Basbeek

Vun Wikipedia
Wapen/Flagg Koort

Wapen vun Basbeek

Basbeek
Laag vun Basbeek in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Hemmoor
Gemeen: Hemmoor
Flach: 16,47 km²
Inwahners:
Postleettall: 21745
Vörwahl: 04771
Geograafsche Laag:
Koordinaten:53° 41′ N, 9° 11′ O
53° 41′ N, 9° 11′ O
Hemm (Hemmoor)HemmoorWestersoodHeeßel (Hemmoor)WarstoodBasbeek
Laag von Basbeek in de Gemeen Hemmoor (Koort lett sik anklicken)

Karte

Luftbild von Basbeek 2012

Basbeek (hoochdüütsch Basbeck) is en Oort in de Gemeen Hemmoor in’n Landkreis Cuxhoben, Neddersassen. De Oort liggt an dat linke Över von de Oost. To Basbeek höört von öllers ok de Tegelkamp, de Möhlenreeg un Sethlerhemm mit bi.

Basbeek is vondaag mit Warstood tohoopwussen. Von Butenlüüd warrt Basbeek un Warstood faken all beid to Hemmoor tellt. De Oort hett sik aver liekers en egen Identität wohrt, de von de Lüüd dor as wichtig ansehn un pleegt warrt.

Geografie[ännern | Bornkood ännern]

De Oort liggt op’n Rand von de Loomster Geest hen na de Masch von de Oost. In’n Oosten von Basbeek flütt dat Basbeker Slüsenfleet langs. De Heeßler Möhlenbeek un de Hockmöhlener Beek fleet all beid in’n Süden von Basbeek langs un münnt denn in’t Basbeker Slüsenfleet.

De Naveröörd sünd Oosten in’n Noorden (op de anner Sied von de Oost), Sethlerhemm in’n Oosten, Bornbarg un de Möhlenreeg in’n Süden, Wohlenbeek in’n Süüdwesten, Heeßel in’n Westen un Warstood in’n Noordwesten.

Historie[ännern | Bornkood ännern]

De Sweevfähr
Schöppwark von dat Basbeker Slüsenfleet an de Oost Denkmaal mit de Nr. 35.202.200.037 in de Gemeen Hemmoor
Buurhuus an’n Sethlerhemmer Fährweg Denkmaal mit de Nr. 35.202.200.052 in de Gemeen Hemmoor

In de Oorkunnen kummt Basbeek toeerst in’t 13. Johrhunnert vör.

Tegeleen hett dat in Basbeek al lang geven. 1881 weren dat fiev Stück, de aver all man bloot lütte Bedrieven weren. 1903 hett de Firma Ploog ut Brunsbüttelkoog anfungen bi Basbeek Toon aftoboon. Dat Afborebeed weer an de Grenz na Warstood un von dor hebbt se den Toon mit Wagens na de Oost föhrt. Dat hett so bet to de Midd von de Johren 1920 duurt, denn hett sik dat nich mehr lohnt. De Kuhl is denn mit Water vulllopen un na’n Tweten Weltkrieg hebbt se dor en Baadsee von maakt un later en richtig Swemmbad un hebbt dor ok en Hallenbad biboot, wat vondaag dat Heidestrandbad is.

1913 hett de Firma Tonlager Tegelkamp anfungen, op’n Tegelkamp op 13 Hektar Toon aftoboon un en Tegelwark opboot. Dit Wark is denn in de Johren 1960 dichtmaakt worrn.

1909 is de Sweevfähr Oosten-Basbeek trech worrn, de de ole Prahmfähr twischen de Öörd aflööst hett.

In’n Eersten Weltkrieg sünd 49 Soldaten ut Basbeek fullen oder vermisst[1].

Basbeek is an’n 1. Juli 1968 Deel von de nee billt Gemeen Hemmoor worrn.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Basbeek in’n Kanton Loomst höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Heckthusen in’n Kanton Himmelpoorten.

De Oort hett vör 1859 to de Böörd Loomst in dat Amt Bremervöör tohöört un denn von 1859 bet 1885 to dat Amt Oosten. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Basbeek weer fröher en egen Gemeen un is an’n 1. Juli 1968 Deel von de nee billt Gemeen Hemmoor worrn.

