Ihlbeek

Vun Wikipedia
Zur Navigation springen Zur Suche springen
Wapen/Flagg Koort

Wapen vun Ihlbeek

Ihlbeek
Laag vun Ihlbeek in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Loomst
Gemeen: Loomst
Inwahners: 59 (2009-12-3131. Dezember 2009)
Postleettall: 21769
Vörwahl: 04773
Geograafsche Laag:
Koordinaten:53° 39′ N, 9° 10′ O
53° 39′ N, 9° 10′ O
WohlenbeekIhlbeekHockmöhlenNindörp (Loomst)Loomst
Laag von Ihlbeek in de Gemeen Loomst (Koort lett sik anklicken)

Fackwarkhuus in Ihlbeek

Ihlbeek (hoochdüütsch Ihlbeck) is en Dörp in de Gemeen Loomst, Samtgemeen Loomst, in’n Landkreis Cuxhoben, Neddersassen.

Geografie[ännern | Bornkood ännern]

Ihlbeek liggt an de Grenz von de Masch von de Oost hen na dat Moor in dat Siedland an’n Ihlbeker Kanaal, de in’n Noordoosten ok mit dat Basbeker Slüsenfleet verbunnen is.

De Naveröörd sünd Bornbarg in’n Noordoosten, Heckthusen in’n Oosten, Klint un Lohmöhlen in’n Süüdoosten, Seth in’n Süden, Loomst in’n Süüdwesten, Hockmöhlen in’n Westen un Wohlenbeek in’n Noordwesten.

Historie[ännern | Bornkood ännern]

Ihlbeek is in dat 19. Johrhunnert as Moorkolonie grünnt worrn.

De Akten von de fröhere Gemeen Ihlbeek liggt sied Oktober 1967 in dat Kreisarchiv von’n Landkreis Cuxhoben.

Verwaltungsgeschicht[ännern | Bornkood ännern]

De Oort hett vör 1859 to de Böörd Loomst binnen dat Amt Bremervöör tohöört un von 1859 bet 1885 to dat Amt Oosten. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Bet to de Gemeenreform in Neddersassen an’n 1. Juli 1972 weer Ihlbeek en egene Gemeen un is denn Deel von de Gemeen Loomst worrn.

Inwahnertall[ännern | Bornkood ännern]

Johr Inwahners
1871-12-011. Dezember 1871[1] 99 Lüüd. 19 Hüüs
1885-12-011. Dezember 1885[2] 91 Lüüd. 19 Hüüs
1905-12-011. Dezember 1905[3] 91 Lüüd. 20 Hüüs
1910-12-011. Dezember 1910[4] 85
1925-00-001925[5] 93
1933-00-001933[5] 103
1939-00-001939[5] 87
2009-12-3131. Dezember 2009[6] 59

Religion[ännern | Bornkood ännern]

Ihlbeek is evangeelsch-luthersch präägt un höört to dat Kaspel von de Bartelmees-Kark in Loomst.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Wapen[ännern | Bornkood ännern]

Dat Wapen von Ihlbeek wiest op swarten Grund över en grönen Schildfoot un en sülvern, mit fiev swarte Ielen (2 : 1 : 2) beleggt Wellenbalken en sülvern Schachspringer.

De Wellenbalken mit de Ielen is en Henwies op’n Naam von’ Oort. De Schachfigur steiht för den Börgermeester Peter Springer, de sik över en temlich lange Tied üm de Gemeen verdeent maakt hett.

Börgermeesters[ännern | Bornkood ännern]

  • 1929–1946: Peter Springer
  • 1948–1968: Peter Springer
  • 1968–1972: Hinrich Dankers

Kultur[ännern | Bornkood ännern]

Kriegerdenkmaal in Ihlbeek

En Denkmaal för de Fullenen ut de twee Weltkrieg’ steiht in Ihlbeek an de Peter-Springer-Straat.

Weertschop un Infrastruktur[ännern | Bornkood ännern]

För Ihlbeek is de freewillige Füürwehr Loomst mit tostännig.

Verkehr[ännern | Bornkood ännern]

Ihlbeek liggt an de Peter-Springer-Straat, de in’n Westen na Hockmöhlen un an de Bundsstraat 495 ranlöppt. Na Süüdwesten geiht dat över den Ehlanddamm an de Landsstraat 116 ran. In’n Noordoosten löppt de Peter-Springer-Straat as An’n Moor an de Bundsstraat 73 bi Bornbarg ran.

De nächste Autobahn is de Autobahn 26 (Afsnidd StoodHamborg). De Opfohrt 2 Stood-Süüd liggt so 27 Kilometer in’n Süüdoosten von Ihlbeek an de B 73.

De nächste Bahnhoff is knapp söss Kilometer wied weg in’n Süüdoosten de Bahnhoff Heckthusen an de Nedderelvbahn von Cuxhoben na Hamborg.

Scholen[ännern | Bornkood ännern]

Ihlbeek harr fröher en egen Volksschool. Vondaag gaht de Kinner in Loomst na de Grundschool Loomst un na de Oberschool Loomst. Op Gymnasium gaht se op dat Gymnasium Warstood.

Footnoten[ännern | Bornkood ännern]

  1. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 148
  2. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 156
  3. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 126
  4. Inwahnertallen op gemeindeverzeichnis.de
  5. a b c Inwahnertallen op verwaltungsgeschichte.de
  6. http://boerde-lamstedt.der-norden.de/rathaus/zahlen.html

Weblenken[ännern | Bornkood ännern]

Commons-logo.svg Ihlbeek. Mehr Biller, Videos oder Audiodateien to’t Thema gifft dat bi Wikimedia Commons.