Amt Oosten
Dat Amt Oosten weer en Verwaltungsrebeed in Bremen-Veern un in dat Königriek Hannover mit Seet in Oosten binnen de Landdrostie Stood. Dor hett groff dat Rebeed von de hüdigen Samtgemenen Hemmoor un Loomst tohöört.
Dat Leid över dat Amt harr bet 1867 en Amtmann. In de Prüßentied na 1867 hett de eerste Beamte Amtshauptmann heten.
1852–1859
[ännern | Bornkood ännern]Dat Amt Oosten is bi de Verwaltungs- un Justizreform an’n 1. Oktober 1852 in dat Königriek Hannover ut dat Gericht Oosten, de Öörd Neeland, Neelannermoor un Grootweurn, de vörher to dat Amt Himmelpoorten tohöört harrn, un de Öörd Hemm, Hemmoor, Warstood un Basbeek, de vörher to dat Amt Bremervöör höört harrn, billt worrn.
As Gericht för dat Amt is to’n 1. Oktober 1852 dat Amtsgericht Oosten inricht worrn.
1859–1885
[ännern | Bornkood ännern]1859 bi de nächste Verwaltungsreform sünd de Rebeden links von de Oost ut dat fröhere Gericht Heckthusen (Bornbarg, Heckthusen, Lüttwöörn, Klint, Lohmöhlen un Wisch; vörher Amt Himmelpoorten) un de Böörd Loomst (vörher Amt Bremervöör) denn ok Deel von dat Amt Oosten worrn. Dat Rebeed rechts de Oost (Kronenborg un dör Verordnung von’n 22. Juni 1859 de Rebeden in Brobargen, de op dat linke Över von de Oost legen [de Höben][1]) hett dat Amt Oosten an dat Amt Himmelpoorten afgeven.
Nadem dat Königriek Hannover 1866 an Prüßen kamen is, sünd 1867 Stüürkreise in de ne’e Provinz Hannover inricht worrn. Dat Amt hett denn to’n Stüürkreis Neehuus tohöört.
Na 1885
[ännern | Bornkood ännern]Bi de Verwaltungsreform in Prüßen to’n 1. April 1885 is dat Amt Oosten oplööst worrn un dor is tohoop mit dat Amt Neehuus de Kreis Neehuus von worrn.
Inwahnertall
[ännern | Bornkood ännern]| Johr | Inwahners |
|---|---|
| 1867[2] | 15.503 |
Amtshauptlüüd
[ännern | Bornkood ännern]- –15. Juni 1854: Amtsassesser Georg Friedrich Niemeyer†
- –1855/1856: Amtsassesser Bunfried Carl Johann Friedrich Meister
- 1855/1856–1867: Carl Adolph von Hartwig
- 1867–1870: Ernst Roscher
- 1870–1879: Hermann Franzius
- ~1881: Regerungsassesser Suttinger (kommissarsch)
- ~1884: Adolf Goetze (Verwalter)
Footnoten
[ännern | Bornkood ännern]- ↑ Sammlung der Gesetze, Verordnungen und Ausschreiben für das Königreich Hannover: vom Jahre 1859. Kius, 1859, Sied 693
- ↑ Zeitschrift des Königlich preussischen statistischen Landesamts. Band 8, http://books.google.de/books?id=gHdKAAAAYAAJ&pg=PA149
Hartogdom Bremen: Stadt Stood | Stadt Buxthu | Stadt Bremervöör | Amt Achem | Amt Beers* | Amt Beverst* | Amt Blomendal | Amt Bremervöör | Amt Dorum | Amt Freeborg | Amt Hagen | Amt Harsfeld | Amt Himmelpoorten | Amt Hornborg* | Amt Jörk | Amt Leendaal | Amt Leh | Amt Lesum* | Amt Neehuus | Amt Oosten | Amt Oosterholt | Amt Otterbarg* | Amt Stood* | Amt Wischhoben* | Amt Zeven
Hartogdom Veern: Stadt Veern | Amt Rodenborg | Amt Snevern* | Amt Veern
Land Hadeln: Stadt Oterndörp | Amt Oterndörp
* bet 1859