Inwahnertall[ännern | Bornkood ännern]

Johr Inwahners
1791-00-001791[2] 128 Füürsteden
1824-00-001824[3] 155 Füürsteden
1848-00-001848[4] 972 Lüüd, 180 Hüüs
1858-00-001858[5] 1.138
1871-12-011. Dezember 1871[6] 1.344 Lüüd, 240 Hüüs
1885-12-011. Dezember 1885[7] 1.463 Lüüd, 271 Hüüs
1905-12-011. Dezember 1905[8] 1.696 Lüüd, 307 Hüüs
1910-12-011. Dezember 1910[9] 1.838
1925-00-001925[10] 1.657
1933-00-001933[10] 1.783
1939-00-001939[10] 1.787
de Tallen gellt tohoop mit’n Tegelkamp, de Möhlenreeg, Sethlerhemm un annere lüttjere Oortsdelen, de fröher deelwies separat tellt worrn sünd (Slichten, An’t Moor, An’n Acker, An’e Eekbööm, An’n Oostdiek, An’e Schossee, An’e Heid, Bahnhoff, Dubben, Feldhoff, Hollenworth, Karkenstieg, Möhlenbarg, Schoolweg)

Religion[ännern | Bornkood ännern]

Michaeliskark Denkmaal mit de Nr. 35.202.200.013 in de Gemeen Hemmoor

Basbeek is evangeelsch-luthersch präägt un billt mit de Michael-Kark en egen Kaspel. De Kark hett Hinnerk von Brobargen 1570 stift.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Wapen[ännern | Bornkood ännern]

Dat Wapen von Basbeek is in dree Delen deelt. In de Midd sülvern un links un rechts dör en Tinnensnidd deelt rood. Op’n sülvern Grund is en swarten Ketelhaal un dor beneddern en blaue Wellenlien. De Farven rood un sülver un de Tinnensnidd sünd ut dat Wapen von de Familie von Brobargen övernahmen.

Börgermeesters[ännern | Bornkood ännern]

Kultur[ännern | Bornkood ännern]

Kriegerdenkmaal in Basbeek Denkmaal mit de Nr. 35.202.200.028 in de Gemeen Hemmoor

In de Ümgegend is Basbeker ok en Naam för de Schoosters (Opiliones).

In Basbeek steiht ok en Denkmaal för de Fullenen ut de twee Weltkrieg’.

Verenen[ännern | Bornkood ännern]

De Schützenvereen is 1898 grünnt worrn.

Weertschop un Infrastruktur[ännern | Bornkood ännern]

Füürwehrhuus in Basbeek

Basbeek is Deel von dat Middelzentrum Hemmoor.

De Freewillige Füürwehr Basbeek is in’n November 1923 grünnt worrn.

Verkehr[ännern | Bornkood ännern]

Bahnhoff Hemmoor in Basbeek

Basbeek liggt an de Bundsstraat 73, de in’n Noordwesten na Hemmoor, Kumbarg, Oterndörp un Cuxhoben geiht un in’n Süüdoosten över Heckthusen un Himmelpoorten na Stood. In’n Noorden krüüzt de Bundsstraat 495 de B 73. De B 495 geiht in’n Noordoosten na Oosten un Wischhoben un in’n Süüdwesten na Loomst un Bremervöör. Ans gifft dat noch lüttjere Straten na Sethlerhemm, Wohlenbeek un na de Möhlenreeg.

De Oortsdörfohrt an de B 73 is 1974 op veer Sporen utboot worrn.[11]

De nächste Autobahn is de Autobahn 26 (Afsnidd StoodHamborg). De Opfohrt 2 Stood-Süüd liggt so 27 Kilometer in’n Süüdoosten von Basbeek an de B 73.

De Oort hett en Bahnhoff an de Nedderelvbahn von Cuxhoben na Hamborg (Bahnhoff Hemmoor).

Scholen[ännern | Bornkood ännern]

De hüdige Grundschool Basbeek is 1909 boot un inricht worrn.

Freetied[ännern | Bornkood ännern]

In’n Noorden von Basbeek na Warstood hen liggt dicht bi’n Bahnhoff dat Swemmbad Hemmoor.

Ver- un Entsorgung[ännern | Bornkood ännern]

Dat fleten Water för Basbeek kummt von’n Waterverband Wingst. Dat Afwater warrt in dat Klärwark Hemmoor klärt.

Lüüd[ännern | Bornkood ännern]

De Historiker un Schriever Alfred Vagts is 1892 in Basbeek boren un de Schriever un Politiker Peter Schütt 1939.

Literatur[ännern | Bornkood ännern]

Footnoten[ännern | Bornkood ännern]

  1. http://www.denkmalprojekt.org/dkm_deutschland/hemmoor.htm
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 17
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 40
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 132
  5. Franz Heinrich Ungewitter: Neueste Erdbeschreibung und Staatenkunde. 1858, Sied 420
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 146
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 154
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 126
  9. Inwahnertallen op gemeindeverzeichnis.de
  10. a b c Inwahnertallen op verwaltungsgeschichte.de
  11. Rudolf Lembcke: Kreis Land Hadeln. Geschichte und Gegenwart. Rutgever: Landkreis Land Hadeln. Bookdruckeree Günter Hottendorff, Oterndörp 1976, Sied 154

Weblenken[ännern | Bornkood ännern]

Basbeek. Mehr Biller, Videos oder Audiodateien to’t Thema gifft dat bi Wikimedia Commons.