Sethlerhemm
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21745 | |
| Vörwahl: | 04771 | |
| Geograafsche Laag: | Koordinaten:53° 41′ N, 9° 12′ O53° 41′ N, 9° 12′ O | |
|
| ||
.ajb.jpg)
Sethlerhemm (hoochdüütsch Sethlerhemm) is en Oort in de Gemeen Hemmoor (Samtgemeen Hemmoor) in’n Landkreis Cuxhoben, Neddersassen. De Oort höört polietsch von öllers bi Basbeek mit bi.
Geografie
[ännern | Bornkood ännern]Sethlerhemm liggt achter’n Diek von de Oost in de Masch. De Kant von’n Geestutlöper op’n Slichten (Deel von de Loomster Geest) liggt üm un bi een Kilometer in’n Westen.
De Öörd ümto sünd de Oostener Oostdiek in’n Noorden, Rönndiek in’n Noordoosten, Grootweurn in’n Oosten, Lüttwöhrn in’n Süüdoosten, Bornbarg in’n Süden, de Möhlenreeg in’n Süüdwesten, Basbeek mit Schlichten in’n Westen un dat Karkdörp Oosten in’n Noordwesten.
Historie
[ännern | Bornkood ännern]Twüschen Sethlerhemm un de Hüüs in de Hörn (to Grootweurn) hett dat bet 1961 en Prahmfähr geven.
Verwaltungsgeschicht
[ännern | Bornkood ännern]De Oort hett vör 1859 to dat Amt Bremervöör tohöört un denn von 1859 bet 1885 to dat Amt Oosten. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
Sethlerhemm höört von öllers to Basbeek. De Gemeen Basbeek is 1968 denn Deel von de Gemeen Hemmoor worrn un de Gemeen Hemmoor 1971 Maat von de Samtgemeen Hemmoor.
Inwahnertall
[ännern | Bornkood ännern]| Johr | Inwahners |
|---|---|
| 1. Dezember 1885[1] | 154 Lüüd, 28 Hüüs |
| 1. Dezember 1905[2] | 110 Lüüd, 18 Hüüs |
Religion
[ännern | Bornkood ännern]Sethlerhemm is evangeelsch-luthersch präägt un höört to dat Kaspel von de Michael-Kark in Basbeek.
För de Kathoolschen is de St.-Ansgar-Kark in Warstood tostännig.
Weertschop un Infrastruktur
[ännern | Bornkood ännern]De freewillige Füürwehr von Basbeek is för Sethlerhemm mit tostännig.
Verkehr
[ännern | Bornkood ännern]De eenzige Straat von Sethlerhemm weg is de Sethlerhemmer Straat na Basbeek. De Straat löppt an de Bundsstraat 73 ran, de in’n Noordwesten över Warstood, Kumbarg un Oterndörp na Cuxhoben geiht un in’n Süüdoosten över Heckthusen un Himmelpoorten na Stood.
De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 29 Kilometer in’n Süüdoosten von Sethlerhemm an de B 73.
De nächste Bahnhoff is knapp veer Kilometer wied weg in’n Westen de Bahnhoff Hemmoor an de Nedderelvbahn von Cuxhoben na Hamborg.
Ver- un Entsorgung
[ännern | Bornkood ännern]Dat fleten Water för Sethlerhemm kummt von’n Waterverband Wingst. Dat Afwater warrt in dat Klärwark Hemmoor klärt, dat dicht bi Sethlerhemm an de Oost liggt.
Footnoten
[ännern | Bornkood ännern]- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 155
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 126
Basbeek (mit de Möhlenreeg, Sethlerhemm un den Tegelkamp) | Heeßel (mit Wedelsforth, de Pulvermöhl un dat Schuppenfeld) | Hemm | (Oold-)Hemmoor (mit en Deel von Ohrensfluchtermoor) | Westersood (mit Bröckelbeek) | Warstood (mit Swartenhütten)