Mairie Lee
De Mairie Lee weer in de Franzosentied (1810 bet 1813) een von de veer Mairien, in de de Kanton Ritzbüttel indeelt weer. De Seet weer in Lee. Se harr 2407 Inwahners.[1]
Historie[ännern | Bornkood ännern]
Lee hett vör de Franzosentied to Land Hadeln höört un dat Land ümto to dat Amt Noordholt un dat Vaagdiegericht Land Wusten in dat Hartogdom Bremen. Dat Land Hadeln un dat Hartogdom Bremen hebbt all beid in dat Kurförstendom Hannover legen. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.
Binnen Westfalen weer de Mairie Lee een von de acht Mairien in’n Kanton Neenkarken von’n Distrikt Stood, Departement von de Elv- un Wersermünnen.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Lee weer nu een von de veer Mairien in’n Kanton Ritzbüttel, Distrikt Stood, Departement von de Elvmünnen. De Mairie weer nu grötter, dor sünd Öörd in tohoopfaat worrn, de vörher in Westfalen to de twee Mairien Lee un Wannen (all beid in’n Kanton Neenkarken) höört harrn.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.
Öörd[ännern | Bornkood ännern]
Dor hebbt düsse Öörd tohöört:
Vondaag sünd düsse Öörd Deel von de Stadt Cuxhoben.
Footnoten[ännern | Bornkood ännern]
- ↑ a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 68
- ↑ a b Bulletin des lois du Royaume de Westphalie. Königliche Bookdruckeree, Kassel 1810, Sied 5