Geestenseth

Vun Wikipedia
Zur Navigation springen Zur Suche springen
Wapen/Flagg Koort

Wapen vun Geestenseth

Geestenseth
Laag vun Geestenseth in Düütschland
Basisdaten
Bundsland: Neddersassen
Landkreis: Cuxhoben
Gemeen: Schippdörp
Flach: 12,04 km²
Inwahners: 979 (2012-02-2929. Februar 2012)
Inwahnerdicht: 81,3 Inwahners pro km²
Postleettall: 27619
Vörwahl: 04749
Geograafsche Laag:
Koordinaten:53° 31′ N, 8° 51′ O
53° 31′ N, 8° 51′ O
SchippdörpSellstWehdelOolluunbargGeestensethBramelLavenWehdenSpadenGemeen LoxGemeen GeestlandGemeen BeverstGemeen GeestlandBremerhobenBremerhoben
Laag von Geestenseth in de Gemeen Schippdörp (Koort lett sik anklicken)

Geestenseth is en Dörp in de Gemeen Schippdörp in’n Landkreis Cuxhoben, Neddersassen.

Geografie[ännern | Bornkood ännern]

Geestenseth is so bi een Kilometer von de Geest af, de hier noch en lütten Beek is. Dat Water ut Geestenseth flütt över Groov (in’n Westen), Geestensether Randgraven (in’n Noorden) un Hammoorgraven/Frellsdorper Möhlenbeek (in’n Oosten) na de Geest hen af.

De Naveröörd sünd Köhlen in’n Noorden, Frellsdorpermöhlen in’n Oosten, Frellsdorp in’n Süüdoosten, Wolljes in’n Süden, Wehdel in’n Westen un Oolluunbarg in’n Noordwesten.

Historie[ännern | Bornkood ännern]

De Oort kummt 1120 toeerst as Gestensethe in de Oorkunnen vör, as de Bremer Arzbischop Friedrich I. dat Doomkapittel in Bremen den teihnten Slötel stift hett.

Geestenseth hett vör 1851 to dat Gericht Beverst, von 1851 bet 1859 to dat Amt Beverst un denn bet 1885 to dat Amt Leh tohöört. Na 1885 weer dat in’n Kreis Geestmünn. 1932 is dat Deel von’n Landkreis Wersermünn un 1977 von’n Landkreis Cuxhoben worrn.

An’n 1. März 1974 is de Gemeen Geestenseth bi de Gemeenreform in Neddersassen Deel von de Gemeen Schippdörp worrn.

In’n Eersten Weltkrieg sünd 16 Soldaten ut Geestenseth fullen oder vermisst, un in’n Tweten 72[1].

Inwahnertall[ännern | Bornkood ännern]

Johr Inwahners
1824-00-00 1824[2] 31 Füürsteden
1848-00-00 1848[3] 137 Lüüd. 26 Hüüs
1910-12-011. Dezember 1910[4] 369
1925-00-00 1925[5] 430
1933-00-00 1933[5] 452
1939-00-00 1939[5] 508
2012-02-2929. Februar 2012[6] 979

Religion[ännern | Bornkood ännern]

Geestenseth is evangeelsch-luthersch präägt un höört to dat Kaspel Oolluunbarg.

Wapen[ännern | Bornkood ännern]

Dat Wapen von Geestenseth wiest baven op sülvern Grund twee blaue krüüzte Slötels un ünnen op blauen Grund söss gollen Ohren.

De Slötels sünd Bremer Slötels un düüdt op dat eerste Vörkamen von Geestenseth in de Oorkunnen hen. De Ohren staht för de Bueree un för de söss Hööv, ut de de Oort in de Tied üm 1500 bestünn.

Oortsvörstänn[ännern | Bornkood ännern]

  • opstunns: Heinrich Meuser

Kultur[ännern | Bornkood ännern]

In Geestenseth vör’n Karkhoff steiht en Denkmaal för de Fullenen ut de twee Weltkrieg’.

Verenen[ännern | Bornkood ännern]

De Schützenvereen Geestenseth is 1909 grünnt worrn un de Freewillige Füürwehr 1900.

Weertschop un Infrastruktur[ännern | Bornkood ännern]

De Filiaal von de Volksbank Bremerhoben-Cuxland in Geestenseth hett 2015 dichtmaakt.

Verkehr[ännern | Bornkood ännern]

In Geestenseth krüüzt sik de Landsstraat 128 un Landsstraat 143/Kreisstraat 40. De L 128 geiht in’n Noorden na Köhlen un in’n Süden na Wolljes un bi Beverst an de Bundsstraat 71. De L 143 löppt in’n Westen na Wehdel un Sellst un de K 40 in’n Oosten na Frellsdorp.

Dat Dörp hett mit’n Bahnhoff Geestenseth en egen Bahnhoff an de Bahnlien Bremerhoben–Buxthu.

Scholen[ännern | Bornkood ännern]

Geestenseth hett en Kinnergoorn un en egen Grundschool.

Footnoten[ännern | Bornkood ännern]

  1. http://www.denkmalprojekt.org/2009/geestenseth_wk1u2_ns.htm
  2. C. H. Jansen: Statistisches Handbuch des Königreichs Hannover. 1824, Sied 208: http://books.google.de/books?id=tG0AAAAAcAAJ&pg=PA208
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 149: http://books.google.de/books?id=eOI-AAAAcAAJ&pg=PA149
  4. http://www.gemeindeverzeichnis.de/gem1900/gem1900.htm?hannover/geestemuende.htm
  5. 5,0 5,1 5,2 http://www.verwaltungsgeschichte.de/wesermuende.html
  6. http://www.schiffdorf.de/staticsite/staticsite.php?menuid=3&topmenu=90

Weblenken[ännern | Bornkood ännern]

Commons-logo.svg Geestenseth. Mehr Biller, Videos oder Audiodateien to’t Thema gifft dat bi Wikimedia Commons.