Bramel

Vun Wikipedia
Wapen/Flagg Koort

Wapen vun Bramel

Bramel
Laag vun Bramel in Düütschland
Basisdaten
Bundsland: Neddersassen
Landkreis: Cuxhoben
Gemeen: Schippdörp
Flach: 15,36 km²
Inwahners: 698 (2012-02-2929. Februar 2012)
Inwahnerdicht: 45,4 Inwahners pro km²
Postleettall: 27619
Vörwahl: 04749
Geograafsche Laag:
Koordinaten:53° 33′ N, 8° 42′ O
53° 33′ N, 8° 42′ O
SchippdörpSellstWehdelOolluunbargGeestensethBramelLavenWehdenSpadenGemeen LoxGemeen GeestlandGemeen BeverstGemeen GeestlandBremerhobenBremerhoben
Laag von Bramel in de Gemeen Schippdörp (Koort lett sik anklicken)

Karte

Luftbild von Bramel (2012)
Luftbild von’n Polder Bramel

Bramel is en Dörp in’t Vieland in de Gemeen Schippdörp in’n Landkreis Cuxhoben, Neddersassen. To dat Dörp höört ok de Oort Dannenkamp to.

Geografie[ännern | Bornkood ännern]

Bramel liggt an’n Rand von de Geest. Von Oosten her löppt so bi een Kilometer in’n Noorden de Stroom Geest na Westen hen an Bramel langs. In’n Süüdoosten liggt de Sellster See un in’n Noordoosten de Polder Bramel.

Dicht bi is ok dat Naturschuulrebeed Sellster See un Ossentriftmoor/Wild Moor.

De Naveröörd sünd Maschkamp in’n Noordoosten, Sellst in’n Süüdoosten, Schippdörp un Friedheim in’n Süüdwesten un Spaden un Laven in’n Noordwesten.

Historie[ännern | Bornkood ännern]

Dat eerste Maal in de Oorkunnen kummt de Oort 1185 as Brameloh vör. De Naam kummt wohrschienlich von Braam un Loh (Holt).

Bramel hett to dat Amt Stotel-Vieland un denn bet 1885 to de Amtsvaagdie Geestendörp in dat Amt Leh tohöört. Na 1885 weer dat in’n Kreis Geestmünn. 1932 is dat Deel von’n Landkreis Wersermünn un 1977 von’n Landkreis Cuxhoben worrn.

An’n 1. Januar 1971 is dat Dörp Deel von de Samtgemeen Geestoort worrn. Aver al mit de Gemeenreform in Neddersassen an’n 1. März 1974 is de Samtgemeen wedder oplööst worrn un de Gemeen Bramel keem an de Gemeen Schippdörp.

In’n Eersten Weltkrieg sünd 15 Soldaten ut Bramel fullen oder vermisst, un in’n Tweten 39[1].

Inwahnertall[ännern | Bornkood ännern]

Johr Inwahners
1824-00-001824[2] 72 Füürsteden
1848-00-001848[3] 374 Lüüd, 76 Hüüs
1910-12-011. Dezember 1910[4] 414
1925-00-001925[5] 418
1933-00-001933[5] 430
1939-00-001939[5] 443
2012-02-2929. Februar 2012[6] 698

Religion[ännern | Bornkood ännern]

Bramel is evangeelsch-luthersch präägt un billt mit de Dreekönigskark en egen Kaspel. De Klock von de Kark is 1450 gaten worrn, denn aver in’n September 1822 sprungen un nee gaten worrn.

Wapen[ännern | Bornkood ännern]

Dat Wapen von Bramel wiest op grönen Grund en sülvern Toorn mit rood Dack un ünnen en sülvern Wellenlien. De Wellenlien steiht för de Geest un de Toorn för den Brameler Klockentoorn.

Oortsbörgermeesters[ännern | Bornkood ännern]

  • opstunns: Marlis Stuthmann (CDU)

Kultur[ännern | Bornkood ännern]

In Bramel an de Kark steiht en Denkmaal för de Fullenen ut de twee Weltkrieg’.

Verenen[ännern | Bornkood ännern]

De Schützenvereen Bramel is 1890 grünnt worrn un de Freewillige Füürwehr 1902.

Weertschop un Infrastruktur[ännern | Bornkood ännern]

De Filiaal von de Volksbank Bremerhoben-Cuxland in Bramel hett 2013 dichtmaakt.

Verkehr[ännern | Bornkood ännern]

Bramel liggt an de Kreisstraat 60, de in’n Noordoosten över de Geest na Maschkamp un Elm löppt un in’n Süüdwesten na Schippdörp. Von de K 60 geiht na Noordwesten de K 61 af un geiht na Laven. En lüttjere Straat löppt ans noch na Sellst.

De nächste Bahnhoff is de Bahnhoff Bremerhoben an de Bahnlien Bremen-Cuxhoben.

Footnoten[ännern | Bornkood ännern]

  1. http://www.denkmalprojekt.org/2009/schiffdorf-bramel_wk1u2_ns.htm
  2. C. H. Jansen: Statistisches Handbuch des Königreichs Hannover. 1824, Sied 82: http://books.google.de/books?id=tG0AAAAAcAAJ&pg=PA82
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 135: http://books.google.de/books?id=eOI-AAAAcAAJ&pg=PA135
  4. http://www.gemeindeverzeichnis.de/gem1900/gem1900.htm?hannover/geestemuende.htm
  5. a b c http://www.verwaltungsgeschichte.de/wesermuende.html
  6. http://www.schiffdorf.de/staticsite/staticsite.php?menuid=3&topmenu=90

Weblenken[ännern | Bornkood ännern]