Rönndiek

Wapen/Flagg	Koort
Basisdaten
Bundsland: Neddersassen Landkreis: Cuxhoben/Stood Samtgemeen: Hemmoor/Olendörp-Himmelpoorten/- Gemeen: Oosten/Grootweurn/Drochters
Inwahners:
Postleettall:	21756
Geograafsche Laag:	53° 42′ N, 9° 14′ O

Rönndiek (hoochdüütsch Rönndeich) is en Oort in de Gemenen Oosten (Samtgemeen Hemmoor) in’n Landkreis Cuxhoben un Grootweurn (Samtgemeen Olendörp-Himmelpoorten) un Drochters in’n Landkreis Stood in Neddersassen.

Geografie

Rönndiek liggt langs de Rönn, de an’n Westrand von’n Oort in de Oost münnt.

De Naveröörd sünd Olendörp in’n Noorden, Hüll in’n Noordoosten, Grootweurn in’n Süden, Sethlerhemm in’n Süüdwesten un Oosten in’n Westen.

Historie

Verwaltungsgeschicht

De Oort hett vör 1852 to dat Gericht Oosten tohöört un denn von 1852 bet 1859 to dat Amt Oosten. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall

Johr	Inwahners
1824-00-001824	20 Füürsteden

Religion

Rönndiek is evangeelsch-luthersch präägt un höört to dat Kaspel von de Petrus-Kark in Oosten.

För de Kathoolschen is de Hillig-Geist-Kark in Stood tostännig.

Weertschop un Infrastruktur

Verkehr

De Dörpstraat von Rönndiek krüüzt de Landsstraat 113, de in’n Noorden an de Bundsstraat 495 ran geiht un in’n Süüdoosten över Grootweurn na Himmelpoorten an de Bundsstraat 73. Von de L 113 geiht de Kreisstraat 65 na Hüll af. Ans gifft dat noch en lüttje Straat an’n Diek von de Oost langs na Oosten.

De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 28 Kilometer in’n Süüdoosten von Rönndiek.

De nächste Bahnhoff is so bi negen Kilometer wied weg in’n Süüdwesten de Bahnhoff Hemmoor an de Nedderelvbahn.

Lüüd

De Schrieversche Elke Loewe leevt in Hüll-Rönndiek.