Mals (Landkreis Cuxhoben)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27616 | |
| Vörwahl: | 04768 | |
| Geograafsche Laag: | Koordinaten:53° 28′ N, 8° 56′ O53° 28′ N, 8° 56′ O | |
|
| ||
Mals (hoochdüütsch Malse) is en lütten Oort in de Gemeen Beverst in’n Landkreis Cuxhoben, Neddersassen. De Oort höört polietsch von öllers bi Appeln mit bi.
Geografie
[ännern | Bornkood ännern]Mals liggt op de Wersermünner Geest in en Rebeed mit veel Moor un an’n Rand von’n de Mals un den Sünnerwoold. Dat Water ut dat Rebeed flütt af över den Malser Graven un de Havekescher Luun na de Luun.
De Naveröörd sünd Thebü in’n Noorden, Hipst un de Hoff Freedag in’n Noordoosten, Havekesch, Sünnerwoold un Basdaal in’n Süüdoosten, Volkmarst in’n Süden, Appeln in’n Süüdwesten, Abelhorst in’n Westen un Frellsdorp in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Beverst in’n Kanton Beverst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1851 to de Huusvaagdie Beverst in dat Gericht Beverst tohöört un denn von 1851 bet 1859 to dat Amt Beverst. In dat Johr is de Oort Deel von dat Amt Leh worrn. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.
Mals höört von öllers bi Appeln. De Gemeen Appeln is an’n 1. April 1971 Deel von de Samtgemeen Beverst un an’n 1. November 2011 denn Deel von de Eenheitsgemeen Beverst worrn.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 1 Füürsteed |
| 1812[2] | 6 |
| 1824[3] | 1 Füürsteed |
| 1848[4] | 9 Lüüd, 1 Huus |
| 1. Dezember 1871[5] | 12 Lüüd, 2 Hüüs |
| 1. Dezember 1885[6] | 12 Lüüd, 2 Hüüs |
| 1. Dezember 1905[7] | 12 Lüüd, 2 Hüüs |
Religion
[ännern | Bornkood ännern]Mals is evangeelsch-luthersch präägt un höört to dat Kaspel von de Fabian-un-Sebastian-Kark in Beverst.
För de Kathoolschen is de Hillig-Hart-Jesu-Kark in Geestmünn tostännig.
De Karkhoff von Mals liggt an de Malser Straat.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Von Mals föhrt de Hipster Straat in’n Süüdwesten na Appeln an de Kreisstraat 41, de Malser Straat in’n Noordwesten na Frellsdorp an de K 40 un de Beverster Straat in’n Noordoosten na Hipst an de K 144 in’n Landkreis Rodenborg. De K 41 geiht denn wieder na Süüdoosten un is bi Beverst över de Landsstraat 128 anslaten an de Bundsstraat 71. Över de K 40 in Frellsdorp is de Oort verbunnen mit de L 128 un de L 143 in Geestenseth. In’n Oosten kummt een över Hipst un de K 116 na de B 71/B 74 un na Bremervöör.
De nächste Autobahn is de Autobahn 27 (Afsnidd Bremen–Bremerhoben). De Opfohrten 8 Geestmünn un 9 Wulsdörp doot all beid so bi 24 Kilometer in’n Westen von Mals liggen.
De nächsten Bahnhööv sünd knapp fiev Kilometer wied weg in’n Noordwesten de Bahnhoff Frellsdorp un fiev Kilometer in’n Noordoosten de Bahnhoff Op de Hööv, de all beid an de Bahnlien Bremerhoben–Buxthu liggen doot.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 149
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 102
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 394
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 148
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 151
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 162
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 50