Grootweurn

Vun Wikipedia
Wapen/Flagg Koort

Wapen vun Grootweurn

Grootweurn
Laag vun Grootweurn in Düütschland
Basisdaten
Bundsland: Neddersassen
Landkreis: Stood
Samtgemeen: Olendörp-Himmelporten
Flach: 12,35 km²
Inwahners: 485 (31. Dezember 2022)
Hööchd: 3 m över de See
Postleettall: 21712 (oolt: 2167)
Vörwahl: 04775
Geograafsche Laag:
Koordinaten:53° 41′ N, 9° 16′ O
53° 41′ N, 9° 16′ O
Grenzen bi OSM: 444946 444946
Gemeenslötel: 03 3 59 019
Öörd in de Gemeen: 1
Börgermeester: Bernhard Witt (FWG)
Websteed: www.grossenwoerden.de
Koort
Kreis
Karte
Balje (Neddersassen)Krummendiek (Neddersassen)Freiborg (Elv)ÖderquartGemeen WischhobenGemeen DrochtersGrootweurnGemeen EngelschoppHammahDüünbeudelGemeen HimmelpoortenGemeen BurwegGemeen KronenborgGemeen EsdörpOlendörpGemeen HeinbockelGemeen StoodDeinstGemeen FreenbeekGemeen KutenhultGemeen JörkGemeen BuxthuGemeen ObbensGemeen BeekdörpGemeen SounsiekGemeen OhlersGemeen BrestBargstGemeen HarsfeldNottensdörpBliersdörpHornborgDollernGothenborgLandkreis StoodNeddersassenLandkreis CuxhobenLandkreis RodenborgLandkreis HorborgHamborgSleswig-HolsteenSleswig-HolsteenGreundiekMittelskarkNeekark (Olland)GauderhandviddelSteenkark (Olland)Hullern-Twielenfleth
Laag von de Gemeen Grootweurn in’n Landkreis Stood (Koort lett sik anklicken)

Grootweurn (hoochdüütsch Großenwörden) is ene Gemeen in’n Landkreis Stood in Neddersassen mit 485 Inwahners (Stand 31. Dezember 2022). Grootweurn liggt an de Oost.

Geografie[ännern | Bornkood ännern]

Grootweurn liggt in de Masch von de Oost an’n Rand von dat Kedener Moor. An’n Noordwestrand von dat Grootweurner Rebeed münnt de Rönn in de Oost.

De Naveröörd sünd Hüll in’n Noorden, Doornbuschermoor, Theisbrüggermoor un Drochters in’n Noordoosten, Aschhoornermoor, Drochtersermoor un Gauensiekermoor in’n Oosten, Engelschopp un Neeland in’n Süüdoosten, Wisch in’n Süden, Lüttwöhrn, Heckthusen un Bornbarg in’n Süüdwesten, Basbeek un Sethlerhemm in’n Westen un Oosten, Olendörp un Rönndiek in’n Noordwesten.

Historie[ännern | Bornkood ännern]

Dat eerste Maal in de Oorkunnen kummt de Oort 1420 vör. Doch de Oort is woll düüdlich öller.

Vör 1885 weer Grootweurn in dat Amt Himmelpoorten. 1885 is dat Deel von’n Kreis Neehuus worrn, 1932 denn aver tohoop mit Neeland un Hüll na’n Landkreis Stood wesselt.

Inwahnertall[ännern | Bornkood ännern]

Johr Inwahners
1848-00-001848[1] 518 Lüüd, 87 Hüüs
1858-00-001858[2] 544
1910-12-011. Dezember 1910[3] 508
1925-00-001925[4] 454
1933-00-001933[4] 467
1939-00-001939[4] 397
1988-12-3131. Dezember 1988[5] 461
1993-12-3131. Dezember 1993[5] 460
1998-12-3131. Dezember 1998[5] 490
2003-12-3131. Dezember 2003[5] 476
2008-12-3131. Dezember 2008[5] 459
2012-12-3131. Dezember 2012[5] 462

Politik[ännern | Bornkood ännern]

An’n 1. Juli 1972 is Grootweurn dör de Gemeenreform in Neddersassen Deelgemeen vun de Samtgemeen Himmelporten worrn. Disse Samtgemeen harr Bestand bet to’n 1. Januar 2014, as de Samtgemeen Himmelpoorten mit de Samtgemeen Olendörp to de Samtgemeen Olendörp-Himmelpoorten tohoopgahn is.

Gemeenderoot[ännern | Bornkood ännern]

Sitten in’n Gemeenraat
Johr FWG
2006 7
2011 7

Börgermeester[ännern | Bornkood ännern]

Gemeendvörstahers:

  • 1856–1862: Johann Hinrich von Holten
  • 1862–1868: Ernst Friedrich von Rönn
  • 1868–1873: Claus Hinrich Bammann
  • 1874–1916: Johann Oelrich
  • 1916–1933: Ernst von Rönn

Börgermeesters:

  • 1933–1945: Gustav Schlichting
  • 1945–1946: Heinrich von der Lieth
  • 1946–1968: Hinrich Braack
  • 1968–1991: Gerhard Doerksen
  • 1991–2001: Erich Kahrs
  • 2001–2006: Hubert von der Lieth
  • siet 2006: Bernhard Witt

Wapen[ännern | Bornkood ännern]

Dat Wapen vun de Gemeen wiest op grönen Grund en Neddersassenhuus mit rood Steen un witt Fackwark. Neern löppt en sülvern Wellenbagen, de för de Oost steiht, un en Twieg vun’n Ellerbusch. Gestaltet hett dat de Heraldiker Horst Scheffler in’t Vörjohr 2001.

Kultur[ännern | Bornkood ännern]

In Grootweurn warrt jümmer an’n eersten Advent bi’n Grootweurner Hoff Wiehnachtsmarkt fiert.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

De nächste Bahnhoff is in Himmelpoorten an de Nedderelvbahn von Cuxhoben na Hamborg, wat so bi acht Kilometer weg is.

Scholen[ännern | Bornkood ännern]

Grootweurn hett keen egen School mehr, de ole Volksschool is 1975 oplööst worrn. Op Haupt- un Realschool gaht de Kinner na de Porta-Coeli-School in Himmelpoorten, op Gymnasium na’n Gymnasialtwieg von de Porta-Coeli-School oder na de Vincent-Lübeck-School in Stood.

Ünnernehmens[ännern | Bornkood ännern]

In de Dörpstraat harr de Volksbank Stood-Cuxhoben en Filiaal, de an’n 28. April 2017 dichtmaakt hett.

Lüüd[ännern | Bornkood ännern]

De Travestiekünstlerin Lilo Wanders leevt in Grootweurn un de Pomoloog Eckart Brandt bedrifft dor en Appelhoff.

Footnoten[ännern | Bornkood ännern]

  1. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
  2. Franz Heinrich Ungewitter: Neueste Erdbeschreibung und Staatenkunde. 1858, Sied 420: http://books.google.de/books?id=ZkoNAQAAIAAJ&pg=PA420
  3. http://www.gemeindeverzeichnis.de/gem1900/gem1900.htm?hannover/neuhaus.htm
  4. a b c http://www.verwaltungsgeschichte.de/stade.html
  5. a b c d e f LSKN-Online: http://www1.nls.niedersachsen.de/statistik/

Weblenken[ännern | Bornkood ännern]

Grootweurn. Mehr Biller, Videos oder Audiodateien to’t Thema gifft dat bi Wikimedia Commons.