Debst

Wapen/Flagg

Koort

Basisdaten

Bundsland: Neddersassen

12,89 km²

10 m över NN

27607

04743

Koordinaten:53° 37′ N, 8° 38′ O53° 37′ N, 8° 38′ O

Debst (hoochdüütsch Debstedt) is en Dörp in de Gemeen Geestland in’n Landkreis Cuxhoben, Neddersassen. Binnen de Gemeen billt Debst en egen polietsche Oortschop.

Bi Debst höört ok de lüttje Oort Debsterbüttel mit bi.

Geografie

De Naveröörd sünd Hemendörp in’n Noordoosten, Drangst in’n Oosten, Wehden un Debsterbüttel in’n Süüdoosten, Fehmoor in’n Süden, Langen in’n Süüdwesten un Tajenfeld un Sievern in’n Noordwesten.

Historie

In de Oorkunnen kummt de Oort toeerst 1247 vör.

Bi en Brand an’n 13. Juli 1912 sünd de Kark un 26 von dormaals 56 Hüüs dalbrennt.

In’n Eersten Weltkrieg sünd 21 Soldaten ut Debst fullen oder vermisst un in’n Tweten 57.^[1]

Verwaltungsgeschicht

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Debst in’n Kanton Leh höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Bremerleh in’n Kanton Bremerleh.

Debst hett vör 1852 to de Vaagdie Sievern von dat Amt Beers tohöört. 1852 is dat Deel von’t Amt Leh worrn. Von 1885 bet 1932 weer dat in’n Kreis Leh un denn in’n Landkreis Wersermünn. 1977 is dat denn Deel von’n Landkreis Cuxhoben worrn.

Debst weer fröher en egenstännige Gemeen. 1971 hett sik de Gemeen de Samtgemeen Langen anslaten. Debst is 1974 denn mit de Gemeen Langen tohoopleggt worrn. De Gemeen Langen is to’n 1. Januar 2015 oplööst worrn. Dat Rebeed höört nu to de Gemeen Geestland un billt dor de Oortschop Debst mit egen Oortsbörgermeester un Oortsraad.

Inwahnertall

Johr	Inwahners
1791-00-001791^[2]	44 Füürsteden
1812-00-001812^[3]	243
1824-00-001824^[4]	42 Füürsteden
1848-00-001848^[5]	284 Lüüd, 50 Hüüs
1871-12-011. Dezember 1871^[6]	317 Lüüd, 65 Hüüs
1885-12-011. Dezember 1885^[7]	319 Lüüd, 66 Hüüs
1905-12-011. Dezember 1905^[8]	402 Lüüd, 71 Hüüs
1910-12-011. Dezember 1910^[9]	472*
1925-00-001925^[10]	564*
1933-00-001933^[10]	657*
1939-00-001939^[10]	664*

tohoop mit Debsterbüttel

Religion

Debst is evangeelsch-luthersch präägt un billt mit de Dionysiuskark en egen Kaspel. De Kark is üm un bi 1200 boot worrn. 1912 is de Kark afbrennt un denn ünner Leid von Alfred Sasse wedder neet opboot worrn.

Wapen

Dat Wapen wiest op blauen Grund dat Debster Dööpbecken von 1497 in Gold un Sülver.

Oortsbörgermeesters

–2014: Andree Wittschieben
2014–: Bernd Krüger

Oortsraad

Oortsraad
Johr \ Partei	Tall	CDU	SPD	Börgerfrakschoon	Gröne	Linke
2011	7	3	2	1	1
2016	7	3	2	1	1

Liddmaten

2011:
CDU: Sven von Glahn, Daniel Mittelstaedt, Christian Sancken

SPD: Andrea Jüstel, Frank Moosmüller

Börgerfrakschoon: Bernd Krüger

Gröne: Michael Kaschek
2016:
CDU: Eckhard Beier († 21. April 2017), Sven von Glahn, Christian Sancken

SPD: Andrea Jüstel, Frank Moosmüller

Börgerfrakschoon: Bernd Krüger

Gröne: Michael Kaschek

Kultur

Bi de Kark in Debst gifft dat en Denkmaal för de Fullenen ut de twee Weltkrieg’.

Museums

Schriefer sien Herrenhuus, dat den Heimatvereen tohöört

Debst hett en lütt Heimatmuseum.

Verenen

De Schützenvereen Debst is 1912 grünnt worrn. De Sportvereen TSV Debst is 1948 grünnt worrn un de Heimat- un Drachtenvereen an’n 14. September 1979.

Nachtleven

In Debst steiht de Grootruumdisco Planet Dance.

Weertschop un Infrastruktur

De Freewillige Füürwehr Debst is an’n 11. März 1935 grünnt worrn. Vörher harr dat en Plichtfüürwehr geven.

Verkehr

Debst liggt an de Landsstraat 118, de in’n Süüdwesten na Langen un an de Landsstraat 135 ran löppt un in’n Noordoosten na Niewohl. De Kreisstraat 64 geiht in’n Süüdoosten na Debsterbüttel un Wehden. Von Noordwesten von Sievern her geiht de K 66 in’n Noorden an Debst langs un löppt denn in’n Oosten mit de L 120 tohoop, de na Drangst geiht. Över de L 120 is de Oort dör de Opfohrt 5 Debst ok an de Autobahn 27 (Afsnidd Cuxhoben–Bremerhoben) anslaten.

De nächste Bahnhoff is de Bahnhoff Bremerhoben-Leh an de Bahnlien Bremerhoben–Cuxhoben.

Medizin

Twüschen Debst un Langen an de L 118 liggt dat Krankenhuus Seepark.

Scholen

In Debst gifft dat de Seeparkschool Wersermünn as Fedderschool för Kinner, de motorisch inschränkt sünd. De Oort hett ok en Kinnergoorn, de annern Scholen sünd in Langen.

Lüüd

De Maler Paul Ernst Wilke hett en Tied lang in Debst wahnt. De Theoloog Justus Alexander Saxer weer von 1844 af an Pastoor in Debst.

Literatur

Eduard Rüther: Chronik von Debstedt. 1935
Johannes Göhler: Aus der Geschichte des Kirchspiels Debstedt: Aus Anlaß der ersten urkundlichen Erwähnung des Ortes Anno 1247 und der Anfertigung des Klinghe-Taufbeckens Anno 1497 neu dargestellt. 1997

Footnoten

↑ Onlineprojekt Gefallenendenkmäler
↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 53
↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 101
↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 130
↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 131
↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 151
↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 158
↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 98
↑ Inwahnertallen op gemeindeverzeichnis.de
↑ ^a ^b ^c Inwahnertallen op verwaltungsgeschichte.de

Weblenken

Debst. Mehr Biller, Videos oder Audiodateien to’t Thema gifft dat bi Wikimedia Commons.

Öörd in de Gemeen Geestland

[1] Onlineprojekt Gefallenendenkmäler

[Scharf-2] Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 53

[Lasius-3] Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 101

[Jansen-4] Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 130

[HarseimSchluter-5] Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 131

[GemGutsbPreu-6] Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 151

[gemeindelexikon1885-7] Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 158

[gemeindelexikon1905-8] Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 98

[gemeindeverzeichnis-9] Inwahnertallen op gemeindeverzeichnis.de

[verwaltungsgeschichte-10] Inwahnertallen op verwaltungsgeschichte.de

[1]

[2]

[3]

[4]

[5]

[6]

[7]

[8]

[9]

[10]