Füürsteed

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Füürsteed
Laag vun Füürsteed in Düütschland
Basisdaten
Bundsland: Neddersassen
Landkreis: Cuxhoben
Gemeen: Cuxhoben
Inwahners:
Postleettall: 27478
Vörwahl: 04724
Geograafsche Laag:
Koordinaten:53° 46′ N, 8° 44′ O
53° 46′ N, 8° 44′ O

Füürsteed (hoochdüütsch Feuerstätte) is en lütten Oort in de Gemeen Cuxhoben in’n Landkreis Cuxhoben, Neddersassen. Binnen de Gemeen höört de Oort to de polietsche Oortschop Worth.

Geografie[ännern | Bornkood ännern]

De Oort liggt in’t Siedland von Hadeln in’t Moor. Dat Water ut dat Rebeed warrt över’n Olenbroker Kanaal afföhrt. Bi Füürsteed doot de Naturschuulrebeden Herrschoplich Moor un Aßbütteler Moor liggen.

De Naveröörd sünd Oostermoor, Seehusen, de Lee un Heernskoop in’n Noordoosten, Westerwannen in’n Süüdoosten, Wanhöden in’n Süüdwesten un Köstersweg in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Lee in’n Kanton Ritzbüttel höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to dat Kaspelsgericht Worth in dat Land Hadeln tohöört un denn von 1852 bet 1886 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

De Oort höört al von öllers bi de Gemeen Worth mit bi, de an’n 1. Juli 1972 mit de Gemeenreform in Neddersassen Deel von de Gemeen Cuxhoben worrn is. Sietdem höört Füürsteed binnen de Gemeen to de Oortschop Worth.

Inwahnertall[ännern | Bornkood ännern]

Johr Inwahners
1791-00-001791[1] 3 Füürsteden
1848-00-001848[2] 15 Lüüd. 2 Hüüs
1871-12-011. Dezember 1871[3] 15 Lüüd. 3 Hüüs
1885-12-011. Dezember 1885[4] 19 Lüüd. 3 Hüüs
1905-12-011. Dezember 1905[5] 19 Lüüd. 3 Hüüs

Religion[ännern | Bornkood ännern]

Füürsteed is evangeelsch-luthersch präägt un höört to dat Kaspel von de Jacobi-Kark op de Worth.

För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.

Weertschop un Infrastruktur[ännern | Bornkood ännern]

För Füürsteed is de freewillige Füürwehr op de Worth mit tostännig.

Verkehr[ännern | Bornkood ännern]

Dör Füürsteed löppt de Kreisstraat 5, de in’n Noorden na de Worth un Olenbrook an de Bundsstraat 73 ran geiht un in’n Süüdoosten na Westerwannen an de Landsstraat 118. Över Köstersweg is de Oort an de K 14 anbunnen.

De nächste Autobahn is de Autobahn 27 (Afsnidd CuxhobenBremerhoben). De Opfohrt 3 Noordholt liggt so acht Kilometer in’n Süüdwesten von Füürsteed an de K 14.

De nächsten Bahnhööv sünd so bi 15 Kilometer wied weg de Bahnhoff Noordholt an de Bahnlien Bremerhoben–Cuxhoben in’n Westen un de Bahnhoff Oterndörp an de Nedderelvbahn von Cuxhoben na Hamborg in’n Noordoosten. De Bahnhoff Cuxhoben, de an beide Bahnlienen liggt, is 15 Kilometer in’n Noorden.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 74
  2. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 156
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 149
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 158
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 68