Heeßel (Hemmoor)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Heeßel

Heeßel
Laag vun Heeßel in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Hemmoor
Gemeen: Hemmoor
Flach: 6,24 km²
Inwahners:
Hööchd: 15 m över NN
Postleettall: 21745
Vörwahl: 04771
Geograafsche Laag:
Koordinaten:53° 41′ N, 9° 7′ O
53° 41′ N, 9° 7′ O
Hemm (Hemmoor)HemmoorWestersoodHeeßel (Hemmoor)WarstoodBasbeek
Laag von Heeßel (Hemmoor) in de Gemeen Hemmoor (Koort lett sik anklicken)

Luftbild von Heeßel (2012)

Heeßel is en Dörp in de Gemeen Hemmoor (Samtgemeen Hemmoor) in’n Landkreis Cuxhoben, Neddersassen. De Oort hett so üm un bi 150 Inwahners op en Rebeet vun 624 Hektar. Bi Heeßel höört ok al von öllers de Oort Schuppenfeld, de Hoff Wedelsforth un de Pulvermöhl mit bi.

Geografie[ännern | Bornkood ännern]

As Naturdenkmaal schuulte Eek an’e Heeßler Drift

Heeßel liggt op de Loomster Geest op en Höögd von 15 bet 29 m över NN. In’n Noorden von dat Dörp hett de Heeßler Möhlenbeek sien Born.

Naveröörd sünd Westersood mit de Herrlichkeit un den Augustenhoff un Ooldhemmoor in’n Noorden, Wedelsforth, Warstood un Basbeek in’n Noordoosten, de Pulvermöhl, dat Schuppenfeld, Wohlenbekermoor un Ihlbeek in’n Süüdoosten, Hockmöhlen in’n Süden un Varrel in’n Westen.

Historie[ännern | Bornkood ännern]

Dat eerste Maal warrt vun Heeßel üm dat Johr 1500 in ene Oorkunn vun dat Klooster Himmelpoorten schreven. Heeßel harr do veer Füürsteden. De Naam kummt vun de Hasselstrüker, de in dat Rebeed mit de Sandknülls ut de Iestied wasst. Ut Haselloh is denn mit de Tiet Heeßel worrn. Von de veer Füürsteden von 1500 sünd vondaag de Oortsdelen Wedelsforth un Heeßel-Dörp worrn. De Oortsdeel Schuppenfeld is later dortokamen, as de Sweden in de Feldmark welk Schuppen hebbt boon laten. De Augustenhoff is eerst 1933 anleggt worrn.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Warstood in’n Kanton Loomst höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Loomst in’n Kanton Bremervöör.

De Oort hett vör 1859 to de Böörd Loomst in dat Amt Bremervöör tohöört un denn von 1859 bet 1885 to dat Amt Oosten. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Heeßel hett 1962 tohoop mit Warstood un Hemm de Samtgemeen Warstood billt, de aver blots bet to’n 1. Juli 1968 Bestand harr, as Heeßel Deel von de nee billt Gemeen Hemmoor worrn is, de 1971 Deel von de Samtgemeen Hemmoor worrn is.

Inwahnertall[ännern | Bornkood ännern]

Johr Inwahners
1791-00-001791[1] 14 Füürsteden
1824-00-001824[2] 17 Füürsteden
1848-00-001848[3] 108 Lüüd. 19 Hüüs
1871-12-011. Dezember 1871[4] 103 Lüüd. 20 Hüüs
1885-12-011. Dezember 1885[5] 110 Lüüd. 20 Hüüs
1905-12-011. Dezember 1905[6] 110 Lüüd. 22 Hüüs
1910-12-011. Dezember 1910[7] 165*
1925-00-001925[8] 154*
1933-00-001933[8] 144*
1939-00-001939[8] 163*
1993-00-001993 141*
* tohoop mit Pulvermöhl, Schuppenfeld un Wedelsforth

Wapen[ännern | Bornkood ännern]

Dat Wapen von Heeßel is schrääg deelt. Vörn baven wiest dat ene gröne Hassel-Frucht mit dree Nööt, de för den Naam von den Oort staht. Neern achtern sünd veer Schüüriesen to sehn, de Symbol sünd för de veer eersten Bowarken von dat Dörp üm 1500.

Religion[ännern | Bornkood ännern]

Heeßel is evangeelsch-luthersch präägt un höört to dat Kaspel von de Bartelmees-Kark in Loomst.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Börgermeesters[ännern | Bornkood ännern]

  • –30. Juni 1968: Hinrich Ahrens

Kultur[ännern | Bornkood ännern]

Kriegerdenkmaal in Heeßel Denkmaal mit de Nr. 35.202.200.012 in de Gemeen Hemmoor
Bild mit dat Wapen, de in Heeßel steiht

Wat dor loos is[ännern | Bornkood ännern]

Füürwehrhuus in Heeßel

De Schützenvereen Heeßel is 1912 grünnt worrn. Dat Schützenfest is jedet Johr an’n veerten Sünndag in’n Juli.

De Sportvereen Grashoppers Heeßel hett sik an’n 15. September 1978 grünnt, is aver eerst 1980 en indragen Vereen worrn.

Weertschop un Infrastruktur[ännern | Bornkood ännern]

Heeßel is vun Bueree präägt. De Oort hett ok ene Deponie för Huusmüll.

Dat Kalksandsteenwark in Heeßel is dichtmaakt. Dat is dorna en poor Johr lang bet 2014 as Paintball-Anlaag bruukt worrn.

De freewillige Füürwehr Heeßel is an’n 16. Juli 1933 grünnt worrn.

Verkehr[ännern | Bornkood ännern]

Dat Dörp liggt direkt an de Bundsstraat 495, de in’n Noordoosten na Basbeek/Warstood ran de Bundsstraat 73 un in’n Süden över Wohlenbeek na Loomst un Bremervöör geiht. Lüttjere Straten gaht na Varrel, Brökelbeek un Westersood.

De nächste Autobahn is de Autobahn 26 (Afsnidd StoodHamborg). De Opfohrt 2 Stood-Süüd liggt so 32 Kilometer in’n Süüdoosten von Heeßel an de B 73.

De nächste Bahnhoff is so bi dree Kilometer wied weg in’n Noordoosten de Bahnhoff Hemmoor an de Nedderelvbahn von Cuxhoben na Hamborg.

Scholen[ännern | Bornkood ännern]

De Kinners gaht in Hemmoor na School. Op Gymnasium gaht se na dat Gymnasium Warstood.

Fröher harr dat dörp ok en egen Volksschool.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 100
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 258
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 103
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 147
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 156
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 126
  7. Inwahnertallen op gemeindeverzeichnis.de
  8. a b c Inwahnertallen op verwaltungsgeschichte.de

Weblenken[ännern | Bornkood ännern]

Commons-logo.svg Heeßel (Hemmoor). Mehr Biller, Videos oder Audiodateien to’t Thema gifft dat bi Wikimedia Commons.