Maschkamp
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 8,88 km² | |
| Inwahners: | ||
| Postleettall: | 27624 | |
| Vörwahl: | 04704 | |
| Geograafsche Laag: | Koordinaten:53° 35′ N, 8° 44′ O53° 35′ N, 8° 44′ O | |
|
| ||
Maschkamp (hoochdüütsch Marschkamp) is en Dörp in de Gemeen Geestland in’n Landkreis Cuxhoben, Neddersassen.
Geografie
[ännern | Bornkood ännern]Maschkamp liggt op de Geest. So bi twee Kilometer weg löppt in’n Süden de Stroom Geest langs.
De Naveröörd sünd Elm in’n Noordoosten, Kührst in’n Oosten, Oolluunbarg in’n Süüdoosten, Sellst in’n Süden, Bramel in’n Süüdwesten, Laven in’n Westen un Wehden in’n Noordwesten.
Historie
[ännern | Bornkood ännern]Maschkamp is an’n 1. August 1968 mit de Gemeen Elm tohoopleggt worrn. Von’n 1. April 1971 af an hett de Oort to de Samtgemeen Beers tohöört un von’n 1. März 1974 bet to’n 31. Dezember 2014 to de ne’e, gröttere Samtgemeen Beers. De Gemeen Elm un de Samtgemeen Beers sünd to’n 1. Januar 2015 oplööst worrn. Dat ganze Rebeed höört nu to de Gemeen Geestland.
Inwahnertall
[ännern | Bornkood ännern]| Johr | Inwahners |
|---|---|
| 1824[1] | 27 Füürsteden |
| 1848[2] | 184 Lüüd, 34 Hüüs |
| 1. Dezember 1910[3] | 222 |
| 1925[4] | 213 |
| 1933[4] | 221 |
| 1939[4] | 233 |
Religion
[ännern | Bornkood ännern]Maschkamp is evangeelsch-luthersch präägt un höört to dat Kaspel von de Leevfroon-Kark in Elm.
Wapen
[ännern | Bornkood ännern]Dat Wapen wiest op blauen Grund ünnen en sülvern Wellenbalken, an de Sieden twee sülvern Ekentelgen un in de Midd twee gollen Ohren.
De Wellenlien steiht för de Geest.
Kultur
[ännern | Bornkood ännern]Verenen
[ännern | Bornkood ännern]De Riedervereen Elm-Maschkamp is 1929 grünnt worrn.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Maschkamp liggt an de Kreisstraat 60, de in’n Noordoosten na Elm un Drangst löppt un in’n Süüdwesten över de Geest röver na Bramel un Schippdörp. In’n Oosten geiht de K 62 na Kührst. Lüttjere Straten gifft dat ans noch na Laven un Wehden.
De nächsten Opfohrten op en Autobahn sünd de Opfohrten 5 Debst, 6 Bremerhoben-Överseehavens un 8 Geestmünn op de Autobahn 27 (Afsnidd Bremen–Bremerhoben–Cuxhoben), de all dree so bi ölven Kilometer weg sünd.
De nächste Bahnhoff is de Hauptbahnhoff Bremerhoben an de Bahnlien Cuxhoben-Bremen, de so bi 15 Kilometer weg is.
Lüüd
[ännern | Bornkood ännern]De luthersche Theoloog Albert Lührs is 1804 in Maschkamp boren.
Footnoten
[ännern | Bornkood ännern]- ↑ C. H. Jansen: Statistisches Handbuch des Königreichs Hannover. 1824, Sied 398: http://books.google.de/books?id=tG0AAAAAcAAJ&pg=PA398
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 131: http://books.google.de/books?id=eOI-AAAAcAAJ&pg=PA131
- ↑ http://www.gemeindeverzeichnis.de/gem1900/gem1900.htm?hannover/lehe.htm
- ↑ a b c http://www.verwaltungsgeschichte.de/wesermuende.html
