Wingst (Bargen)

Vun Wikipedia
Zur Navigation springen Zur Suche springen
Blick von Noordwesten op de Wingst

De Wingst is en Barggrupp in’n Landkreis Cuxhoben in Neddersassen. De höögste Topp is de Sülverbarg mit 74 m över NN.

Na dat Handbuch der naturräumlichen Gliederung Deutschlands höört de Wingst to’n Naturruum von de Loomster Ennmoränen mit de Nummer 633.10.

De Wingst is in dat Warthe-Stadium von de Saal-Iestied as Morään opkamen un billt en Geestrügg. In de Ümgegend is dat Land vör allen Masch un Moor, in’n Oosten flütt de Oost an de Wingst langs. Wassen deit in de Wingst vör allen Mischholt.

In de sülve Tied as de Wingst hebbt sik ok de Westerbarg, de Horborger Bargen un de Hoge Lieth billt.

De Öörd rundüm höört all to de Gemeen Wingst to. De wichtigste Straat is de Bundsstraat 73, de von Süüdoosten her von Stood un Warstood/Basbeek/Hemmoor kummt, an de Noordoostkant von de Wingst langslöppt un denn in’n Noordwesten över Kumbarg un Oterndörp na Cuxhoben löppt.

De Wingst liggt an’n Europääschen Wannerpadd E9.

Bargen[ännern | Bornkood ännern]

  • Sülverbarg (74,0 m)
  • Fahlbarg (61 m, Düütsch Olymp)
  • Gretenbarg (>60,0 m)
  • Kraienbarg (56,0 m)
  • Vossbarg (32,4 m)
  • Hasenbarg (32,0 m)
  • Kleverbarg (25,3 m)
  • Falkenbarg

Literatur[ännern | Bornkood ännern]

  • Walter Umland, Jürgen von der Wense: Die Wingst, Vergangenheit und Gegenwart. Gemeen Wingst, 1993


Koordinaten:53° 44′ N, 9° 4′ O