Frellsdorper Möhlenbeek

Vun Wikipedia
Zur Navigation springen Zur Suche springen
Frellsdorper Möhlenbeek
Laag Landkreis Cuxhoben
Stroomsystem Werser
Läng 8,9[1] km
Born bi Appeln
Münn bi Geestenseth in de Geest
Afströömrebeed 28[1] km²
Water je Sekunn an de K 40:
HQ: 1,941 m³/s
MQ: 0,109 m³/s
NQ: 0,017[1] m³/s
linke Blangenströöm Hammoorgraven
rechte Blangenströöm Steenhorngraven, Ströhngraven
schippbor -

De Frellsdorper Möhlenbeek is en Beek in’n Landkreis Cuxhoben, de von links in de Geest münnt.

De Beek hett sien Born in dat Moor twüschen Appeln, Wolljes un Oosterndörp (Naturschuulrebeed Wolljeser See un Randmooren) un flütt von dor na Noorden. Twüschen Appeln un Frellsdorp nimmt he von rechts den Steenhorngraven op un löppt denn an Frellsdorp vörbi un ünner de Kreisstraat 40 ünnerdör. In de Neegd von’n Bahnhoff Frellsdorp (mit Brügg von de Bahnlien Bremerhoben–Buxthu över den Beek) münnt von rechts de Ströhngraven. An disse Steed liggt ok Frellsdorpermöhlen. Dor hett de Beek fröher en Watermöhl andreven. Vondaag noch is de Beek dor opstaut. De Dieken warrt as Fischdieken bruukt.

De Möhlenbeek dreiht nu na Noordwesten un nimmt von links den Hammoorgraven op. Twüschen Geestenseth un Köhlen (vör dat Moor) münnt de Möhlenbeek denn in de Geest. De Münn liggt in de Neegd von de Landsstraat 128.

Dat Water ut de Geest flütt wieder in de Werser un in de Noordsee.

Von de Gewässergööd sünd so twee Drüddel in de Göödklass II-III (kritisch belast) indeelt un een Drüddel in de Göödklass II (mäßig belast).[1]

Beken[ännern | Bornkood ännern]

De Steenhorngraven hett sien Oorsprung in’n Westen von’n Sünnerwoold.

De Ströhngraven hett sien Born bi Mals in’n Sünnerwoold un flütt von dor na Noordwesten, an Thebü vörbi.

De Hammoorgraven kummt ut dat Moor twüschen Wolljes un Geestenseth.

Footnoten[ännern | Bornkood ännern]

  1. a b c d http://stadtplanungsamt.bremerhaven.de/spa16/index.php?option=com_phocadownload&view=category&download=639:b445o-12-2-8-kurzfassung8-frelsdorfer-muehlbach-pdf&id=53:b445o


Koordinaten:53° 31′ N, 8° 52′ O