema gifft dat bi Wikimedia Commons.