Amt Leh

Vun Wikipedia

Dat Amt Leh weer en Verwaltungsrebeed in Bremen-Veern un in dat Königriek Hannover mit Seet in Leh binnen de Landdrostie Stood. Dor hett groff dat Rebeed von de hüdigen Städer/Gemenen Bremerhoben, Geestland un Schippdörp tohöört.

Dat Leid över dat Amt harr bet 1867 en Amtmann. In de Prüßentied na 1867 hett de eerste Beamte Amtshauptmann heten.

Geografie[ännern | Bornkood ännern]

In’n Noordoosten von dat Amt leeg dat Amt Beers, in’n Oosten dat Gericht Beverst, in’n Süden dat Amt Hagen, in’n Süüdwesten dat ollnbörgsche Amt Landwöörden, in’n Westen dat ollnbörgsche Amt Abbusen un de breemsche Stadt Bremerhoben un in’n Noordwesten dat Vaagdiegericht Land Wusten (Stand 1848).

1831–1852[ännern | Bornkood ännern]

Dat Amt Leh is 1831 grünnt worrn, as dat Gericht Leh mit dat Amt Stotel-Vieland tohoopleggt worrn is. Blots de Oort Holt ut dat Gericht Stotel-Vieland is dorbi an dat Amt Hagen fullen. Dör en Verordnung von’n 1. November 1838 is de Oort Holt denn aver to’n 1. Dezember 1839 doch Deel von dat Amt Leh worrn.[1]

1848 weer dat Amt so 105,90 km²[2] groot.

Öörd Stand 1848[3][ännern | Bornkood ännern]

Oort Lüüd Hüüs Aard Status
1 Leh (mit dat Stüüramt bi Leh) 2326 320 Flecken Gemeen
Amtsvaagdie Geestendörp
Oort Lüüd Hüüs Aard Status
1 Geestendörp (mit Stüüramt un Weertshuus an’n Geesthaven) 967 141 Dörp Gemeen
Leherbrügg 7 1 Tollhuus
Veerhöben 26 5 Oort
2 Fort Willem 5 1
3 Geestmünn* - - Havenoort Gemeen
4 Wulsdörp 644 166 Dörp Gemeen
5 Schippdörp 579 105 Dörp Gemeen
6 Bramel 374 76 Dörp Gemeen
* Geestmünn harr noch keen Inwahners, dat weer to de Tied 1848 noch in Bo
Amtsvaagdie Stotel
Oort Lüüd Hüüs Aard Status
1 Stotel 694 128 Dörp Gemeen
1 Speckje 26 5 Oort
1 Amtshoff, Möhl un Tollhuus in Stotel 21 3 Hüüs keen Gemeen
2 Stoteler Slüüs 3 1 ehmalig Tollhuus ahn Gemeen
3 Ness 396 80 Dörp Gemeen
4 Fleest 178 29 Dörp Gemeen
5 Lanhusen 60 8 Dörp Gemeen
6 Well 42 6 Dörp Gemeen
7 Hetthorn 44 9 Dörp Gemeen
Moorhusen Hüüs
Good Hetthorn 13 1 Eddelgood keen Gemeen
8 Holt 76 14 Dörp Gemeen
Good Holt 7 1 Eddelgood keen Gemeen

1852–1859[ännern | Bornkood ännern]

Dat Amt Leh hett bi de Verwaltungs- un Justizreform an’n 1. Oktober 1852 in dat Königriek Hannover dat Kaspel Debst mit de Gemenen Debst (mit Debsterbüttel), Langen, Laven, Sievern, Spaden un Wehden ut dat Amt Beers tokregen.

As Gericht för dat Amt is to’n 1. Oktober 1852 dat Amtsgericht Leh inricht worrn.

1859–1885[ännern | Bornkood ännern]

1859 bi de nächste Verwaltungsreform is dat kumplette Amt Beers denn Deel von dat Amt Leh worrn. Ok von dat Amt Beverst is en groten Deel mit de Kaspels Lox, Bexhöv, Oolluunbarg un Beverst un de Gemeen Apeler an dat Amt Leh kamen. De Gemeen Helljes, de kort vörher eerst mit dat Amt Beverst an dat Amt Leh kamen weer, müss dat Amt dör en Verordnung von’n 22. Juni 1859 wedder an dat Amt Oosterholt afgeven.[4]

Nadem dat Königriek Hannover 1866 an Prüßen kamen is, sünd 1867 Stüürkreise in de ne’e Provinz Hannover inricht worrn. Dat Amt hett denn to’n Stüürkreis Leh tohöört.

Na 1885[ännern | Bornkood ännern]

Bi de Verwaltungsreform in Prüßen to’n 1. April 1885 is dat Amt Leh oplööst worrn. Ut den Deel in’n Noorden von de Geest is de Kreis Leh worrn un ut den Rest in’n Süden von de Geest is de Kreis Geestmünn worrn.

Inwahnertall[ännern | Bornkood ännern]

Johr Inwahners
1848-00-001848[2] 6.384 Lüüd, 1.050 Hüüs
1867-00-001867[5] 30.897

Amtslüüd[ännern | Bornkood ännern]

Footnoten[ännern | Bornkood ännern]

  1. Sammlung der Gesetze, Verordnungen und Ausschreiben für das Königreich Hannover, vom Jahre 1838. Carl Friedrich Kius Witwe, Hannover 1838, Sied 223
  2. a b Friedrich W. Harseim, C. Schlüter: Statistisches Handbuch für das Königreich Hannover. 1848, Sied 135: http://books.google.de/books?id=eOI-AAAAcAAJ&pg=PA135
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
  4. Sammlung der Gesetze, Verordnungen und Ausschreiben für das Königreich Hannover: vom Jahre 1859. Kius, 1859, Sied 693
  5. Zeitschrift des Königlich preussischen statistischen Landesamts. Band 8, http://books.google.de/books?id=gHdKAAAAYAAJ&pg=PA149
  6. de:Georg Heinrich Bacmeister