Wohlenbeek

Vun Wikipedia
Zur Navigation springen Zur Suche springen
Wapen/Flagg Koort

Wapen vun Wohlenbeek

Wohlenbeek
Laag vun Wohlenbeek in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Loomst
Gemeen: Loomst
Flach: 3,72 km²
Inwahners: 138 (2009-12-3131. Dezember 2009)
Inwahnerdicht: 37,1 Inwahners pro km²
Geograafsche Laag:
Koordinaten:53° 40′ N, 9° 8′ O
53° 40′ N, 9° 8′ O
WohlenbeekIhlbeekHockmöhlenNindörp (Loomst)Loomst
Laag von Wohlenbeek in de Gemeen Loomst (Koort lett sik anklicken)

Wohlenbeek (hoochdüütsch Wohlenbeck) is en Dörp in de Gemeen Loomst, Samtgemeen Loomst, in’n Landkreis Cuxhoben, Neddersassen. To Wohlenbeek höört von öllers ok Wohlenbekermoor mit to.

Geografie[ännern | Bornkood ännern]

20 Tunnen sworen Granit-Findling, de 1979 in Wohlenbeek funnen worrn is

Wohlenbeek liggt op de Loomster Geest un so üm un bi fiev Kilometer von de Oost af. Mit’n Westerbarg liggt in’n Westen en grötter Woold. In’n Oosten von Wohlenbeek flütt de Hockmöhlener Beek langs. Dat Rebeed dor is Moor.

De Naveröörd sünd Heeßel in’n Noorden, Wohlenbekermoor un Basbeek in’n Noordoosten, Bornbarg in’n Oosten, Ihlbeek in’n Süüdoosten, Hockmöhlen un Rahden in’n Süden un Nordahn un Varrel in’n Westen.

Historie[ännern | Bornkood ännern]

De Oort kummt 1492 toeerst in de Oorkunnen vör.

De Naam Wohlenbeek kummt von Woold un Beek, also en Beek, de dör oder an en Woold langs flütt.

Dat Good Wohlenbeek hett bet 1639 de Familie von Brobargen tohöört un is denn an Johann von Marschalck verköfft worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Loomst in’n Kanton Bremervöör höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to de Böörd Loomst binnen dat Amt Bremervöör tohöört un von 1859 bet 1885 to dat Amt Oosten. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Bet to de Gemeenreform in Neddersassen an’n 1. Juli 1972 weer Wohlenbeek en egene Gemeen un is denn Deel von de Gemeen Loomst worrn.

Inwahnertall[ännern | Bornkood ännern]

Johr Inwahners
1791-00-001791[1] 14 Füürsteden
1824-00-001824[2] 13 Füürsteden
1848-00-001848[3] 96 Lüüd. 14 Hüüs
1871-12-011. Dezember 1871[4] 101 Lüüd. 17 Hüüs
1885-12-011. Dezember 1885[5] 92 Lüüd. 16 Hüüs
1905-12-011. Dezember 1905[6] 101 Lüüd. 18 Hüüs
1910-12-011. Dezember 1910[7] 123
1925-00-001925[8] 132
1933-00-001933[8] 122
1939-00-001939[8] 138
2009-12-3131. Dezember 2009[9] 138

Religion[ännern | Bornkood ännern]

Wohlenbeek is evangeelsch-luthersch präägt un höört to dat Kaspel von de Bartelmees-Kark in Loomst.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Dat Dörp deelt sik en Karkhoff mit Hockmöhlen. De Karkhoff Hockmöhlen/Wohlenbeek liggt twüschen de beiden Öörd an de B 495/den Kapellenweg. Op’n Karkhoff is ok en Kriegsgräversteed, de de russ’schen un poolschen Dwangsarbeiders un Kriegsfungenen gedenkt, de in’n Eersten un Tweten Weltkrieg ümkamen sünd.[10]

Wapen[ännern | Bornkood ännern]

Dat Wapen wiest op blauen Grund ünnen en sülvern Wellenlien un baven en gollen Ekentelg mit dree Eckern un veer Bläder.

Weertschop un Infrastruktur[ännern | Bornkood ännern]

Bi Wohlenbeek steiht ok de 167 m hoge Funktoorn Loomst.

Verkehr[ännern | Bornkood ännern]

Wohlenbeek liggt an de Bundsstraat 495, de in’n Noorden bi Hemmoor an de Bundsstraat 73 ranlöppt. In’n Süden löppt de B 495 över Loomst na Bremervöör. En lüttjere Straat löppt na Wohlenbekermoor in’n Noordoosten un von dor wieder na Tegelkamp/Basbeek.

De nächste Autobahn is de Autobahn 26 (Afsnidd StoodHamborg). De Opfohrt 2 Stood-Süüd liggt so 33 Kilometer in’n Süüdoosten von Wohlenbeek an de B 73. De Opfohrt 5 Debst op de Autobahn 27 (Afsnidd CuxhobenBremerhoben) liggt 37 Kilometer in’n Westen.

De nächste Bahnhoff is knapp fiev Kilometer wied weg in’n Noordoosten de Bahnhoff Hemmoor an de Nedderelvbahn von Cuxhoben na Hamborg.

Scholen[ännern | Bornkood ännern]

Wohlenbeek harr fröher en egen School. Vondaag gaht de Kinner in Loomst na de Grundschool Loomst un de Oberschool Loomst. Op Gymnasium gaht se op dat Gymnasium Warstood.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 255
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 678
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 148
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 156
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 128
  7. Inwahnertallen op gemeindeverzeichnis.de
  8. a b c Inwahnertallen op verwaltungsgeschichte.de
  9. http://boerde-lamstedt.der-norden.de/rathaus/zahlen.html
  10. Karkhoff Hockmöhlen bi’n Volksbund

Weblenken[ännern | Bornkood ännern]

Commons-logo.svg Wohlenbeek. Mehr Biller, Videos oder Audiodateien to’t Thema gifft dat bi Wikimedia Commons.