Laven (Gemeen Schippdörp)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Laven

Laven
Laag vun Laven in Düütschland
Basisdaten
Bundsland: Neddersassen
Landkreis: Cuxhoben
Gemeen: Schippdörp
Inwahners: 89 (2012-02-2929. Februar 2012)
Postleettall: 27619
Vörwahl: 0471
Geograafsche Laag:
Koordinaten:53° 35′ N, 8° 41′ O
53° 35′ N, 8° 41′ O
SchippdörpSellstWehdelOolluunbargGeestensethBramelLavenWehdenSpadenGemeen LoxGemeen GeestlandGemeen BeverstGemeen GeestlandBremerhobenBremerhoben
Laag von Laven (Gemeen Schippdörp) in de Gemeen Schippdörp (Koort lett sik anklicken)

Laven is en Dörp in de Gemeen Schippdörp in’n Landkreis Cuxhoben, Neddersassen.

Geografie[ännern | Bornkood ännern]

Laven liggt so bi een Kilometer von de Geest af, de in’n Süden von’n Oort langsflütt.

De Naveröörd sünd Wehden in’n Noorden, Elm un Maschkamp in’n Oosten, Bramel in’n Süüdoosten, Schippdörp in’n Süüdwesten, Spaden un Bremerhoben in’n Westen un Fehmoor in’n Noordwesten.

Historie[ännern | Bornkood ännern]

Toeerst in de Oorkunnen dükert de Naam 1375 op. Aver bloots as Naam von en Persoon, Marquart von Lavene. Aver al 1376 kummt denn de Oort ok direkt in de Oorkunnen vör, as Gebhard von Desbüttel sien Besitt tu Lavende an dat Klooster Niewohl verköfft.

In de Franzosentied von 1810 bet 1813 hett Laven to de Kommuun Bremerleh tohöört. Na de Franzosentied hett dat jüst as vörher wedder to dat Amt Beers höört. Laven hett von 1852 bet 1885 to dat Amt Leh tohöört. Na 1885 weer dat in’n Kreis Leh. 1932 is dat Deel von’n Landkreis Wersermünn un 1977 von’n Landkreis Cuxhoben worrn.

1974 is de Gemeen Laven Deel von de Gemeen Schippdörp worrn.

Inwahnertall[ännern | Bornkood ännern]

Johr Inwahners
1824-00-001824[1] 19 Füürsteden
1848-00-001848[2] 60 Lüüd. 10 Hüüs
1910-12-011. Dezember 1910[3] 69
1925-00-001925[4] 79
1933-00-001933[4] 73
1939-00-001939[4] 70
2012-02-2929. Februar 2012[5] 89

Religion[ännern | Bornkood ännern]

Laven is evangeelsch-luthersch präägt un höört to dat Kaspel Spaden.

Wapen[ännern | Bornkood ännern]

Dat Wapen von Laven wiest op blauen Grund op en sülvern Schildfoot ut Wellenlienen en sülvern Seeroos. Dat steiht för den Lavener See, de in de Johren 1960 na de Flurbereinigung verlannt is.

Oortsvörstänn[ännern | Bornkood ännern]

  • opstunns: Karin Müller

Kultur[ännern | Bornkood ännern]

Verenen[ännern | Bornkood ännern]

De Freewillige Füürwehr Laven is 1902 grünnt worrn.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Laven liggt an de Kreisstraat 61, de in’n Süüdoosten na Bramel un an de K 60 ran löppt un in’n Noordwesten an de K 63 ran. Över de K 63 is de Oort ok an de Autobahn 27 (Opfohrt 6 Bremerhoben-Överseehavens) anslaten, de so bi fiev Kilometer weg is. En lüttjere Straat gifft dat ans noch na Spaden.

De nächste Bahnhoff is in Leh an de Bahnlien Bremen-Cuxhoben.

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 364: http://books.google.de/books?id=tG0AAAAAcAAJ&pg=PA364
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 131: http://books.google.de/books?id=eOI-AAAAcAAJ&pg=PA131
  3. http://www.gemeindeverzeichnis.de/gem1900/gem1900.htm?hannover/lehe.htm
  4. a b c http://www.verwaltungsgeschichte.de/wesermuende.html
  5. http://www.schiffdorf.de/staticsite/staticsite.php?menuid=3&topmenu=90

Weblenken[ännern | Bornkood ännern]

Commons-logo.svg Laven (Gemeen Schippdörp). Mehr Biller, Videos oder Audiodateien to’t Thema gifft dat bi Wikimedia Commons.