Wersermünner Geest

Vun Wikipedia
Zur Navigation springen Zur Suche springen

De Wersermünner Geest is en Geestrebeed in’n Noordoosten von Neddersassen un höört to de Stoder Geest. Nöömt is se na de Stadt Wersermünn, de vondaag Deel von Bremerhoben is. Na dat Handbuch der naturräumlichen Gliederung Deutschlands is dat en Naturruum von 1677 km².

Geografie[ännern | Bornkood ännern]

De Wersermünner Geest liggt in’n Westen von dat Elv-Werser-Dreeeck. Dor höört Rebeden in’n Landkreis Cuxhoben, in’n Landkreis Oosterholt un in Bremen-Noord to.

Dat Rebeed sett sik tohoop ut Moränen ut de Saal-Iestied, de so von 10 m bet 74 m över NN hoog recken doot. In de Geest sünd deelwies de Daals von Strööm un Beken rinsneden, de mehrstendeels blots 0 bet 5 över NN hebbt. Op de Geest gifft dat Holt, Heid un Ackerbo, in de Daals vör allen Gröönland.

De höögste Punkt is mit 74 Meter över de See de Wingst.

In’n Noorden reckt de Wersermünner Geest in Cuxhoben bet an de Noordsee ran. In’n Noordoosten liggt denn dat Land Hadeln un Keden, de as Naturruum to de Elvmaschen höört. In’n Oosten billt de Oost den Rand (Deel von dat Hamm-Oost-Daal). Op de annere Sied von de Oost liggt denn de Zevener Geest.

In’n Süüdoosten liggt dat Düvelsmoor (ok Deel von dat Hamm-Oost-Daal).[1] Den Süüdrand von de Geest billt in Bremen de Lesum un in’n Westen grenzt de Wersermünner Geest an de Maschen von Oosterstood un Land Wusten, de as Naturruum to de Eems- un Wersermaschen höört.

Ünnerdelen[ännern | Bornkood ännern]

De Haupteenheit Wersermünner Geest is wieder ünnerdeelt in twee Ünnereenheiten: de Oosterholter Geest in’n Süden (groff allens süden de Luun) un de Cuxhobener Geest in’n Noorden.

„Wersermünner Geest“ (633)

  • 633.0 „Oosterholter Geest
    • „Vesacker Geest“ oder „Oosterholt-Scharmbeker Lehmgeest“ 633.00
    • „Garlster Sandgeest“ oder „Rekener Geest“ 633.01
    • „Bokeler Geest“ oder „Helljeser Geest“ 633.02
    • 633.03
    • „Geestmünner Grund“ 633.04
  • 633.1 „Cuxhobener Geest

Footnoten[ännern | Bornkood ännern]

  1. Bundesamt för Naturschuul afropen an’n 12. November 2014


Koordinaten:53° 27′ N, 9° 0′ O